كيا ريو: مثبت السرعة

[yasserelsayad]

انهارده قلت اعمل موضوع عن مثبت السرعة الموجود فى الكيا ريو
هو الموضوع سهل بس ممكن يكون فى حاجة حد من الملاك مش عارفها

شرح سريع للمثبت:

اولا: المثبت مش بيشتغل على سرعات اقل من 40

ثانيا: عشان تشغل مثبت السرعة لازم الاول تدوس على زرار ON/OFF
وبعدين تدوس على زرار SET- لو عايز تثبت على السرعة اللى انت ماشى بيها

ثالثا: لو انت مثبت سرعتك ممكن تزود او تقلل السرعة باستخدام ازرار التحكم بتاعت المثبت RES+ و SET-

لو دوست RES+ مرة واحدة بتزود السرعة بمقدار 2 كم
لكن لو فضلت دايس السرعة هتفضل تزيد معاك لحد متشيل ايدك

نفس الكلام بالنسبة لـ SET- بس طبعا كدا هتقلل السرعة

رابعا: انك ممكن وانت مشغل مثبت السرعة انك تزود سرعة العربية بالضغط على دواسة البنزين عشان مثلا تتجاوز عربية ولا حاجة وبعد كدا تشيل رجلك من على دواسة البنزين من غير ما تدوس فرامل وسرعة العربية هتقل تانى وتثبت عن السرعة اللى كانت عليها

مثال:
لو مثلا ماشى على المحور ومثبت السرعة على 90
قبلك موقف لازم تزود سرعتك فيه
هتدوس على دواسة البنزين عشان تزود السرعة عادى
قول مثلا وصلت لـ 120
بعد لما تخلص شيل رجلك من على الدواسة
وسرعة العربية هتقل وتثبت تانى عند 90

خامسا: لو باردوا كنت مثبت سرعتك واحتجت تقلل السرعة باستخدام الفرامل
طبعا اول ما تدوس فرامل المثبت هيفصل
لو عايز تانى ترجع لاخر سرعة كنت مثبت عليها دول على زرار RES+ والعربية هترجع اتوماتيك لاخر سرعة كنت عليها

سادسا: لو فصلت المثبت وشغلته تانى هياخد حوالى 3 ثوانى عشان يشتغل ودا مش عيب فيه هو بس اجراء احترازى

[#MAAM#]

لو سمحت هو الكثبت ده موجود في البيكانتو الهاي لاين ولا هو بيبتدي من اول الريو وشكرا

[A.Saad]

شرحك جميل يا ياسر

[aouelfotouh]

الف الف شكر على الشرح بس انا عندى على الطارة نففس امكان الزراير بس مش مثبت سرعه

[yasserelsayad]

لو سمحت هو الكثبت ده موجود في البيكانتو الهاي لاين ولا هو بيبتدي من اول الريو وشكرا

البيكانتو الهاى لاين توكيل مفيهاش مثبت سرعة

[yasserelsayad]

الف الف شكر على الشرح بس انا عندى على الطارة نففس امكان الزراير بس مش مثبت سرعه

فى موديلات مفيهاش مثبت سرعة بيكون تقسيمة زراير الكاسيت متوزعة على الجمبين بدل الجمب الشمال بس

[monamize4]

شرح جميل و مبسط و مفيد
شكرا على الموضوع الجميل دا

[adelghanem]

احلى حاجه فى الموضوع الشرح

[yasserelsayad]

احلى حاجه فى الموضوع الشرح

شكرا يا باشا ربنا يخليك :)

[moha4tec]

و الله يا ياسر حببتنى فى العربيه من طريقة شرحك

[MoH.SaLaDiN]

الله ينور على الشرح الوافى وفى انتظار تقارير متميزة اخرى

[prooo]

هل ينفع اركب عندي مثبت سرعة ...... انا معنديش مثبت سرعة ......

[amr-osama]

ايه دا بجد ؟؟ دا انا مغيّب على كدا .. :)

انا معايا استرا وفيها نفس الشكل دا كدا وبثبت بنفس الطريقه بس مكنتش اعرف ان انا ممكن ازود او اقلل السرعه من الزرار من غير ما ادوس على الحاجه .. وحكاية اني ارجع السرعه الي كنت ماشي عليها دي بعد ما ادوس الفرامل بردو جديده وهتبقى مفيده جدا انا كنت بدوس بنزين تاني لغاية ما اوصل للسرعه الي كنت مثبت عليها واقوم مثبت تاني ..

معرفش هل عندي ولا لأ بس هبقى اجرب .. شكرا جدا المعلومات دي ..

[Ahmed Nasser]

شكرا على الشرح الوافى

[S O P H O S]

شرح رائع
تسلم ..