كيا سيراتو ٢٠١٣

[Hosam_Optrawy]

لكن انا مش ححس بفرق بين السيراتو والجوك مش حندم

شوف ياباشا انا مجربتش الجوك لكن جربت السيراتو الجديده الكامله عربيه ماشاء الله جميله وتقريبا مش ناقصه حاجه واحسن من الشكل اللى قبله فى كل حاجه , مش عايز اطلعها السما او انزل الشكل القديم الارض , لكن هى احسن منها فعلا فى كل حاجه بس بنسب

فموضوع الندم انت اللى هاتحكم عليه لانها بتختلف من شخص للتانى

نظريا الفرق الوحيد هو العلو عن الارض هى دى الحاجه الوحيده اللى هاتفتقدها

واحد زيى مثلا مايرضاش يركب الجوك دى اساسا :) لامؤاخده :) بس ولا بحب شكلها ولا باحب الفتيس ال cvt غير ان حجمها مش مناسب ليا سواء الصالون او الشنطه

السيراتو بقى موتور اقوى وفتيس عادى من اللى انا بافضله واوسع بكتير وثبات وايروداينمكس افضل وشكل احلى وممكن تبقى اوبشنز اكتر فى حالة شراء sx

واحد غيرى يقولك سيراتو ايه وكورى ايه وكلام فاضى ايه :) خليك فى الجوك

وهكذا , فانت اللى هاتحدد

فى سؤال مهم ممكن يساعدنا , انت ليه اشتريت الجوك ؟ وايه اكتر مميزات عاجباك فيها وخايف ماتلاقيهاش فى السيراتو ؟

[m1988]

شوف ياباشا انا مجربتش الجوك لكن جربت السيراتو الجديده الكامله عربيه ماشاء الله جميله وتقريبا مش ناقصه حاجه واحسن من الشكل اللى قبله فى كل حاجه , مش عايز اطلعها السما او انزل الشكل القديم الارض , لكن هى احسن منها فعلا فى كل حاجه بس بنسب

فموضوع الندم انت اللى هاتحكم عليه لانها بتختلف من شخص للتانى

نظريا الفرق الوحيد هو العلو عن الارض هى دى الحاجه الوحيده اللى هاتفتقدها

واحد زيى مثلا مايرضاش يركب الجوك دى اساسا :) لامؤاخده :) بس ولا بحب شكلها ولا باحب الفتيس ال cvt غير ان حجمها مش مناسب ليا سواء الصالون او الشنطه

السيراتو بقى موتور اقوى وفتيس عادى من اللى انا بافضله واوسع بكتير وثبات وايروداينمكس افضل وشكل احلى وممكن تبقى اوبشنز اكتر فى حالة شراء sx

واحد غيرى يقولك سيراتو ايه وكورى ايه وكلام فاضى ايه :) خليك فى الجوك

وهكذا , فانت اللى هاتحدد

فى سؤال مهم ممكن يساعدنا , انت ليه اشتريت الجوك ؟ وايه اكتر مميزات عاجباك فيها وخايف ماتلاقيهاش فى السيراتو ؟

اولا شكلها يعنى شبابيه عربيه جديده شكلها مش مالوف ويرتنى مخدت بالشكل من ساعت مجبتها وعمال اخد كل عين وعين تحفه يعنى لو جبت الفئه الاهى بى ١٥٦ كويسه وبرده مش ححس بشكل فى الابشن ولا لا عجبنى فيها الثبات بتاعها والامان

[Hosam_Optrawy]

اولا شكلها يعنى شبابيه عربيه جديده شكلها مش مالوف ويرتنى مخدت بالشكل من ساعت مجبتها وعمال اخد كل عين وعين تحفه يعنى لو جبت الفئه الاهى بى ١٥٦ كويسه وبرده مش ححس بشكل فى الابشن ولا لا عجبنى فيها الثبات بتاعها والامان

ماهى اللى ب 156 الف دى زى ماقولتلك من غير ABS و وفيها AirBag للسائق فقط

وكمالياتها جنوط 16 واوديو كنترول وشكرا على كدا !!

