اولع فيها يعني !

[no2nn]

السلام عليكم ورحمه الله وبركاته
وعيد سعيد على كل مسيحي ف المنتدي ..
انا اخوكم مؤمن ... معايا عربيه كيا سيراتو 2008
من اسبوع كده الحاج اخد العربيه مشوار وسخنت منو ف الطريق .. المهم عرف ان الخرطوم الرئيسي اللي خارج من الريداتيير للموتور بيسرب مياه .. ف وقف وساب العربيه تهدي وزودها مياه .. المهم فضل مكمل بيها وكان مسافر للفيوم ف شغل .. ف مشي عليها وكل شويه يقف ويسيبها تهدي ويزودها ويمشي تاني .. وصل الفيوم ف 4 ساعات .. والحمد لله جوان وش السلندر ضرب ..
اضطر يعمل العربيه هناك .. غيرو الجوان وزيت الموتور طبعا والبوجيهات ...
والعربيه بتكركر ومتلته من ساعت ما اتعملت ومخنوقه ومبتعدين ار بي ام 2 !!
الا لو كبست اوووي ع دواسه البنزين .. تمت مشوره الميكانيكي اللي بنتعامل معاه وبص لقا البوجيه التاني منتش زيت !!
قالك العربيه فيها صباب .. .
ده كلام والدي .. انا مش عارف ايه صباب اللي فيها دي .. حاجه خطيره يعني ؟؟
ثانيا هل غلط اني امشي ع العربيه ف الفتره دي ؟؟
ثالثا هل ممكن ميكونش صباب ويكون حاجه تانيه ؟؟
ارجو الافاده ؟؟
وشاكر ليكم مقدما واسف ع الاطاله

[أحمد عبدالله]

متابع

[emad_2020]

متابع

[Lifz_Good]

طب متابع معاكوا للإفادة

[no2nn]

3 متابعين وولا افاده واحده ... نرجو الافاده من متخصصين المنتدي

[realtyinv]

تحياتي ، ان معلوماتي بسيطة بس سوف احاول المساعدة علي قدر المستطاع .
اولاً : اخطر شئ علي الموتور هي الحرارة زي البني ادم بالضبط وكان من المفروض ان الوالد يرفع العربية علي ونش او يقطرها .
ثانياً : لابد من حل الموتور مرة ثانية علشان تعرف ايه حجم الضرر اللي حصل فيه وغالباً حيلاقي الشمبر بتاع السلندر ضرب من السخونية علشان كده فيه زيت علي البوجية وربنا يستر ما يكونش حصل ضرر لرأس السلندر نفسها من شدة الحرارة .
ثالثاً : من الافضل الذهاب بالسيارة الي التوكيل والبعد عن الميكانيكية لان اغلبهم ليست لديهم خبرة خصوصاً في السيارات الحديثة .
تحياتي

[hassanin_lada]

قدر الله ماشاء فعل

ببساطه كده عشان مانعقدش الموضع

بص ياباشا البوجيه مايجيش عليه زيت غير من حتتين مالهمش تالته ياما شمبر وطبعا بستبعده لان العربيه لسا جديده

يا اما الصباب

الزيت في المتور بيبقي من تحت البساتم او من فوق وش السلندر

وطالما في زيت علي البوجيه يبقي صباب

حضرتك لازم تفك الوش وتراجع عليه كله من الاول

ويفضل لو عملته في التوكيل احسن طبعا

مش هيجري حاجه لو مشيت عليه غير ان العربيه هتلاقيها مبرجله والزيت بينقص وقرف وفي الاخر بردو هيتعمل

وانشألله بسيطه

[no2nn]

قدر الله ماشاء فعل

ببساطه كده عشان مانعقدش الموضع

بص ياباشا البوجيه مايجيش عليه زيت غير من حتتين مالهمش تالته ياما شمبر وطبعا بستبعده لان العربيه لسا جديده

يا اما الصباب

الزيت في المتور بيبقي من تحت البساتم او من فوق وش السلندر

وطالما في زيت علي البوجيه يبقي صباب

حضرتك لازم تفك الوش وتراجع عليه كله من الاول

ويفضل لو عملته في التوكيل احسن طبعا

مش هيجري حاجه لو مشيت عليه غير ان العربيه هتلاقيها مبرجله والزيت بينقص وقرف وفي الاخر بردو هيتعمل

