ازاز العربية الريو اتكسر

[berhed]

حبيت بس اعرفكو تجربة حصلتلي اول امبارح,مبدأيا انا معايا كيا ريو 2013, نزلت بعد الفطار لقيت ازاز الراكب الامامي مكسور و العربية متقلعة من جوه ما شاء الله من كل حاجة, بس ربنا يكرمة الايموبلايزر مدالوش فرصة انو يدور و يمشي, مع العلم ان دي العربية رقم 7 في المنطقة يحصل فيها كده في خلال اسبوع, المهم اسعوضت ربنا في الحاجات اللي اتاخدت بس كل اللي دايقني الأزاز....

كلمت امبارح التوكيل عشان انا مأمن و قلت استفيد بالتأمين, قالولي ان الأزاز مش عندهم خالص و الدفعة هتنزل كمان "3 اسابيع" المفروض انني امشي بالعربية من غير ازاز 3 اسابيع مثلا.

قلت لمهندس الصيانة طب لو انا جبته من بره ينفع تركبوهولي!! قاللي مع الاسف لا!!!!!!!!

مرمط ب كرامته الارض بصراحة قولتلو معلش و انا ايه مشكلتي ان الازاز مش عندكوا!! هاتهولي و ركبو انت.. بس انا مش هفك باب العربية برة التوكيل و يتركب تركيب اي كلام.. قاللي بس دا ضد مبادئ التوكيل.. قلتلو معلش مفروض ان مبادئ التوكيل ان قطع الغيار تبقي موجودة مش تطلبوا انني استني اسبوع وللا حتي يومين.

في الاخر قاللي خلاص يا فاندم هات الازاز من برة و احنا هنركبو بس مش هيبقي ليه ضمان و سالته هلاقيه فين قاللي اسأل في دمشق او عند "جريش"

طلعت رحلة دمشق و درجة الحرارة 40 في عداد العربية و مش عارف اشغل التكييف عشان الازاز المفتوح ده, وصلت دمشق و لفيتو كله ملقتش الازاز في اي مكان!! رحت لجريش ده لقيت مكان كبير جداااااااااااااااااااا مليان كل اشكال زجاج العربيات و مش موجود عنده برضه...

الراجل اللي في جريش اداني رقم محل في ميدان الجامع كلمته و الحمد لله لقيتو و ركبتو هناك الحمدلله, صلحته ب 200 جنية و الحمد لله رجع زي الاول!!!

سؤالي هنا: يعني ايه التوكيل ميبقاش عنده قطعة غيار مهمة و مش متوفرة في السوق زي دي!!

[2CODE]

اولاً اول حاجة الحمد لله ان الريو فيها ايموبلايزر علشان نرتاح من موضوع السرقة اديك شايف الالنترا بتتسرق اكتر من شنط الستات في الشوارع وده اهم حاجة موجوده في العربية طبعاً بعد وسائل امان الفرامل

ثانياً موضوع التوكيل ده بالنسبالي ولا اي اندهاش لعلمك ده عادي جداً انه ميبقاش موجود في الوكيل ويبقى موجود برا تقريباً 80% من الناس مش بتاخد من عندهم الا الحاجات المهمه يعني تيل فرامل علشان متحلصش حاجة بنشتريه من عندهم يكون اصلي ويركبوه ويظبطوه ونستفيد بالضمان المجاني برضه

ثالث شئ الحمد لله على عربيتك وربنا يباركلك فيها والريو بتثبت كل يوم انها صفقة رابحة جداً لكل من يقتنيها

[berhed]

اولاً اول حاجة الحمد لله ان الريو فيها ايموبلايزر علشان نرتاح من موضوع السرقة اديك شايف الالنترا بتتسرق اكتر من شنط الستات في الشوارع وده اهم حاجة موجوده في العربية طبعاً بعد وسائل امان الفرامل

ثانياً موضوع التوكيل ده بالنسبالي ولا اي اندهاش لعلمك ده عادي جداً انه ميبقاش موجود في الوكيل ويبقى موجود برا تقريباً 80% من الناس مش بتاخد من عندهم الا الحاجات المهمه يعني تيل فرامل علشان متحلصش حاجة بنشتريه من عندهم يكون اصلي ويركبوه ويظبطوه ونستفيد بالضمان المجاني برضه

ثالث شئ الحمد لله على عربيتك وربنا يباركلك فيها والريو بتثبت كل يوم انها صفقة رابحة جداً لكل من يقتنيها

ربنا يخليك يا باشا و ربنا ميوقعكش فيها!! الفكرة اني لفيت عليه فعلا علي ما لاقيتو!! مع انو دي قطعة غيار المفروض انها تكون متوفرة علي الاقل في التوكيل

[prooo]

الحمدلله قدر الله وماشاء فعل ..... الحمدلله عدت على خير .... واستعوض ربنا في اللي حصل .... وحاول تجيب حاجه تقفل بيها الدريكسيون .... هيا بتبقا منظر بس .... الحرامي لما بيشوفها من الزجاج بيبعد عن العربيه عشان عارف انها هتاخد معاه وقت ...... هيسيبها ويشوف غيرها .... وربنا وحده هو اللي بيحمي ويحفظ

[Mohab555]

الحمد و الشكر لله على كل شىء .... كويس انها جت على قد كده ... والايموبلايزر عمل شغله على اكمل وجه ..
حاول بس تركنها فى جراج او حته امان .... وحمد الله على سلامه العربيه ..