فكدا مفيش امان ولا اوبشنز , من حيث الثبات ثباتها ممتاز ماتقلقش منه

[eleanor]

طيب فى اقتراح كويس حضرتك اوصل اى معرض واتفرج على السيراتو الفئه اللى حضرتك عايز تشتريها وشوف هاتحس بايه
قبل ماتتسرع فى القرار وقارن بين التنين لكن ماتخدش قرار من غير ماتركب العربيه وتفصصها كمان وشوف ايه الفروق بين التنين وانت هتحدد صح
بس لازم تكون نفس الفئه اللى بتفكر فيها مش اعلى منها علشان تحدد صح

[Invensys2011]

فيه فئة خليجي ب 159
فيها ABS ,bluetooth,تكييف خلفي ,2 ايرباج
انا لسة مستلم sx من غير فتحة سقف و سمارت كي
العربية كويسة جدا و انا كنت راكب ياباني

[m1988]

فيه فئة خليجي ب 159
فيها abs ,bluetooth,تكييف خلفي ,2 ايرباج
انا لسة مستلم sx من غير فتحة سقف و سمارت كي
العربية كويسة جدا و انا كنت راكب ياباني

يعنى اتوكل على الله واحجزها

[m1988]

طيب فى اقتراح كويس حضرتك اوصل اى معرض واتفرج على السيراتو الفئه اللى حضرتك عايز تشتريها وشوف هاتحس بايه
قبل ماتتسرع فى القرار وقارن بين التنين لكن ماتخدش قرار من غير ماتركب العربيه وتفصصها كمان وشوف ايه الفروق بين التنين وانت هتحدد صح
بس لازم تكون نفس الفئه اللى بتفكر فيها مش اعلى منها علشان تحدد صح

اولا انا عارف ان انا بتعبتك معايا كتر خيرك بصراحه ' انا روحت وشوفتها هى عجبتنى جدا جدا من جوه حاسس انها فخمه اوى انا المحيرانى ان انا بين نارين اركب كوررى بس عربيه واسعه وشنطه كبيره ولا يابانى تقفيل انجليزى وثبات تحفه وامان بس ضيقه جداااا وشنطه مش شنطه

[hossam_elwani]

من الاخر خلى معيارك هو التجربه ثم التجربه ثم التجربه وبعدين قااااااارن نظريا بعد عمليا

تحياتى

[eleanor]

ولا تعب ولا حاجه ماتقولش كده
بس كيا دلوقتى اتقدمت كتير وبقت احسن من الاول ودى حاجه ماحدش يقدر بنكرها
وده برده كلام برنامج توب جير ماكنوش مصدقين ان كيا وصلت لمرحله التطور دى
لو عجباك قوى توكل على الله وهاتها وربنا يكرمك ان شاء الله
وتحت امرك فى اى وقت

[freedom_2010]

عربيه عاليه وكبيره و suv وفي حدود 155 يبقي فكر في البريليانس v5

[m1988]

ولا تعب ولا حاجه ماتقولش كده
بس كيا دلوقتى اتقدمت كتير وبقت احسن من الاول ودى حاجه ماحدش يقدر بنكرها
وده برده كلام برنامج توب جير ماكنوش مصدقين ان كيا وصلت لمرحله التطور دى
لو عجباك قوى توكل على الله وهاتها وربنا يكرمك ان شاء الله
وتحت امرك فى اى وقت

شكرا على الرد ربنا يخليك ..انا صليت استخاره وسالت ناس شغاله فى العذبيات قالولى لا طبعا متنزلش من يابانى لكوريا خصوص ان السيراتو منتشرتش ومحدش عارف عيوبها ايه لكن الجوك اثبتت نفسها انها عربيه حلوه

[m1988]

عربيه عاليه وكبيره و suv وفي حدود 155 يبقي فكر في البريليانس v5

ياراجل حرام عليك انا خايف من الكورى اركب صينى خصوص ان انا مجرب frv وطلعو عينى فى التوكيل وقطع غيار غاليه على الفاضى

[eleanor]

طالما استخرت يبقى اللى فيه الخير ربنا هيكتبهولك