الكيا سيراتو اتسرقت

[mohswailum]

السلام عليكم ورحمه الله
للاسف مصر بلد الامن والامان بقت بلد البلطجية والحرامية

النهاردة الفجر عربيتي سيراتو اتسرقت من المعمورة
تخيلو لسه واصل اسكندرية الساعه 12 بالليل ونايم على تلاته اصحي االساعة 7 الصبح ما لا قيش العربية والله كنت فاكر لسه نايم وبحلم وانا ببص من البلكونة

المهم انا عملت محضر وعملت بلاغ لكن لا حياة لمن تنادي وانا عارف انهم مش ها يعملو حاجة
انا سمعت ان الحرامية بيخزنو العربيات في برج العرب والحمام وعرب اسكندرية ليهم علاقة بالموضوع
ياريت اللي يقدر يساعدني بمعلومة او نصيحة ما يبخلش عسي الله ان يجعل في كلامكم الخير
العربية سيراتو نبيتي موديل 2010 و رقم 5784 ل ق مرور العجوزة

و شكرا جزيلا

د/ محمد حافظ

[Terrible_DaRsH]

ربنا يرد اليك ضالتك ان شاء الله

[ashraf_sms]

معلش ان شاء الله هترجع انا ساكن في فيصل وكان واحد قدامنا معاها عربية هيونداي اكسنت اتسرقت منه واللي سرقها اتصل بيه ودفع 8000 جنيه عشان ياخد العربية وراح جابها من اسكندرية متقلقش ان شاء الله هترجع انا اعرف ناس كتير العربيات بتاعتهم جتلهم المال الحلال مبيضعش ابدا ربنا يعوض عليك ويرجعها ان شاء الله

[ahmedsamy90]

ان شاء الله العربية ترجعلك ..... بس ممكن تعمل محضر في مديرية امن الجيزة او اسكندرية هيبقى فيه اهتمام اكتر

[mohswailum]

انا عملت محضر فعلا في قسم النزهه ورحت المديرية مباحث السيارات ومكلمين مدير امن اسكندرية بتوصيه بس النهاردة وانا هناك في نص ساعه كان فيه اكتر من ستة بيقدمو بلاغات بقت سرقت العربيات حاجة عادية جدا والموضوع ولا اي اندهاش عندهم

انا شاكر ليكم جدا واتمني من الله من محدش يتعرض لموقف زي ده

[eng.m7md.ali]

لا حول ولا قوة الا بالله

ان شاء الله ترجع

[emad_2020]

ان شاء الله ترجع فعلا مفيش امان ولا اى حاجة

[Mohab555]

حسبى الله و نعم الوكيل فيهم كلهم
ربنا يرجعهالك ان شاء الله .... متبطلش دعاء ليل نهار

[MoH.SaLaDiN]

حسبى الله ونعم الوكيل ربنا يرد اليك ضالتك

[S O P H O S]

ربنا يردهالك ان شاء الله

[mohammedabdallh]

ربنا يعوض عليك
عليك بالدعاء
اللهم رب الضاله رد الى ضالتى
انا حاسس بيك انا عربيتى برده اتسرقت وكان عليها لسه اقساط وللا سف مرجعتشى لحد النهارده
اكيد فدت حاجه كبيره
وطول ما انت بخير والاسره الكريمه اى حاجه تيجى فى الفلوس تتعوض ان شاء الله

[SERGIOOO90]

ربنا يكرمك و العربية ترجعلك يا دكتور
استغفر الله بس و ربنا هيسرلك أمورك

[M I D O]

لا حول ولا قوة الا بالله العلي العظيم ان شاء الله ترجعلك تاني

[Karim Ibiza]

ربنا يردها لك ان شاء الله
لو انت سايب رقم تليفونك جوه العربية يبقى هيكلموك وهتروح تاخدها من الكينج مريوط او اول طريق الساحل

[SAMEH_FOUAD]

ربنا يعوض عليك ان شاء الله ويرد اليك سيارتك سليمة بإذن الله

وربنا يرحمنا ويسترها علينا من الحرامية دول, كفاية بقى الشعب استوى خلاص