[Land_Cruiser]

قدر الله و ما شاء فعل و مبروك علي التركيب . كان عندي اقتراح لو مكنتش حضرتك عملته بالفعل يعني و هو انك تجرب تكلم اكتر من فرع للتوكيل علي أمل انك تلاقيه في فرع كبير مثلا او مش عليه طلب كتير و كده يعني .. طبعا هو المفروض الموضوع ما يتحلش بالطريقه اليدويه دي و ان التوكيل هو اللي يعمل كده من نفسه انما مع الاسف ساعات بتجيب نتيجه و ساعتها تروح للفرع اللي عنده و تركبه تبع الضمان و التأمين . بالمناسبه حتي لو حضرتك ركبت الزجاج عند دكتور جريش او غيره من حقك تطالب التأمين بالمبلغ و بيدفعهولك عادي بس هتحتاج تعدي علي التأمين قبلها يصوروا الزجاج المكسور و بعد كده بتصلحه و تجيبلهم الفاتوره

[berhed]

قدر الله و ما شاء فعل و مبروك علي التركيب . كان عندي اقتراح لو مكنتش حضرتك عملته بالفعل يعني و هو انك تجرب تكلم اكتر من فرع للتوكيل علي أمل انك تلاقيه في فرع كبير مثلا او مش عليه طلب كتير و كده يعني .. طبعا هو المفروض الموضوع ما يتحلش بالطريقه اليدويه دي و ان التوكيل هو اللي يعمل كده من نفسه انما مع الاسف ساعات بتجيب نتيجه و ساعتها تروح للفرع اللي عنده و تركبه تبع الضمان و التأمين . بالمناسبه حتي لو حضرتك ركبت الزجاج عند دكتور جريش او غيره من حقك تطالب التأمين بالمبلغ و بيدفعهولك عادي بس هتحتاج تعدي علي التأمين قبلها يصوروا الزجاج المكسور و بعد كده بتصلحه و تجيبلهم الفاتوره

ما هوا دا باظبط اللي انا عمله, الفكرة ان التوكيل بيبقي عندهم داتابيز لكل قطع الغيار المتوفرة عندهم فلما بيدور علي قطعة غيار بيدور علي مستوي كل فروع التوكيل في الجمهورية..

و انا فعلا رحت صورت الازاز و هاخد فلوسو من التأمين بس الفكرة ان قطعة الغيار و المصنعية في التوكيل هتبقي انضف و احسن من برة بكتير

[MoH.SaLaDiN]

الحمدلله قدر الله وماشاء فعل ..... الحمدلله عدت على خير .... واستعوض ربنا في اللي حصل .... وحاول تجيب حاجه تقفل بيها الدريكسيون .... هيا بتبقا منظر بس .... الحرامي لما بيشوفها من الزجاج بيبعد عن العربيه عشان عارف انها هتاخد معاه وقت ...... هيسيبها ويشوف غيرها .... وربنا وحده هو اللي بيحمي ويحفظ

انا قلت زيك كده بس روحت فيمت العربية فااكيد مش حيشوف اللوك بسبب الفاميه بجد زكى اوى انا ههههههههههههههههههه ربنا يسترها علينا

[MoH.SaLaDiN]

قدر الله وماشاء فعل الحمد لله انها جت على قد كده ربنا يعوضك ويسلمنا شر الطريق والحرامية بس بالنسبة لموضوع التوكيل فا ده اخر استعباط الصراحة عايزين يتهزقوا وانا متوقع ان فيه قطع غيار كتيرة اكيد مش موجودة يا راجل دول بخلوا فى الازاز هو فيه كده بجد التعامل فى مصر زى الزفت انا برده عملت صيانة الاف كيلو قريب وكان فيه حاجات كتيرة مش عاجبانى بس حنعمل ايه هى الحمد لله العربية حلوة وتستاهل الصبر شوية وعمار يا مصر

[sonybony]

الحمدلله ان ربنا سترها ولكن يا تري سرقوا ايه من العربيه ؟

[eleanor]

الحمد لله ربنا ستر وجت سليمه وبسيطه المره دى
وحاول تشوف جراش للعربيه علشان حرام البهدله دى

[berhed]

الحمدلله ان ربنا سترها ولكن يا تري سرقوا ايه من العربيه ؟

اهو دا بقي اللي جابلي شلل!! برفيوم كان فيه حبه صغيرين جدا, نضارة شمس عاملها عدسات نظر و شمس يعني مش هيشوف بيها حاجة!! و شنطة الاسعافات بكل مافيها و الاريال و جهاز ضغط الكاوتش!!