هو توكيل كيا غالى كده

[ezzeldin1234]

كان عندى الازاز بتاع الاباب اليمين الامامى بيطلع وينزل ببطء رشتل عليه wd 40 ومنفعش وخلتهم ينظفوه فى صيانة الخمسين الاسبوع اللى فات وبره منفعش المهم المهندس قالى كده يبقى هنغيره قلتله ماشى العربيه سيراتو 2009 الشكل الجديد يعنى ضمانها انتهى فقالى هتتحاسب عليه قلتله بكام قالى 496 بالمصنعيه طبعا انا اتخضيت كاوتش باب عشان اغيره ادفع 337 تمنه + 125 مصنعيه + ضريبه

فقلت اسالكم عشان انا جديد فى الكيا

هو توكيل كيا غالى كده ؟

[fddf512]

دا فعلا غالي قوي

[khaabas]

اى توكيل غالى
دور على مكان بره واعمل فيه اللى انتا عاوزه وبربع التمن :)

[ezzeldin1234]

اى توكيل غالى
دور على مكان بره واعمل فيه اللى انتا عاوزه وبربع التمن :)

ما انا عارف انه بره بربع التمن بس للاسف اخويا ليه تجربه برده مع كاوتش الباب غيره بره التوكيل لعربيه النترا بعد شهر سرب ميه جوا العربيه وكان بيسربله تراب يركنها يومين يلاقيها متربته جامد واضطر يروح التوكيل يركب الكاوتش وبصراحه فرق معاه جامد عن االلى بره

بس الواحد بيقول التوكيل من حقه يغلى ماشى بس ميبقاش الفرق كده يعنى مثلا الكاوتش ده بيتيغير فى خمس دقايق الراجل بيسحب القديم ويدخل الجديد بالضغط بالايد عادى فمش من الطبيعى يقولى 125 مصنعيه ده كان قصدى

[Ahmed_Adham]

هيه المشكله أكيد في الكاوتش ولا مكنه الرفع؟

[monamize4]

هيه المشكله أكيد في الكاوتش ولا مكنه الرفع؟

+11111111111111

[ezzeldin1234]

لا مش مكنة الرفع لانى غيرت الكوتش خلاص وبقاله كام يوم الازاز كويس

[Deshahcoka]

مشكلة ااسية في السيراتوا جوان الازاز كاوتش الباب بيسموه :( فعلا انا القديم كان بيقفش في الازاز و هريته شحم و مزيل صدا و كل ما تتخيل و برضه غيرته و الحمدلله الدنيا اتظبطت :) معلش هما غالين فعلا انا غيرت اتنين قدام للبابين كانوا بملغ محترم اعتقد

[mohmmedzohier]

السلام عليكم

بودره تلح بتاعه الاطفال

[moha4tec]

يا رجاله كانت عندى نفس المشكله و كان الازاز بيطلع عادى بس بيعمل صوت و بينزل براحه جدا و بطىء .
و جربت كل شىء من شحم الى wd40 الى سيليكون سبراى مخصص لكوتش الازاز و الابواب و النتيجه هما بالكتير 3 ايام و ترجع ريما لعادتها االقديمه
المهم رحت لواحد فى شارع دمشق و فكلى فرش الباب و نضف الكوتش و فكه و ركبه من جديد و رش WD40 على حتت معينه من وحدة الرفع او مش فاكر و بعد كده رش بودرة تلج على الكوتش
و الحمد لله النتيجه ممتازه و بقالى اكتر من 4 شهور زى الفل ...........
و الله اعلم

[ezzeldin1234]

يا رجاله كانت عندى نفس المشكله و كان الازاز بيطلع عادى بس بيعمل صوت و بينزل براحه جدا و بطىء .
و جربت كل شىء من شحم الى wd40 الى سيليكون سبراى مخصص لكوتش الازاز و الابواب و النتيجه هما بالكتير 3 ايام و ترجع ريما لعادتها االقديمه
المهم رحت لواحد فى شارع دمشق و فكلى فرش الباب و نضف الكوتش و فكه و ركبه من جديد و رش wd40 على حتت معينه من وحدة الرفع او مش فاكر و بعد كده رش بودرة تلج على الكوتش
و الحمد لله النتيجه ممتازه و بقالى اكتر من 4 شهور زى الفل ...........
و الله اعلم

طب كنت قولى قبل ما اكع 496 ج فى التوكيل

عموما كويس ان حضرتك قلتلنا عشان لو حد عايز

[moha4tec]

و الله يا باشا انا اول ما شفت الموضوع .
معلش انا شفته متاخر شويه
بس ممكن يكون انت عندك مشكله فى كوتش الباب و نشف فعلا