مميزات وعيوب كيا ريو سيدان وكيل هاى لاين 2013

[MoH.SaLaDiN]

انا ان شاء الله ناوى اشترى ريو سيدان وكيل هاى لاين بس كنت عايز اعرف العيوب اللى فيها من وجهة نظر المالكين عشان اشوف لو حتماشا معاها ولا لا
برجاء سرعة الرد سؤال اخير انا لو معايا ال الكود بتاع العربية اعرف مواصفاتها ازاى

[kazamodia]

انا اسمع انها بتاكل بنزبن بغباء
و 1400 cc

[MoH.SaLaDiN]

بغباء ازاى مش الموضوع ده كان مشكلة سوفت وير واتحلت خلاص ولا لسه وهو اخبار سحب العربية ايه مع 1400 كويس ولا مخنوقة

[midoooocomm]

اتفضل يا باشا مواصفات عربيتي ريو 2013 خليجي سيدان الفئة التانية او التالتة مش عارف بس مواصفاتها كالتالى:

1- تارة مالتي
2- بلوتوث
3-سنسور بارك
4-خمس جنوط سبور 17 بوصة شكلهم تحفة يخليك تستحمل نشفان العفشة بسببهم
5-مرايات كهرباء وضم كهرباء
6-مفتاح ريموت وسلاح (لا تتخيلوا بحب شكلو قد ايه)
7-فتح الشنطة من الريموت(خاصية ظريفة جدا خصوصا لو شايل حاجات كتير ومش عارف تمد ايدك تجيب المفتاح تفتح)
8-نظام صوتي تحفة بمعنى الكلمة واحلى صوت تسمعه عليه اول ما تجيب العربية هو القرأن الكريم طبعا
9-تكييف تلاجة بجد (افضل ما يميز الخليجي)

افتكر دي المميزات اللي هيحسها اللي مالك العربية غير كده اللي انتوا قولتوه كفاية ويفيض من حيث نعومة الموتور والسحب الجيد والشكل الرائع(دي اذواق) والتقفيل المحترم جدا

والفرق مابينها وبين الوكيل ان الاوبشن اكتر والتكييف اقوى كتير والتقفيل تحفة والسعر اقل علشان هيا مش عليها ضمان

العيوب

حتى الان لم ارى عيوب تذكر سوى موضوع استهلاك البنزين وده اعتقد امه قتل بحثا في المنتدى وحله بتحديث السوفت وير

تقبل تحياتي

[MoH.SaLaDiN]

يعنى موضوع الاستهلاك العالى للبنزين كان مشكلة سوفت وير واتحلت ولا الموضوع لسه ملهوش حل وكنت عايز اسألك على سحب العربية عامل ايه معاك

[M I D O]

موضوع البنزين دة وماعرفش ان كان اتحل ولا لا و العربية حجمها صغير نسبيا و الاهم سعرها مبالغ فية وحرام تتباع بالسعر دة

[MoH.SaLaDiN]

للاسف ده دلوقتى قاعدة عامة على كل العربيات مش الريو بس غالبية العربيات سعرها زاد حوالى عشرين الف يعنى كده كده اي عربية حتشتريها النهاردة حرام فيها الفلوس بتاعتها ولسه كمان الواحد مش ضامن حيحصل ايه قدام