تقرير بعد تجاوز 10 الاف كيلو بالكيا rio الشكل الجديد وكل التفاصيل بالداخل

[2CODE]

حبيبي يامهاب باشا.......كلامك 10\10 خصوصا في موضوع ال ال ار بي ام
امما بالنسبة لموضوع الزيت ده والله انا كنت هحط الزيت بتاعك بس ساعتها حصلت معايا مشكلة واضطريت اعمل الصيانة بسرعة عشان كنت في رمضان وكنت مسافر ومكنش ينفع اتأخر او استنى على الصيانة لما ارجع لان ساعتها كان العداد هيعدي 10000 وانا خفت استنى خصوصا كمان اني كنت حاطط زيت 5000 .... بس ان شاء الغيار الجاي فالفولين وش
نسيت اقوللك صحيح انا ركبت زينون كوبرا عند ارابكوم :oc_sun1[1]: مش عاوز اقللك الاضاءة اختلفت قد ايه بس المشكلة الكبيرة انه تقريبا بيعمي الناس بس انا عملت حركة صايعة كمان ركبت لمض نورها ابيض في الفوجات

ما تصيعنا معاك بكام صورة (مش كام صوره عايزين صور كتير) وشويه تفاصيل عن السعر وغيره ؟

[Eng.Geo]

لأ طبعاً جوه العربية مين دا اول شئ قاله لي مهندس الاستقبال هترش على المفتاح بس انا واخده من التوكيل اساساً انت لو بصيت على المفتاح هتلاقي في الشفرات بتاعة المفتاح تراب وحاجات كده اول ما ترش عليه كل ده هيضيع بمجرد ما تمشي اي منديل عليه

أولا مبروك الصيانة وربنا يباركلك فيها
بس عايز أوضح حاجة بس عشان أحتمال كبير يكون عندك مشكلة وتلحق تحلها
immobilizer ده نظام في المفتاح بيبقي في transmitter في المفتاح ... في الجزء الأسود اللي فيه الزرراير .. والكونتاكت بيبقي فيه receiver
الشفرة ده هي ال CODE اللي بيتبعت بين ال transmitter وال receiver
حضرتك بتتكلم عن الفرات اللي هي ال blade مش ال code
ده لو فيها تراب مش هتعمل حاجة تقريبا وعربيات كتير ماشية كدة
في ممكن يكون عند حضرتك مشكلة في التكويد بتاع المفتاح ... لازم تراجع تاني مع التوكيل عشان تحل المشكلة ده ... عشان ممكن جدا ماتدورش معاك بسببها ... والتنضيف ملوش أي علاقة

[prooo]

ما تصيعنا معاك بكام صورة (مش كام صوره عايزين صور كتير) وشويه تفاصيل عن السعر وغيره ؟

من عنيا ياباشا بس والله انا في وسط البحر دلوقتي وهنزل ان شاء الله يوم الاتنين اللي جاي وهصورلك كل حاجة ان شاء الله ..... امما بالنسبة للاسعار والتفاصيل من عنيا ياكبير
الزينون اسمه كوبرا و هوه صيني طبعا ..... وجبته من عند ارابكوم ومتكود عشان نيعملش error وكمان عليه ضمان سنه على اللمبات والموديول وجبته ب 800 جنيه بالتركيب .... وقوته 6000K وجربته كمان قبل مركبه ... وتركيبه بالظبط بياخد 10 دقايق يادوبك بيفك اللمبة ويركب اللمبة التانية وشكرا على كده ..... بس بصراحة الزينون حلو مفيش كلام و ان شاء الله قريب قوي هركب ال دي في دي التتش ال 8 بوصة بس يرخص بس شوية عشان هو ب 3200 جنيه دلوقتي

[MoH.SaLaDiN]

الله ينور يا باشا شرح توكيل والله .... هههههههههههه
احب اضيف بس ان العربيه بعد ال 130 ال eco بيفصل ... والعربيه لو فايقه بتمشى 120 على 3100 rpm .... لو مخنوقه و مش بتجرى بيبقى حوالى 3400/3500 على حسب فوقان الموتور ....
بالنسبه لصوت الموتور فى ملحوظة صغيره جدا .... الزيت ليه عامل السحر فى موضوع صوت الموتور انا الحمد لله من ساعه اخر غيار و حطيت فالفولين engine armour ماشاء الله ولا الهوا و اهدأ كتير من اللكوى مولى و اهدأ بمراحل من الشل .... زيت الموتور ياشباب هو اهم الاسباب ...

