مساعده فى شراء كيا سيفيا 2000

[osama_ahmed1]

مساعده فى شراء كيا سيفيا 2000

امامى كيا سيفيا موديل 2000 كامله مانوال لون زيتى فابريكه من الداخل

جميع الكماليات تعمل وعداد 100 الف كيلو

عند الكشف عليها تم اكتشاف الاتى

1 تحتاج لتغيير جميع الجوانات نظرا لتسريب الزيوت جوان تكيهات و فتيس و كارتيره
2 تحتاج لخراطيم باور علشان فيه صوت بيظهر مع اخر مشوار الدركسيون
3 كبس الموتور كان 69 % ومعرفش ده كده كويس لموديلها و عدادها ولالا
4 تحتاج فلاتر وبوجيهات وجلب مقصات
5 لا تحتاج لكاوتش او لبطاريه والحاله الخارجيه مقبوله لا تحتاج لسمكره


ممكن اعرف ايه تكلفة الحاجات اللى قولتها دى والسعر قبل الكشف كان 45000

وتم التوصل الان الى 41000


لو وقفت عليا ب 41 و عملت الصيانات دى كلها هيكون سعرها عالى عليا ولا بلاش منها اصلا
ومتشكر جدا ليكو

[kalmah]

انا زيك لسة بدور علي عربية سفيا كويسة و عمال قالب النت بشوف الناس بتقول اية المهم انا شايف السعر كدة مبالغغغ فية جدا و شكلها كدة لو غيرت الموتور هيبقيء ارخص و معمر اكتر من كل دة !!! بالحالة دية 33-35! شوف الاسعار علي .......cars
و خلي بالك ان الاسعار بتبقيء عن سعر التنفيذ في حدود 7 الاف

و بردة دة رأي الشخصي و انا لسة مجبتش او ركبت العربية دية فأصبر تاخد رأي الناس هنا

[AHMED12345678]

نصيحة من مالك سيفيا سابق
عربية بالحالة الى حضرتك بتقول عليها دى ابعد عنها احسن علشان هتصرف عليها كتير ومش هتبطل صرف
ونصيحة منى ابعد عن السيفيا اصلا لان غالبا مش هتلاقى سيفيا نضيفة دلوقتى
وعيب العربية الشهير هو الباور والاسكترة وكل شوية طرمبة الباور هتضرب حتى لو جبت الاصلية بردة هتضرب

[AHMED12345678]

كمان مفيش حاجة اسمها خراطيم باور تتغير
لان طالما طلع صوت مع لفة الدركسيون فدة معناه ان طرمبة الباور عاوزة تتغير
كمان جوان غطا التاكيهات عيب شهير فى العربية وكل شوية بيضرب وبينشع زيت حتى لو غيرته بالاصلى

وكمان فى عيب تالت شهير فى العربية وهو ان هوايات التابلوة الى قدام الزجاج الامامى بتضرب وبتكسر لوحدها

نصيحة منى لوجة الله العربية دى اذا كانت متهانه زى حالة العربية المعروضة عليك ابعد عنها وغالبا زى مقلت لحضرتك
مش هتلاقى حالة كويسة
وكمان العربية المعروضه على حضرتك عدادها مش متناسب مع كبس الموتور