اللص الشريف

[Abo Yasso]

منبن وبكام ؟ ويعني ايه مسامير والا قصدك صواميل؟ ممكن شرح

معلش اعذرنى ............ايه مسامير دى
بص يا باشا نفس شكل اللى راكب عندك وعندنا كلنا لربط الكاوتش بس بيبقى الفرق فى شكل الرأس بتاعه
مفتاح الصليبه ليه كذا مقاس صح؟
شكل الراس هنا بقى مختلفا خالص لازم ليها مفتاح شكله مختلف وبيتباع معاهم
بصراحه مش فاكر السعر خالص كل اللى فاكره انى لما حسبتها على الاربع فرد لقيت الرقم معدى عشان كده انت ممكن تحط واحد بس فى كل فرده
موجود فى التوفيقه او دمشق
ويا ريت لو جبته تبقى تعرفنا سعره

[bkr]

ربنا يعوض عليك

[bmya]

ربنا يعوض عليك بس دي فكره كويسه لمنع سرقه العربيه
بمعنى ان الواحد وهو مروح وهيجرش يفوك فرده من ال4 ويحملها على حجر او حاجه وبكده لو جه واحد حرامي يسرقها مش هيعرف يحركها طبعا وهي من غير كاوتش واكيد الحرامي مش هيكون عامل حسابه انه يجيب كوريش وجنط استبن :)

[khaabas]

هى البلد رايحة على فين

[S O P H O S]

ربنا يعوضك بالخير
واكيد مخدش المسامير لسبب

[Amr A.salam]

ربنا يعوض عليك

بس فيه فكرة كدة في حالة ان الحرامي أخد المسامير معاه

أنك تفك مسمار من كل عجلة من التلاتة اللي راكبين وكدة انت معاك 3 مسامير تركبهم في الاستبن

وتبقى ماشي بالاربع عجلات كل واحدة بتلات مسامير لحد أقرب حد تشتري منه مسامير

[waleed123]

ربنا يعوض عليك انا عندي فكره احسن من ده كله انا عن نفسي جربتها لما نزلت الاجازه اللي فاتت كنت بسيب العربيه قدام العماره ومتغطيه واركب مواصلات يعني العربيه شاريها زيرو ومش عارف اركبها لحد دلوقتي عشان خايف من السرقه او التثبيت الله يوليها عادل وصالح بقى احسن كده بقينا ولا الصومال

[hi_nmr]

ربنا يعوض عليك

[sonybony]

الحمدلله انها جت علي قد كده وربنا يعوضك وحسبي الله ونعم الوكيل

[dede_dodo88]

ربنا يعوض عليك..

لسة شايف من كام يوم عربية bmw e90 في صلاح سالم راكنة على الرصيف قدام فيللا و العربية مرفوعة على 4 طوبات و الأربع عجلات مش موجودين.. معرفش هل أتقلبوا برضه و للا أيه !!..

[Deshahcoka]

رجعنا لموضة سرقة الجنوط !

فعلا انا لقيت واحد بتاع كاوتش بيبيع فردة جنط كوبية واحدة بالكاوتشة و مستعملة ب 700 جنيه قلتلم يا عم الحج الطقم فين يقلي هيا واحدة بس ! طبعا مسروقة وش !

و لقيت طقم 4 فرد استعمال ب 5500 بالكواتش فاكيد مسروقين او ابتدى موضوع بيعهم يجيب فلوس فيعني بيتباعوا :)

دلوقتي هما زيروا يعملوا 4000 من التوكيل اعتقد

لو حد سرقهم لنفسه يبقى ربنا مش حيسيبة و حتيجي في العربية كلها المال الحرام مبيدمش حتى لو ربنا سابلك فرصة !

[احمد نظمي]

ربنا يعوض عليك انا عندي فكره احسن من ده كله انا عن نفسي جربتها لما نزلت الاجازه اللي فاتت كنت بسيب العربيه قدام العماره ومتغطيه واركب مواصلات يعني العربيه شاريها زيرو ومش عارف اركبها لحد دلوقتي عشان خايف من السرقه او التثبيت الله يوليها عادل وصالح بقى احسن كده بقينا ولا الصومال

الله يعوض عليك اما بالنسبة للاخ وليد والله لو ليك نصيب تتسرق هتتسرق وانا اعرف واحد كان بيخاف موت علي عربيته وفي يوم كان في الشغل رجع لاقي الشنطة حاضنة الكراسي وهي واقفة
د نصيب يبقا ( قل لو اجتمعت الانس والجن علي ان يضروك بشئ لم يكتبه الله عليك لن يضروك بشئ ) كله مكتوب ياباشا بس انت توكل علي الله واركب عربيتك وعيش حياتك وسيبها لله

[ozy2026]

انا كنت عند واحد جنب محطه الملك الصالح بيصلح جنوط وشفت عنده جنط سيراتو 17 اللى هو الريش بتاعته كتير وكان جنط واحد بس للبيع
لو عاوزه روح عند محطه الملك الصالح من ناحيه الكورنيش واسأل أى حد على الورشه بتاعت تصليح الجنوط
هتلاقيهم محلين فى وش بعض
وربنا يعوض عليك

[sas5]

السلام عليكم
شفت نفس الموضوع الجنوط الاسبور بتوع السيراتو
سرق العجلتين الاماميتين ووضع السياره على طوب والصماويل اسفل الطوب
تمت السرقه فى مدينه نصر - شارع متفرع من مكرم عبيد