بصراحه الله ينور انا كنت مستنى الاجابة دى بس تقريبا ماكنتش عارف افهم الشباب كويس بس عايز اسألك بقى على حاجتين لو عايز افتح الموتور يفضل بعد كام كيلو وايه اقصى سرعة اجبها بالعربية
تانى حاجة التوكيل مش بيحط غير شل لو الواحد عايز يغيره بفالفولين يعمل معاهم ايه

[MoH.SaLaDiN]

prooo انت قصدك انهى dvd تتش هو ده









عشان لو هو دانا دايخ عليه شكله حيبقى روعة اوى على العربية
بس 3200 سعر حراق برده ده غير تركيبه
شكل الواحد حيصرف كل فلوسه على العربية
الواحد المفروض يبدأ يحوش من دلوقتى هههههههه

[prooo]

prooo انت قصدك انهى dvd تتش هو ده









عشان لو هو دانا دايخ عليه شكله حيبقى روعة اوى على العربية
بس 3200 سعر حراق برده ده غير تركيبه
شكل الواحد حيصرف كل فلوسه على العربية
الواحد المفروض يبدأ يحوش من دلوقتى هههههههه

هو ياباشا .... هو بعينه بغباوته بوشه العكر .... بص هو موجود عند ارابكوم ب 3800 بالتركيب والضمان وممكن تجيبه من بره من اي موقع ب 300 دولار ومعاه الكاميرا كمان ومتسجل عليه الخرايط بتاعة مصر و بيشتغل على المالتي فانكشن عادي جدا و كل حاجة بس للاسف من غير اي ضمان ...... وتقريبا موجود برده في شارع دمشق ب 3000 جنيه بالتركيب بس بصراحة انا لا اثفق في اي حد يركبلي الكاسيت ده الا ارابكوم عشان هيفك حته من الطابلوه .... انا سئلت الراجل في ارابكوم لو جبته من بره وجيت ركبته عادي ... قاللي ااه مفيش مشكلة بس من غير ضمان طبعا .... فكده احنا ممكن نجمع كام واحد عاوزه ونشتريه كلنا مرة واحدة في شحنه واحدة ونروح كلنا نركبه عند ارابكوم وانا مستعد اجيبلكوا عرض سعر كويس لو كذا واحد هيركبه

[Mohab555]

حبيبي يامهاب باشا.......كلامك 10\10 خصوصا في موضوع ال ال ار بي ام
امما بالنسبة لموضوع الزيت ده والله انا كنت هحط الزيت بتاعك بس ساعتها حصلت معايا مشكلة واضطريت اعمل الصيانة بسرعة عشان كنت في رمضان وكنت مسافر ومكنش ينفع اتأخر او استنى على الصيانة لما ارجع لان ساعتها كان العداد هيعدي 10000 وانا خفت استنى خصوصا كمان اني كنت حاطط زيت 5000 .... بس ان شاء الغيار الجاي فالفولين وش
نسيت اقوللك صحيح انا ركبت زينون كوبرا عند ارابكوم مش عاوز اقللك الاضاءة اختلفت قد ايه بس المشكلة الكبيرة انه تقريبا بيعمي الناس بس انا عملت حركة صايعة كمان ركبت لمض نورها ابيض في الفوجات

حبيب قلبى ولا يهمك المره الجايه فالفولين استايل بقه
بالنسبه للزينون انت عندك اصلا هتحس انك كنت ماشى من غير نور قبل الزينون ... و طبيعى موضوع العمى بتاع الناس علشان انت عندك لمبه H4 عالى وواطى فى نفس اللمبه و على القمره بتاعه الفانوس علطول و مفيش Projectors فطبيعى انك تعميهم علشان كده حاول متشغلوش من غير داعى علشان الناس ماتدعيش علينا .... بالنسبه لموضوع لمض الفوجات عاوزك كل فتره تشيك على الفوجات من بره علشان ساعت المض البيضه لما الوات بتاعها بيكون عالى بتسيح الفانوس من جوه فخلى بالك .... و الف الف مبرررروك يا باشا
انا بقه ان شاء الله هعمل فى زئرده عندى حاجة كده شغل فنادق هتبهرك

