Tweet
وكان كرسي الكارنز بتاعي بيزيق مع اي مطب وكان خانق اهلي لدرجة اني كرهت العربية بسببه ، المهم خدت بعضي وروحت للحاج أحمد مشعل في جينز كار عشان يشوفلي حل للموضوع ده ، عشان اتخنقت وزهقت والتزييق ده كان مكرهني في العيشة واللي عايشينها ، وروحت لواحد بتاع سروجي انبارح قالي هنفك الكرسي ونشحمه ونشوف لو محتاج ورد مع المسامير وعمل عليه حوار وعايز يدخلني في قصص وحوالاات ، المهم رشيت عليه wd40 معملش اي حاجة وفضل التزييق موجود زي ما هو ، المهم الحاج احمد بكل احترام وحب قالي يا باشا ده مكانك في اي وقت ونده واحد من عنده وقاله ربطلي الكرسي ده كويس ، المهم الراجل ربط الكرسي تربيطة محترمة والتزييق راح وبقى زي الفل ، والراجل قالي منين متكون معدي في اي وقت عدي اقعد معايا واشرب الشاي معايا ولو في اي حاجة في الكراسي نربطها ونظبط الدنيا ، ورفض ياخد مليم ورفض حتي اني ادي حاجة للراجل اللي ربط الكرسي ، بجد الراجل ده كلمة محترم شوية عليه ،اهي حاجة بسيطة بس تخليك تحس ان الدنيا فيها ناس محترمة بجد
-
Houseiny
[FONT="Arial Black"]Even enemies can show respect. [/FONT] -
انا شايف انه فكرة هايلة اننا نوجه التحية لكل مكان محترم بنتعامل معاه في عربياتنا اهو منها ندل بعض على الاماكن والصنايعية المحترمين ومنها نشكرهم في نفس الوقت. انا بصراحة ماتعاملتش معاهم بس واضح من كلام ناس كتير ان جينز كار مكان محترم وفيه ناس محترفة عارفة هي بتعمل ايه... وبرضه اسبير كار عمرهم مازعلوني (طبعا مع فرق الخامات والاسعار عن جينز كار)
Comment