هو ممكن توكيل كيا يغش فى مواصفات عربياته !!!؟؟؟

[MoH.SaLaDiN]

عندى واحد صاحبى اشترى ريو سيدان هاي لاين من حوالى شهر كده وطبعا المفروض الهاى لاين يكون فيها abs & ebd بس لما شاف مواصفات العربية من ال vin ملقاش اى سيرة عن ebd خالص فيا ترى ده معناه ايه وياريت لو حد من ملاك الريو يقلنا اتأكد ازاى من وجود ebd

[MoH.SaLaDiN]

نسيت اقول ان العربية كانت وكيل مش خليجى

[toty_305]

-عادي جدا, أنت في مصر حيث الفهلوه و النصب و يعملوا أكثر من كده.

[prooo]

الكلام ده فعلا حقيقي والعربية مفيهاش ebd انا معايا خليجي هاي لاين ومفيهاش ولو حضرتك حابب تتاكد تقدر تروح فرع روكسي وتقف جنب العربية الريو وتبص على البروشور اللي هما حاطينه جنبها هتلاقي فيه الاوبشن بتاع كل الفئات .. مش هتلاقي فيها ebd عشان انا شوفتها بعيني .... وكمان عاوزك تتاكد انت عندك ايموبلايزر ولا لا .................... عشان برده هما قايلين ان فيها ايموبلايزر من اول فئة بس انا اشك في صحة هذا الكلام ....

[Hosam_Optrawy]

بصراحة مش عارف ازاى نتأكد من وجود ال EBD

لكن اللى اعرفه ان ال EBD مبيبقاش مكتوب فى المواصفات لما تكشف على ال vin

اللى اكدلى لما كشفت على سوناتا تقفيل امريكى ودى بينزل فيها طبعا اساسى

بس اللى مكتوب ال ABS وال Airbags وال ESP وال Immobilizer

لكن ال EBD مش مكتوب

[sanhory]

تتاكد من ال ebd بانك تخلي عجلتين عالتراب اللي بيبقى جمب الرصيف وما اكتره في مصرنا العزيزة و تخلي العجلتين التانين عالاسفلت الناشف و تكبس فرامل المفروض لو فيها ebd ال abs يشتغل عالعجلتبن اللي عالتراب بس لو مفيهاش ال abs حيشتغل عالاربع عجلات

[khaabas]

-عادي جدا, أنت في مصر حيث الفهلوه و النصب و يعملوا أكثر من كده.

المتشائم دائما :) ههههههع

[matantawy]

اللى اعرفه ان الebd مفروض جزء من الabs
يبقى ممكن تشوف الabs و تدور على النت بالموديل بتاعه و تشوف فيه ebd ولا لأ
و انا قرأت مرة ان مفرووووووض الabs يجي معاه ebd من غير نقاش، بس كيا و هيونداى سعات بينزلوا abs من غير ebd، بس الكلام ده سمعته و واحد بيكره الكورى عمى ف الله اعلم كلام مظبوط ولا لأ

[MoH.SaLaDiN]

وألله انا مش عارف هو الواحد بقى شكاك فى كل حاجة من كتر اللى بيشوفه ولا التوكيلات دى كلهم غشاشين وبيعتمدوا على الكذب عشان يبيعوا وخلاص

[toty_305]

المتشائم دائما :) ههههههع

-أنها الحقيقه يا صديقي :b4_095:

[M I D O]

عادي جدا في مصر ممكن اي حاجة تحصل

[yasserelsayad]

الـ ebd موجود يا باشا فى الريو الوكيل وعن تجربة فى كام غرزة كدا

[Land_Cruiser]

بص حضرتك علشان ما تحيرش نفسك طالما العربيه وكيل يبقي الفئات اللي فيها هما :-
LX مانيوال
LX اتوماتيك
EX فول اوبشن
هاي لاين

الهاي لاين تميزها عن الفئات التانيه بانها فيها زياده
- ايرباج للراكب الأمامي (ودي تقدر تتأكد من وجودها)
- ABS ( و ده له لمبه في التابلوه)
- EBD ( ده مش متأكدين منه)
- إشارات LEd بالمرايات الجانبيه (دي طبعا واضحه)
- طي المرايات بالكهرباء (سهل التأكد منها)
- بلوتوث و تجكم في الراديو من عجله القياده (سهل التاكد منه)
- فتحه سقف كهرباء (واضح)
- مثبت سرعه بتحكم من عجله القياده (سهل التاكد منه)

الموضوع باختصار ان حضرتك تراجع علي الحاجات دي و تتأكد انها موجوده عندك و في الاغلب هتلاقيها كده اذا تبقي العربيه highline و يبقي فيها بالتبعيه EBD و خاصه كمان ان ال ABS موجود فقط في ال highline يعني الفئات التانيه فراملها عاديه اصلا و بالتالي وارد بسبب الحكايه دي ان لمبه ال ABS تعبر عن الاتنين طالما ان الفئات التانيه مفيهاش اصلا و طبعا الوكيل بيستورد بمواصفات قياسيه يعني ما ينفعش عربيه تيجي بشويه اوبشنز و شويه لأ و ده يمكن الفرق بينه و بين الخليجي اللي ممكن تكون مواصفاته متنوعه اكتر حسب البلد اللي جاي منها و كمان مش منطقي ان الوكيل يحط الحاجات دي كلها و بعدين يشيل ال EBD علشان يوفر و يغامر بسمعته علشان حاجه زي كده هو بيفتري في السعر اكيد و مش محتاج يغش في مواصفات و خاصه زي ما قلتلك علي موضوع ان ABS في الهايلاين فقط

[MoH.SaLaDiN]

تمام طبعا الكلام اللى بتقوله انا كل الكماليات بتاعة العربية ممكن تتأكد منها بنفسك وعشان ebd الحاجة ألوحيدة اللى مش متشافة كان محتاج يتاكد منها من ال vin وعلى حظنا دى الحاجة الوحيدة اللى مش مكتوبة بالرغم من ان كل تفتوفة فى العربية مكتوبة فى ال vin حاجات كتيرة اوى ماكانش الواحد فاهمها اصلا بجد لو الموضوع طلع اشتغالة تبقى سقطة وحشةللتوكيل ا

[prooo]

الـ ebd موجود يا باشا فى الريو الوكيل وعن تجربة فى كام غرزة كدا

ياسر باشا الكلام بتاع حضرتك مش صح .... انا لسه كنت بعمل صيانة ال 5000 في فرع روكسي ووقفت قصاد البروشور اللي جنب العربية اللي فيه كل الفئات ومفيش ebd على عكس ماهو مكتوب على الويب سايت وحضرتك انا اتمنى يبقى فيه عندي ebd بس احنا دلوقتي اتحطينا في موقف ومفيش حد يأكدلنا ان فيها أو مفيهاش ... عشان كده انا روحت بصيت لقيت مفيش مع انهم بيقولوا فيه ... والله أعلم