تقييمى لسيراتو 2013 الشكل الجديد

[dangerous]

اخواتى الاعزاء انا كنت ملاحظ ان مفيش حد عمل تقييم او اشترى سيراتو الشكل الجديد
وانا الحمد الله اشترتها الفئة EX FO بعد ما كنت حاجز البيجو 301 فاقولت ابدا انا
اولا المواصفات :
1- اربعة ازاز كهرباء
2- ABS
3- مريات كهرباء وضم (عند تشغيل وضع Auto يتم ضم المريات وفتحها مع الريموت)
4- 2 ايرباج
5- مثبت سرعة
6- مقياس لحرارة الجو الخارجية
7- جنط 16
8- باور كهرباء
9- تكييف بكر (وجود فتحات تكييف خلفية)

ثانيا المساحة :
العربية وسعة جدا واوسع من الموديل الى قبليها كمان كذلك الشنطة وسعة جدا

ثالثا القيادة :
العربية ناعمة اوى الباور الكهرباء اريح بكتير من الهيدروليك والفتيس مريح الماتور (6 نقلات) اوى وبينقل بسرعة وبسلاسة ما تحساش بنقلات نهائى والجنط الـ 16 حلو مش ناشف

رابعا التكييف :
والله انا لسة بالين العربية عاملة 124 كيلو فما شغلوش الا وانا فى المعرض للتست فقط بس بسرعة ما طولتش بس اكيد هايكون كويس زى الى قبليها

خامسا النظام الصوتى :
هو حلو بس شاله منه الـ bass boost الى كان موجود فى الموديل الى قبليها
العربية فيها اربع سماعات واتنين تويتر
بس انا عندى سؤال فى حاجة فى الى كاسيت اسمها mode pop up طبعا on او off والكتالوج شارح بس ازاى تقفلها وتفتحها بس هى بتعت ايه مش عارف فاياريت الى يعرف يقول

اتمنى يكون التقييم عجبكم ودى بصراحة اول مرة اعمل تقييم

[mohamed_rhem]

مبروك العربية ربنا يديك خيرها ويكفيك شرها

ياريت صور علشان الموضوع يكمل

[AhmedNaeem]

الف مليون مبروك .. ربنا يديك خيرها ويكفيك شرها
بس ياريت صور من ارض الواقع وان شاء الله لما تخلص تليين عايزين نعرف اخبار الجري والثبات

[hossam_elwani]

مبروك عليك العربيه

اخبار وضعية الجلوس ايه ؟؟

[ser3a_0]

متابع جدا و الجولس برده فيها و السواقه مريحه ولا ايه

[mohammedgido]

مبروك عليك العربية
بس سعرها كام ؟ وياريات صور لو أمكن

[Dr . Mohamed]

ألف مبروك

ربنا يباركلك فيها

فى انتظار تقرير شامل

[Dr.M_baz]

ألف مبروك ... وربنا يبارك لك فيها.

[YahiaAshraf]

الف مبروك يا باشا و ربنا يباركلك فيها و يحفظهالك يارب

[dozo]

الف مبروك .. ربنا يباركلك فيها و يكفيك شرها .
فى انتظار الصور .

[Amr A.salam]

الف مبروك يا باشا ........ ربنا يباركلك فيها

العفشة أخبارها ايه ؟؟؟ ويا ريت صور لشكل التابلوه :)

[Rsarabia]

الف مبروك و ربنا يديك خيرها و يكفيك شرها و شر الطريق
العفشة مقارنة بالشكل اللى قبلها نفسها ولا انعم ولا انشف ؟
الكراسى نفسها ناشفة زى اللى قبلها ولا طرية زى الالنترا الجديدة ؟؟

[esam_ayad]

شكرا ياباشا علي التقرير
ولكن أنت ماإتكلمتش عن العفشه بتاعة العربيه : هل هي زي القديمه ناشفه وبتدبدب في المطبات والنقر ولا ناعمه وطريه وكلها حنيه زي الإلنترا الجديده؟؟؟؟

[kariemelsayed]

ربنا يباركلك فيها

[kariemelsayed]

مبروك العربيه و في انتظار تقرير شامل