ارجو المساعده فى اسرع وقت

[MoHaMeD MKM]

السلامه عليكم ورحمة الله وبركاته
انا انشاءالله ناوي اشتري سيارة كيا سيراتو 2009 الشكل القديم بس بعد ماكشفت على السياره وجدت فيها بعض العيوب مثل
1- محتاجه طقم مساعدين امامى
2- التكيف لايعمل بسبب مشكله فى الكباس والمروحه الداخليه لا تعمل
3- محتاجه 2 مرايا جانبيه
4- تغير التنك لان به ثقب
5- السيارة بها خبطه فى القايم الامامى اليمين ولكن تم عمله .

السيارة ملك لشخص قريبي وسعرها مغري جدا لانه يحتاج الفلوس لاجل فريضة الحج السيارة من ضمن السيارات التي كانت تعمل تاكسي العاصمه وبعد فشل المشروع تقرر بيعها
السيارة معروضه عليا بمبلغ 55 الف جنيه
هل سعرها مناسب لما فيها من عيوب وكم تبلغ تكلفة تصليح هذه العيوب اذا كان ليا فيها نصيب ؟
ارجو الرد بأسرع وقت ممكن حتى اتخذ قرار اليوم لانى المفروض ارد علي صاحبها غدا
ولكم جزيل الشكل

[moumen_hs]

نصحة لحضرتك بعدم الشراء نهائى بلاش عربية تكون شغالة تاكسى هتتعبك جدا وهتشوف الامرين وكمان خبطة فى القايم يعنى معيوبة وعملة حادثة ياريت تشترى سيارة بيتى أفضل ليك ( شراء العبد ولا تربيتة )

[hamaka]

نصحة لحضرتك بعدم الشراء نهائى بلاش عربية تكون شغالة تاكسى هتتعبك جدا وهتشوف الامرين وكمان خبطة فى القايم يعنى معيوبة وعملة حادثة ياريت تشترى سيارة بيتى أفضل ليك ( شراء العبد ولا تربيتة )

+1111111111111
نصيحة أخوية بلاش فعلاً ، هيطلع عينك و مش هتعرف حتى تقربها من مستوى العربية اللى زيها اللى مش متهانة....

[aldesha989]

1- محتاجه طقم مساعدين امامى
اى عربيه محتجاهم فى مصر
2- التكيف لايعمل بسبب مشكله فى الكباس والمروحه الداخليه لا تعمل
هتظهر مشاكل كتير وهتغير الكباس وممكن تغير البلور اللى جوا كمان
3- محتاجه 2 مرايا جانبيه
بسيطه
4- تغير التنك لان به ثقب
بسيطه بس ايه سبب الثقب والعربيه 2009 ؟
5- السيارة بها خبطه فى القايم الامامى اليمين ولكن تم عمله .
مصيبه لان اى غلط فى الاساس بيودى فى داهيه

تانى حاجه سعر العربيه فى الارض واعتقد ان ده بسبب عيوب تانيه لسه هتكتشفها لما تركب العربيه
وهتلاقى الخبط اللى فى القايم يعنى اكيد القايم اتقطع واتعمل تانى وده كده مصيبه وده اللى اقدر افيدك بيه

واستنى ردود الشباب وقبل ما تقبل على الشراء صلى استخاره وربنا يوفقك

[amagroup]

كل المشاركات اللي فاتت ميه ميه وانا متفق معاهم

بس لما تيجي تقول :
إنشاء الله ====> بناء الله
ان شاء الله====>بمشيئة الله

[mohamed_selim]

العربيه مترخصه ملاكى و ورقها سليم باسمه ولا داخله فى القضيه بتاعة تاكسى العاصمه؟
انا شايف كتير عليها السعر ده عشان كانت تاكسى العاصمه يعنى متهانه اخر تلات اربع حاجات ... كمان اللى فيها مش قليل و هطلع عينك

[MoHaMeD MKM]

العربيه مترخصه ملاكى و ورقها سليم باسمه ولا داخله فى القضيه بتاعة تاكسى العاصمه؟
انا شايف كتير عليها السعر ده عشان كانت تاكسى العاصمه يعنى متهانه اخر تلات اربع حاجات ... كمان اللى فيها مش قليل و هطلع عينك

العربيه مترخصه ملاكى وورقها سليم لكن بأسم الشركه واسمه يعنى الرخصه مكتوب فيها اسم الشركه الاول وجنبه اسمه هو

[MoHaMeD MKM]

كل المشاركات اللي فاتت ميه ميه وانا متفق معاهم

بس لما تيجي تقول :
إنشاء الله ====> بناء الله
ان شاء الله====>بمشيئة الله

شكرا للنصيحة :)

[MoHaMeD MKM]

1- محتاجه طقم مساعدين امامى
اى عربيه محتجاهم فى مصر
2- التكيف لايعمل بسبب مشكله فى الكباس والمروحه الداخليه لا تعمل
هتظهر مشاكل كتير وهتغير الكباس وممكن تغير البلور اللى جوا كمان
3- محتاجه 2 مرايا جانبيه
بسيطه
4- تغير التنك لان به ثقب
بسيطه بس ايه سبب الثقب والعربيه 2009 ؟
5- السيارة بها خبطه فى القايم الامامى اليمين ولكن تم عمله .
مصيبه لان اى غلط فى الاساس بيودى فى داهيه

تانى حاجه سعر العربيه فى الارض واعتقد ان ده بسبب عيوب تانيه لسه هتكتشفها لما تركب العربيه
وهتلاقى الخبط اللى فى القايم يعنى اكيد القايم اتقطع واتعمل تانى وده كده مصيبه وده اللى اقدر افيدك بيه

واستنى ردود الشباب وقبل ما تقبل على الشراء صلى استخاره وربنا يوفقك

شكرا جدا ياباشا لان ردك بجد افدنى كتير وانا فعلا صليت صلاة استخارة بس هو ممكن سؤال لو الحاجات دى اتعملت هتتكلف كام تقريبا ؟

[MoHaMeD MKM]

شكرا لكل واحد اخد الموضوع فى الاهتمام ورد عليا متشكرا جدا جدا جدا ليكم كلكم ولو حد لسه ليه رأي تانى ياريت يقولهولي

[mohamed_selim]

العربيه مترخصه ملاكى وورقها سليم لكن بأسم الشركه واسمه يعنى الرخصه مكتوب فيها اسم الشركه الاول وجنبه اسمه هو

طيب و دى ورقها هيتنقل باسمك ازاى؟ يعنى هتعرف تشيل اسم الشركه ولا هتفضل كده طول عمرها؟