إعـــــــلان

Collapse

.

,
See more
See less

استفسار هام بخصوص كيا سبورتاج

Collapse
X
 
  • Filter
  • الوقت
  • Show
Clear All
new posts

  • استفسار هام بخصوص كيا سبورتاج

    السادة أعضاء المنتدى الكرام:
    كل عام ونتم بخير ونسال المولى عز وجل ان يمنع عنا وعن مصرنا الحبيبة البلاء امين.
    الحقيقة انا فى حيرة وعاوزكم تساعدونى
    نويت بإذن الله تعالى اشترى عربية جديدة وكنت محتار بين سبورتاج و ix35 فنزلت المعارض وركبت الاثنين وشوفت الخامات وكدة وعجبتنى السبورتاج اكتر ودة بردو بعد ما قريت التقارير والمناقشات المكتوبة من السادة ملاكها واعضاء المنتدى الكرام اللى استفدت كتير منها بجد.
    ولكن قرارى متوقف الان على نقطة وحيدة وهى نوع البنزين الملائم للسيارة انا قريت فى كتالوج السبورتاج ان البنزين لازم يكون عالى الجودة وفى جدال حول نوع البنزين المستخدم
    هل لازم 95 ولا ممكن 92 عادى لان الموتور متعدل عشان ياخد النوع دة من البنزين بدون مشاكل ذى ما قالى منوب المبيعات فى فرع المعادى.
    أما فى كتالوج ix35 مكتوب 92 عادى فى اول الكتالوج
    مش عارف اعمل اية عجبانى السبورتاج اكتر بس خايف من موضوع البنزين دة وعاوز من ملاكها الكرام يفيدونى عشان الموضوع يفرق معايا واكيد يفرق مع اى حد دلوقتى بعد رفع الدعم وياعالم هيحصل اية تانى ربنا يستر.
    وشكرا مقدما
    واسف على الاطالة

  • #2
    لا 92 عادى جدا مع كل الناس
    [FONT=Impact][SIZE=5][COLOR=black]Gazzar[/COLOR][/SIZE][/FONT]

    Comment


    • #3
      المشاركة الأصلية كتبت بواسطة thebutcherr مشاهدة المشاركة
      لا 92 عادى جدا مع كل الناس
      الف شكر لحضرتك وربنا يطنمك

      Comment


      • #4
        مع واحد صاحبي كان بيحط 92 و كانت زي الفل لكن لما حط 95 حس بفرق جامد في الأداء.
        https://t.me/pump_upp

        Comment


        • #5
          المشاركة الأصلية كتبت بواسطة svneleven مشاهدة المشاركة
          مع واحد صاحبي كان بيحط 92 و كانت زي الفل لكن لما حط 95 حس بفرق جامد في الأداء.
          تمام زى ما حضرتك قولت كدة لان الموتور بيخرج 140 حصان كاملين فى حالة ال95 ودة بردوا اللى قالوا مسئول المبيعات لكيا بس اللى كان مخلينى متردد حكاية ان بنزين 92 بياثر على عمر الموتور على المدى البعيد
          والف شكر لحضرتك على اهتمامك

          Comment


          • #6
            في خدمة حضرتك. و كل الموضوع أن الأداء بيختلف لأن نسبة انضغاط المحرك عالية فبتحس بفرق مع ال 95 لكن ان شاء ال 92 ما فيش مشاكل.
            https://t.me/pump_upp

            Comment


            • #7
              المشاركة الأصلية كتبت بواسطة svneleven مشاهدة المشاركة
              في خدمة حضرتك. و كل الموضوع أن الأداء بيختلف لأن نسبة انضغاط المحرك عالية فبتحس بفرق مع ال 95 لكن ان شاء ال 92 ما فيش مشاكل.
              العفو يا فندم ومتشكر جدا لذوق حضرتك وفعلا المنتدى جدير بالاحترام لانة بيضم اشخاص محترمة وخلوقة زى حضرتك ومليون شكر مرة تانية

              Comment


              • #8
                ٩٢ عادى جدا ومفهوش اى مشكله و مجربتش ٩٥ خالص الصراحه

                Comment

                Working...
                X