كومهو سول كورى ولا كومهو اكيستا فيتنامى

[egypt0s]

بعد استشارة ألأعضاء الكرام عن اختيار كاوتش مناسب لكيا سيراتو 2010 مقاس الكاوتش 215 / 45 / 17 استقر الرأى على كومهو ولما رحت التوكيل بتاع كومهو ملقتش غير كومهو سول كورى وكومهو اكيستا فيتنامى والاتنين انتاج حديث ومحتار بينهم
ولقيت فى التوكيل نوع تالت جى تى اندونيسى
ياريت اللى عنده معلومة عنهم يساعدنى فى الاختيار
ولكم جزيل الشكر

[bmya]

هو بصراحه اكومهو اصلا عن تجربه ومقاس 15 بيطلع بلالين بسرعه

[2CODE]

كوموهو سولوس على جنط 15 اكتر من رائع معايا في الريو الشكل الجديد

[Ahmod]

اكستا طبعا مافيش كلام !!

مافيش وجه للمقارنة مابين السولس والاكستا !! الاكستا افضل كتير

[egypt0s]

bmya

2CODE

Ahmod

أشكركم على التفاعل والرد
بس أنا كدة حيرتى زادت

[Mohab555]

اكستا طبعا يا باشا ... احسن من السولس بمراحل ...

[MuhamedNabil]

ecsta ku31 بدون تفكير , بس الكمهو عموما الجناب بتعته اضعف شوية من غيره يعنى لازم تبقى مظبط الهو كويس و متكونش من النوع البتاخد مطبات جامدة, يعنى انا من 8 فرد وحدة عملت بالونة بسبب مطب جامد لدرجة انى روحت اظبت زواية تانى .
علما ان انا عندى الارتفاع 55 اقل من كدة فرصة البلالين جتزيد

و بالمناسبة كمهو نزلو ecsta KU 39 من التقعليقات عليها برة واضح انها افضل من ال KU31 بس مش عارف نزلا هنا و لا لا
لو حد عنده فكرة عن KU39 و اسعرها يريت يفيدنا


انا مخدش بالى انك عايز 45\17 اعتقد ان معظم الكوتش البرفايل الواطى حيكون مزعج فى البلالين بس ممكن حد معاه نفس المقاس ده وجرب انواع مختلف يفيدك
انما انا لو كنت مكانك و لقيت فرق الاسعار عالى و الاداء متقارب نسبيا حجيب الكمهو لانه حيكون تكلف اقل و ادائه كويس جدا

[egypt0s]

فيه نقطة تانية مهمة بالنسبة ليا فى الاختيار وهو دولة الصنع السول س كورى والاكيستا فيتنامى هل فيه فرق كبير بين انتاج الدولتين وبالنسبة للسعر لقيت السولس عامل 560 والاكيستا 530

[ahmedhilmy]

انا مركب الأكستا ما شاء الله ممتاز بس انا كنت جيبه كوري من عند سمير بيومي مش فيتنامي بس انا 14 طبعا

[AHMED12345678]

انا مركب الأكستا ما شاء الله ممتاز بس انا كنت جيبه كوري من عند سمير بيومي مش فيتنامي بس انا 14 طبعا

انا كنت عاوز اكستا مقاس 14 كورى
فين سمير بيومى دة

[ahmedhilmy]

انا كنت عاوز اكستا مقاس 14 كورى
فين سمير بيومى دة

سمير بيومي في شارع التحرير الدقي قدام برج ساريدار جنب جاد اسمه شركه الأيمان المقاس بتاعي كان انتاج الأسبوع 51 2012 كوري و الفرده كانت عامله 410 الكلام ده من شهر و نص تقريبا

[Ahmedbasha14]

بصراحه يا جماعة انا كنت جايب طقم كومهو سولاس 185/60/14 وبصراحة زبالة الزباله مكملش معايا ألف كيلو لقيت فردة إتقطعت من الجنب غيرتها وجبت فرده كومهو طبعا نفس النقشه ، وعند 3000 أخدت مطب لقيت الفرده اليمين اللى ادام إتقطعت برضه من الجنب غيرتها وجبت برضه كومهو نفس النقشه
عند حوالى 7000 ببص لقيت فردتين عملوا بلالين من الجنب وان شاء الله هغيرهم وأجيب حاجه غير الكومهو الزباله دى إحتمال ربنا يكرم بميشلان أو بريدجستون

ملحوظه : الطقم اللى فات كان فاير ستون وكان عامل معايا فوق ال60 الف وكان زى الفل ، بس غيرت زيادة للأمان

[moha4tec]

كلمه واحده مفيش غيرها فى الجنط ال 17
تغير المقاس .ل 215/50/17 او 225/45/17 و تركب كوتش نضيف و متستخسرش .ممكن بريدجستون .لان الكمهو ركبته السولوس و الاكستا و ال 10 فرد عملو بلالين بسرعه بس متقطعوش او فرقعوا .
و لازم تخلى بالك كويس و انت ماشى و متجريش فى طريق متعرفوش و لازم تحفظ مكان الحفر و المطبات و تتفاداهم او تهدى جامد