[Mohab555]

بصراحه الله ينور انا كنت مستنى الاجابة دى بس تقريبا ماكنتش عارف افهم الشباب كويس بس عايز اسألك بقى على حاجتين لو عايز افتح الموتور يفضل بعد كام كيلو وايه اقصى سرعة اجبها بالعربية
تانى حاجة التوكيل مش بيحط غير شل لو الواحد عايز يغيره بفالفولين يعمل معاهم ايه

تحت امرك يا باشا انت تأمر
العربيه بعد اول 2000 كم لازم تقرص عليها و تحاول تعودها على الجرى و التحميل علشان متبقاش عامله زى البطه اخرها 120 و تقف علشان هى مش واخده على الجرى .... بالنسبه لموضوع اقصى سرعه مفيش حد زى ما تقدر تجيب بيها هات انا شخصيا فركت عربيتى 210 على طريق الساحل و كنت محمل ناس ... شوف انت عاوز سفريه حلوه تفتح فيها و ان شاء الله تبقى العربيه فله ....
بالنسبه لموضوع الزيت ممكن تاخد الزيت معاك و انت رايح التوكيل و تقوله انا عاوز احطه مكان الشل ... مش عارف هيوافق ولا لا بس اعتقد لازم تحطه تحت الامر الواقع و هيقعد يقولك الموتور بره الضمان علشان محتطش شيل وشويه كلام ميطلعش من مهندسين يعنى ..

[prooo]

حبيب قلبى ولا يهمك المره الجايه فالفولين استايل بقه :oc_sun1[1]:
بالنسبه للزينون انت عندك اصلا هتحس انك كنت ماشى من غير نور قبل الزينون ... و طبيعى موضوع العمى بتاع الناس علشان انت عندك لمبه h4 عالى وواطى فى نفس اللمبه و على القمره بتاعه الفانوس علطول و مفيش projectors فطبيعى انك تعميهم علشان كده حاول متشغلوش من غير داعى علشان الناس ماتدعيش علينا :c_laugh[1]: .... بالنسبه لموضوع لمض الفوجات عاوزك كل فتره تشيك على الفوجات من بره علشان ساعت المض البيضه لما الوات بتاعها بيكون عالى بتسيح الفانوس من جوه فخلى بالك .... و الف الف مبرررروك يا باشا
انا بقه ان شاء الله هعمل فى زئرده عندى حاجة كده شغل فنادق هتبهرك

طب ياباشا ياريت تتابعني بالمستجدات اول باول عشان لو فيه نصيب اجي اقلدك في اللي انت بتعمله وتبقى اول هاتش باك واول سيدان معمول فيهم شغل فنادق ...............

[MoH.SaLaDiN]

هو ياباشا .... هو بعينه بغباوته بوشه العكر .... بص هو موجود عند ارابكوم ب 3800 بالتركيب والضمان وممكن تجيبه من بره من اي موقع ب 300 دولار ومعاه الكاميرا كمان ومتسجل عليه الخرايط بتاعة مصر و بيشتغل على المالتي فانكشن عادي جدا و كل حاجة بس للاسف من غير اي ضمان ...... وتقريبا موجود برده في شارع دمشق ب 3000 جنيه بالتركيب بس بصراحة انا لا اثفق في اي حد يركبلي الكاسيت ده الا ارابكوم عشان هيفك حته من الطابلوه .... انا سئلت الراجل في ارابكوم لو جبته من بره وجيت ركبته عادي ... قاللي ااه مفيش مشكلة بس من غير ضمان طبعا .... فكده احنا ممكن نجمع كام واحد عاوزه ونشتريه كلنا مرة واحدة في شحنه واحدة ونروح كلنا نركبه عند ارابكوم وانا مستعد اجيبلكوا عرض سعر كويس لو كذا واحد هيركبه

