خبط فى السلم وعينك متشوف إلا النور

[salodas]

مساء الخيرات
ماشى فى شارع ضيق جدا ..... على مهلى خالص ..... مش شايف ..... روحت لابس بالعجلة اليمين أمامى فى درجة سلم .... طبعا حسيت بصدمة فى العربية .... المهم وقفت ونزلت تحت العربية طبعا مش فاهم حاجة وكمان مش شايف حاجة ..

أنا مش شايف أى أختلاف ولكن أنا موسوس جدا فمين يقدر يبص على العربية ويطمنى .... غير التوكيل طبعا

[mado83]

روح لبتاع زوايا وهويكشفلك عليها ويظبطلك الزوايا

[Ahmed.Fahmy]

ممكن كمان ترفع فى بنزينه تشوف الفيبر لو حاجة اتكسرت لا قدر الله

[MohammedAladel]

لو محصلش حاجة توكل على الله وامشى بالعربية طالما مش حاسس بحاجة غريبة

[mhf_77]

اولا لو مش هتعرف بنفسك روح لبتاع كاوتشات واكشف على الكاوتش كويس ممكن يكون طلع بلونه
وتأكد من سلامة الجنط يمكن يكون اتعوج
ثانيا اطلع على طريق مفتوح وجيب سرعه وشوف العربيه هتعمل ايه؟؟ بتحدف او بترعش
ثالثا لو مفيش اى جديد احمد ربنا

[hilal]

طالما كنت ماشي هادي خالص ، ما تخافشي من حاجة
إن شاء الله كل خير ، الخسائر هتحس بيها فورا

[windofchange]

ممكن كمان ترفع فى بنزينه تشوف الفيبر لو حاجة اتكسرت لا قدر الله

+1111111 اساسي والفبر اللي تحت بيحافظ علي الدينامو والكومبريسور واشياء اخري من مياه الشارع اللي بتبوظ الحاجات دي

[khaabas]

سلم أيه ده يا برنس اللى فى الشارع ؟؟؟

[salodas]

ربنا يطمن قلوبكم .
أنا سافرت لاعربية وجريت بيها كمان مفيش أى أختلاف الحمد لله ..
أشكركم على النصيحة .. أنا متأكد أن مفيش أى مشكلة فى الكاوتش ولا الجنط ... لأن كنت ماشى برااحة خالص .
ان شاء الله هرفعها وأبص علي الفيبر أو أى حاجة غلط .... وبعدين أروح لواحد بتاع زوايا أكشف ...
حد يعرف واحد بيظبط زوايا كويس قريب من كارفور المعادى .
شكرا لكم

[S O P H O S]

الحمد الله انك كنت ماشي بالراحة

[2CODE]

ربنا يطمن قلوبكم .
أنا سافرت لاعربية وجريت بيها كمان مفيش أى أختلاف الحمد لله ..
أشكركم على النصيحة .. أنا متأكد أن مفيش أى مشكلة فى الكاوتش ولا الجنط ... لأن كنت ماشى برااحة خالص .
ان شاء الله هرفعها وأبص علي الفيبر أو أى حاجة غلط .... وبعدين أروح لواحد بتاع زوايا أكشف ...
حد يعرف واحد بيظبط زوايا كويس قريب من كارفور المعادى .
شكرا لكم

خلاص متقنعش نفسك بحاجات مش موجوده اساساً عربيتك سليمه ان شاء الله