مشكلة في النقلات كيا سيراتو 2011 فتيس جديد

[mmnagy80]

السلام عليكم
عندي مشكلة في النقلات كيا سيراتو 2011. 25000كم. بعض الاحيان يكون هناك رزعة في العربية في النقلات من n الى d و بين كل السرعات لمدة دقائق من القيادة و بعد كدة تروح . المشكلة ده بتتكرر يوميا بدون سبب او توقيت ثابت . المشكلة موجودة في الحالتين الاوتوماتيك و الستيب ترونيك. التوكيل كشف و قالو مافيش حاجة. المشكلة ما بانتش و هما بيكشفواا . ماذا افعل

[ابو ليلى]

المشكلة تتلخص فى فالف بادى وضفيرة الفتيس وهى مشكلة بقت منتشرة فى السيراتو وهما عارفينها
كويس اوى انك وكيل لان الحاجات دى بتتغير فى الضمان لانها عيب صناعة
خليك متابع فى مركز صيانة ابو رواش احسن ومتسكتش غير لما يغيرو الحاجات دى

[Ahmed Amin]

الفالف بادي بيتغير كله يا أبو ليلي,
ولا السولنيد فالف بس اللي مسؤل عن النقلات الأولي والتانية ؟

كدا بقت مشاكل نتشة الفتيس الاوروبي وصلت للكوري, ؟
أتحسدتو..

[ابو ليلى]

السولنيد فالف مينفعش يتغير لوحده لان قطعه الغيار بتكون واحده وبالتالى لو اخده من الفالف
بقى مالوش لاازمة بعد كده
المشكلة فعلا بقت منتشرة فى السيراتو بالتحديد وتقريبا انا من اوائل الناس اللى حصل معاها الموضوع ده
علشان تعرف بس ان مفيش فرق بين الكورى والاوربى

[Ahmed Amin]

السولنيد فالف مينفعش يتغير لوحده لان قطعه الغيار بتكون واحده وبالتالى لو اخده من الفالف
بقى مالوش لاازمة بعد كده
المشكلة فعلا بقت منتشرة فى السيراتو بالتحديد وتقريبا انا من اوائل الناس اللى حصل معاها الموضوع ده
علشان تعرف بس ان مفيش فرق بين الكورى والاوربى :oc_sun1[1]:

هههههههههههههههههه ملعوبة يا باشا,,
بس أزاي مينفعش السولنيد فالف يتغير لوحده ؟ مفهتمش قصدك بكلمة أنها قطعة واحدة.

في البيجو مثلا والسيتروين والرينو ممكن تغير سلونيد واحد أو تنين اللي هما مسؤلين عن عملية النقل ما بين الأول للتاني
واللي هما سبب المشكلة في النقلة من أول للتاني, ومن ال n لل d, ولما بتيجي تقف من 4 أو 3 أو 2 للأول.

والأتنين دول بيبقي راكبين علي الفالف بلوك, بتشيل الأتنين سولنيد دول, وتركب أتنين جداد.

[mmnagy80]

شكرا يا جماعة على الافادة . هروح بعد العيد ان شاء الله

[AHMED12345678]

المشكلة تتلخص فى فالف بادى وضفيرة الفتيس وهى مشكلة بقت منتشرة فى السيراتو وهما عارفينها
كويس اوى انك وكيل لان الحاجات دى بتتغير فى الضمان لانها عيب صناعة
خليك متابع فى مركز صيانة ابو رواش احسن ومتسكتش غير لما يغيرو الحاجات دى

طيب والحاجات دى تغييرها يكلف كام من غير الضمان

وهل بعد تغييرها ممكن العيب دة يتكرر مرة تانية

وهل المشكلة دى فى الفتيس الاربع نقلات ولا الست نقلات ولا الاتنين

[sonybony]

مفيش احسن من المانيوال علي قديمه وربنا معاك

[Ahmed Amin]

طيب والحاجات دى تغييرها يكلف كام من غير الضمان

وهل بعد تغييرها ممكن العيب دة يتكرر مرة تانية

وهل المشكلة دى فى الفتيس الاربع نقلات ولا الست نقلات ولا الاتنين

عندي نفس السؤال بالنسبة للتكلفة للي عملها أو عرف تتكلف كام ؟

وصاحب الموضوع كاتب سيراتو 2011 فتيس جديد,
وعلي حد علمي الموديل دا هوا اللي من أوله نزلو العربية بالفتيس ال 6 نقلات.

[EGY4EVER]

انا عندى نفس المشكلة مع العلم ان العربية بتاعتى خليجى وعاوز اعرف تكلفتها كام بالضبط لو رحت التوكيل؟؟؟؟؟

[Ahmed Amin]

انا عندى نفس المشكلة مع العلم ان العربية بتاعتى خليجى وعاوز اعرف تكلفتها كام بالضبط لو رحت التوكيل؟؟؟؟؟

عربيتك عاملة كام ألف كيلو ؟ وأول يد ولا تاني يد ؟
غيرت لها زيت فتيس ولا لسه ؟

لو العربية عاملة كيلومتر عالي ولسه مغيرتش زيت, أبداً بتغير الزيت الأول,,

وراجع الموضوع دا.

http://www.nilemotors.net/Nile/391835-2011.html

[EGY4EVER]

انا عامل 37000 والعربية اول يد

[Ahmed Amin]

انا عامل 37000 والعربية اول يد

عربيتك 2011 الفتيس ال 6 نقلات, ولا موديل تاني ؟
وأيه اللي بيحصل معاك بالظبط,,

[memo00202]

عندى نفس المشكله فى سيراتو 2011 خليجى ست سرعات
غيرت الزيت والفلتر
والمشكله قائمه