ههههههههه حلوة هو بغباوته دى بس انا لو جبته ممكن اركبه فى التوكيل عشان العربية متخرجش من الضمان بس مش عارف التوكيل ممكن يركبه بكام ده ال parking sensor اللى مش حياخد ثوانى فى تركيبه واحد سأل فى فرع الصحراوى قاله 350 فا اكيد ده حيبقى سعر خرافى وبالنسبة لو طلبناه من بره فا 300 دولار اوفر برده بس هو موضوع الضمان ده مهم ولا مش فارقة الواحد اولى بالفلوس دى وخصوصا ان العربية خلت الواحد مفلس ومعهوش ولا مليم

[MoH.SaLaDiN]

تحت امرك يا باشا انت تأمر
العربيه بعد اول 2000 كم لازم تقرص عليها و تحاول تعودها على الجرى و التحميل علشان متبقاش عامله زى البطه اخرها 120 و تقف علشان هى مش واخده على الجرى .... بالنسبه لموضوع اقصى سرعه مفيش حد زى ما تقدر تجيب بيها هات انا شخصيا فركت عربيتى 210 على طريق الساحل و كنت محمل ناس ... شوف انت عاوز سفريه حلوه تفتح فيها و ان شاء الله تبقى العربيه فله ....
بالنسبه لموضوع الزيت ممكن تاخد الزيت معاك و انت رايح التوكيل و تقوله انا عاوز احطه مكان الشل ... مش عارف هيوافق ولا لا بس اعتقد لازم تحطه تحت الامر الواقع و هيقعد يقولك الموتور بره الضمان علشان محتطش شيل وشويه كلام ميطلعش من مهندسين يعنى ..

ربنا يخليك يا باشا وانا ان شاء الله ناوى اطلع القاهرة الاسبوع الجاى ان شاء الله افتح فى السرعة بس ربنا يستر من الردار
ولا ايه اخبار طريق القاهرة الاسكندرية الصحراوى انا ناوى اطلع بدرى ان شاء الله وارجع قبل الحظر الطريق امان اليومين دول ولا نركب قطر وخلاص

[coc]

ما تنصحوني يا جدعان , انا بتاع برمجة وماليش في العربيات وبسوق سيكي ميكي وهجيب ان شاء الله الهاتش باك هاي لاين ومعرفش اغير زيت امتى ولا ايه الاستيب ترونيك ده اصلا انا بقالي يومين بقرا في مواضيه ولسه زي اللطخ :(.
عايز اعرف العربية ثابتة ولا خفيفة على سرعة وانا بسافر كتير وخايف من الموضوع ده
وياريت تحطولي لينكات او اي حاجة تودكني بدل منا اوبجكت فاضي كده وربنا يباركلكو يا رب في الحاجات وعايز اعرف بالمرة ادهاي لاين بتنزل ببصمة ولا ده في عربيات وعربيات؟

[medo-312]

هو ياباشا .... هو بعينه بغباوته بوشه العكر .... بص هو موجود عند ارابكوم ب 3800 بالتركيب والضمان وممكن تجيبه من بره من اي موقع ب 300 دولار ومعاه الكاميرا كمان ومتسجل عليه الخرايط بتاعة مصر و بيشتغل على المالتي فانكشن عادي جدا و كل حاجة بس للاسف من غير اي ضمان ...... وتقريبا موجود برده في شارع دمشق ب 3000 جنيه بالتركيب بس بصراحة انا لا اثفق في اي حد يركبلي الكاسيت ده الا ارابكوم عشان هيفك حته من الطابلوه .... انا سئلت الراجل في ارابكوم لو جبته من بره وجيت ركبته عادي ... قاللي ااه مفيش مشكلة بس من غير ضمان طبعا .... فكده احنا ممكن نجمع كام واحد عاوزه ونشتريه كلنا مرة واحدة في شحنه واحدة ونروح كلنا نركبه عند ارابكوم وانا مستعد اجيبلكوا عرض سعر كويس لو كذا واحد هيركبه

متاااابع

[mhDeeb]

تقرير ممتاز ربنا يبارك لك فيها بإذن الله
والعيوب دى عادية في كل العربيات مفيهاش عيوب صعبة