وانشألله بسيطه

شاكر جدا جدا لحضرتك ع المشاركه وبصراحه انت طمنتني
طيب معلش استفسار كمان .. الصباب ده بيتغير ولا بيتصلح .. اعذرني خبرتي قليله وسني صغير ^^
لو بيتغير او بيتصل ف الحالتين التكلفه كام وطبعا خارج التوكيل لان والدي مش اشد المعارضين للتوكيل !!
معلش هيا مجرد وجهات نظر
ارجو ان حضرتك تفيدني ف التكلفه ..
شاكر لحضرتك جدا ع الاهتمام
ونورت الموضوع

[2CODE]

شاكر جدا جدا لحضرتك ع المشاركه وبصراحه انت طمنتني
طيب معلش استفسار كمان .. الصباب ده بيتغير ولا بيتصلح .. اعذرني خبرتي قليله وسني صغير ^^
لو بيتغير او بيتصل ف الحالتين التكلفه كام وطبعا خارج التوكيل لان والدي مش اشد المعارضين للتوكيل !!
معلش هيا مجرد وجهات نظر
ارجو ان حضرتك تفيدني ف التكلفه ..
شاكر لحضرتك جدا ع الاهتمام
ونورت الموضوع

اشد المعارضين للتوكيل ؟؟؟؟؟ هو ايوه اي توكيل اسعاره هتبقى اغلى من برا

بس التوكيل فيه "مهندسين" و "متدربين" على العربيات دي في بلد منشأ ماركة السيارة !!!!!!

يعني مش الواد بليه في اخر الشارع !!! ده راجل مهندس ومتدرب من الشركة على العربيات دي

وكيا عندها افضل وكيل في مصر بشهادة الكثير - الناس هناك لما تبدأ صيانتك انت ملك المكان لغاية ما عربيتك تخلص !!!!!!!!

لأ طبعاً بعد عن كل الميكانيكيه دول وتوكل على الله في التوكيل ضروري جداً

[lad]

عاوز تعملهاصح يبقى التوكيل

[rockeromda]

السلام عليكم
بص انا ممكن أوافقك انك تعمل شغل سمكرة ودوكو بره التوكيل وممكن يطلع احسن
لكن الموتور والكهرباء لا طبعا عشان متخربش الدنيا
لو عايز الصح روح بيها التوكيل وشوف هيقولولك ايه وخد اكثر من رأي
لكن الصح التوكيل في الموتور والكهربا

[mahmoudhanfe]

الحمد لله طبعا على كل شئ
و ان شاء الله الموضوع بسيط

بس للاسف انت لازم تحل الوش تانى ,, وتوديه للخراط عشان يتقاس ,, عشان ممكن يكون قفع ومحتاج يتخرط ,, وكمان لما تحل الوش حتعرف مصدر الزيت اللى على البوجيه
وغالبا حيحتاج فريزة وروديه ,, وحتعمل طقم صبابات .. ده كله كلام بسيط حيتعمل عند الخراط ,, بس اهم حاجة تتاكد ان الو رجع سليم 100 %
وبعدين حيركب وان شاء الله حتلاقى العربية احسن من الاول ,, ولازم تحل المشكلة الاصلية اللى خلت العربية تسخن من الاساس عشان ميحصل اى مشكلة تانى لا قدر الله

[no2nn]

متشكر جدا جدا يا جماعه ع المشاركات والاهتمام
وان شاء الله لما تتصلح اعمل تقرير عن الموضوع

[hassanin_lada]

شاكر جدا جدا لحضرتك ع المشاركه وبصراحه انت طمنتني
طيب معلش استفسار كمان .. الصباب ده بيتغير ولا بيتصلح .. اعذرني خبرتي قليله وسني صغير ^^
لو بيتغير او بيتصل ف الحالتين التكلفه كام وطبعا خارج التوكيل لان والدي مش اشد المعارضين للتوكيل !!
معلش هيا مجرد وجهات نظر
ارجو ان حضرتك تفيدني ف التكلفه ..
شاكر لحضرتك جدا ع الاهتمام
ونورت الموضوع

الصراحه ماعرفش

بس بسيطه يعني

بس زي ما قال الاعضاء التوكيل ثم التوكيل ناس دارسه وفاهمه صح مش الصنيعيه العكاكين وبسبب الصنيعيه دول اديك دخلت في مشكله

استخر ربنا وتوكيل علي الله ثم التوكيل