طلب مساعدة ضروري لكيا سيراتو

[ramy.badr25]

لو سمحتم انا معايا كيا سيراتو 2010 وكيل وعاملة 40.000 كيلو
البطارية نامت ومش راضية تقوم معايا ولا بالطبل البلدي والعربية مش راضية تنطق
انا المفروض عندي صيانة ال 40 الف يوم الاحد الي جاي
هل البطارية بتتغير في الضمان ولا على حسابي ؟
ولو على حسابي اغيرها في التوكيل ولا برة احسن ؟وتنصوحني بنوع اية ؟
وشكرا مقدما على المساعدة

[mhkorayem]

اعتقد البطاريه خرجت من الضمان لأن ضمان البطاريه على أقسى تقدير بتبقى سنه
بس ممكن تكلم التوكيل وتتأكد
لو هتغير على حسابك يبقى غيرها بره طبعاً لأن التوكيل هيبقى اغلى ومش هتلاقي عنده تنوع في الانواع هو هتلاقي عنده نوع واحد يا يعجبك يا ميعجبكش
لو هتغير انصحك بالفارتا سيلفر أحسن حاجه
لو حسيت انها غاليه شويه يبقى الفارتا العاديه

بس سؤال بقى هو انت حاولت تقومها بوصله من بطاريه تانيه ومقامتش معاك ؟؟؟؟
أصل لو حصل كده تبقى غريبه شويه يبقى لازم تتاكد الاول عند اي حد بتاع بطاريات ان المشكله من البطاريه هيقيسلك البطاريه ويعرف
لو مش منها خليه يقيس لك شحن الدينامو
بس ان شاء الله تبقى عيب بطاريه

[ramy.badr25]

الف شكر ياباشا على الاهتمام
كانت عملت معايا كدة قبل كدة وقومتها عن طريق اني وصلتها ببطارية تانية زي محضرتك بتقول
بس تاني مرة وصلتها برده بس مقامتش

[akmm]

كده العيب من البطاريه ....... واتاكد بردوا وفيه نوع acd ديلكو كويس ايضا .

[ramy.badr25]

الف شكر ياباشا
انا هنزل دلوقتي اشوف الانواع دي ربنا يكرم ان شاء الله