استفسار عن الكيا ريو 2013

[berhed]

السلام عليكم شباب :)

انا لسه مستلم كيا ريو 2013 سيدان بيزلاين ماشاء الله العربية ناعمة و ادائها حتي الآن فوق الممتاز, عندي بس استفسار عشان انا لما جبت العربية عشان هيا بيزلاين استلمتها ب مفتاح عادي زي ده



و انا عايز اجيبلها المفتاح الريموت التاني اللي هو ده



بس عايز ريموت كامل بكل الأستخدامات, يعني ريموت بيفتح و العربية تدور و كله, علما ب اني لما رحت التوكيل قالي ان لسه مجالهمش و مستناش انو ييجي دلوقتي خالص!! ده الحاجة الوحيدة اللي مزعلاني في العربية..

يا ريت الرد يا رواد الكيا و اكسسواراتها

[Ahmed Amin]

في محلات متخصصة بتعمل المفاتيح دي بس,,
بياخد منك المفاتح اللي معاك اللي مفهوش الريموت, بيدخله علي الكمبيوتر وبياخد منه الكود اللي علي ال chip اللي جواة اللي بيتبعت للإيموبليزر عشان يدور العربية, بيسموها برمجة بي هيا مش برمجة ولا حاجة.
وبيحط كود السنتر معاه, لو المفتاح فيه سنتر,,
وبيحطهم لك مفتاح زي اللي في في الصورة دا وبيحفر السن عشان يدخل في الكونتاك عادي.

وبيبقي سعرة أقل من السعر المبالغ فيه في التوكيل, حوالي 300 جنية. بدل من 600 ل 800 في التوكيل.!

[berhed]

بس انا العربية جايه من غير سنتر في الريموت!! انا عايز اجيب ريموت يشتغل ب الـ Full function بتاعت الريموت اكنه بتاعها مش عايزه شكل بس!!

[Ahmed Amin]

يبقي كدا لازم تعملها في التوكيل عشان محدش يلعب فيها, ولأن العربية أكيد فيها سنتر,
لأنك لما بتقف العربية بالمفتاح من الباب بتاع السواق الأربع أبواب بتقف معاه صح؟

وعشان تطلع برة تعمل الشغل دا عند حد هيفك وهيلعب في الأسلاك عشان يركب لك سنتر تاني وتستخدم مفتاحة ويبقي Full function,
ومعنديش خلفية لو ينفع حد برة دلوقتي يقدر يطلع الكود اللي في العربية من غير ما يفك في الأسلاك عشان يعمل لك مفاتح عليه بمبلغ معقول, فلازم تسأل..

يعني مثلاً في بيجو بيجي مفتاحين واحد بسنتر ومفتاح من غير, وبيجي معاهم كارت كدا زي ال VISA كدا عليه كود من ورا دا هوا السيريال اللي بحتاجه لما أحب أطلع مفتاح تاني فيه سنتر زي الأصلي.

فعدي علي محلات المفاتيح اللي شغالة في الجديد بالكمبيوتر الأول أسئلهم لو في أمكانية أنو يطلع لك مفتاح بسنتر عن طريق المفتاح اللي معاك,
بدل ما تضطر تدفع مبلغ كبير من 600 ل 800 في التوكيل عشان خاطر مفتاح.

[berhed]

شكرا يا معلم :)

[Ahmed Amin]

الشكر لله يا كبير. :)
وألف مبروك علي العربية, ربنا يبارك لك فيها.

[mohamed1992]

هل المفتاح ده موجود في الفئه الثانيه بردو ولا اول فئه بس ؟؟؟؟؟ يعني حاجه سيئه جدا الواحد يدفع 130 الف في عربيه و ياخد مفتاح عربيه 128 !!؟؟

[berhed]

المفتاح ده موجود في اول فئة للكيا الريو!! اوتوماتك بس من غير طارة مالتي و من غير جنط ولا فتحة سقف ولا مرايات ضم و من غير اي بي اس!! غير كدا زي بعض بالظبط

[berhed]

و دي كانت عاملة 124000 من شهر