تغيير كاوتش السيراتو

[Ahmed1987]

السلام عليكم ورحمة الله وبركاته
الموضوع باختصار شديد اني محتاج اغير العجل لانه في اعتقادي عمل الي عليه وزياده
النيكسن الفابريكا بقاله سنتين و٤ شهور من ضمنهم ٣ شهور العربيه كانت مسروقه فيهم عامل ٣٣٠٠٠ كم
فرده فيها بالونه وخابور ولحام وواحدة فيها لحام والسبب كان في سوسته مشبك غسيل ...اه والله مشبك غسيل
لفيت لفه حلوه وفي الاخر لقيت واحد ابن حلال رشحلي ٣ انواع وانا ان شاء الله ناوي اشتري من عنده والاختيارات كالتالي
Continental conti premium 5 سرعه w وده انا مرشحه قوي والريفيوز بتاعته حلوه
Pirelli p7 سرعه w كان فيه ناس بتقول انها ناشفه بس الي اكدهولي الراجل ده انها طريه وهتريح مع العفشة المعهودة للسيراتو
Dunlop sp01 سرعه v وده انا معرفش ايه نظامه غير ان الريفيوز بتاعته سيئه
حابب ان انا استفاد من خبراتكم لو فيه حد جرب الانواع دي يقول ايه رأيه
المقاس عندي 205,55,16

[إبراهيم المصرى]

احسنت وبالتوفيق

[micfid]

النيكسل كاوتشه كويس

بس اكيد البردج استون او المشلان احسن طبعا

بس الغريب ان 16 وفي عنده بلالين ؟ غريبه

[Ahmed1987]

البالونه جت علي سرعه عاليه في حته حفره انا حسيت ان العجل طرقع
طبعا البريدجستون ب 1000 التورانزا والميشلان بتبدي من 1100 جامدين بس سعرهم استهبال ولو حصلهم حاجه هعيط جنبهم

[Ahmed1987]

ايه ياجماعه مفيش حد جرب اي نوع من الانواع دي يفيدنا؟
ده حتي الراجل قالي هيظبط السعر وصلت معاه 650 جنيه الفرده لأي نوع من التلاته ايه رأيكو في السعر ده طيب؟

[عصام غنايم]

هات كومهو اكستا spt - ku 31 وان شاء الله هتدعيلى

[MB1986]

النيكسن معجبنيش بس هو كأداء حلو فى الفرامل و الجرى فردة ناشفه
جربت هانكوك كورى ME01 - K114 فردة طريه بس الثبات هيقل جداااا و الفرامل هتبقى اضعف من النيكسن بفارق ملحوظ تمن الفردة دى حاليا فى حدود 650 جنيه
غيرت الفردتين اللى قدام ل Kumho Ecsta SPT - Ku31 ثبات عالى و فرامل كويسه بس ناشف بشكل ملحوظ و تمنها فى حدود 500-550

انا شايف ان 650 جنيه دى ممتازه بالنسبة لسعر الفردة الكونتنينتال المذكورة بس تقييمها على النت ضعيف من ناحية ال wear بس من وجهة نظرى بعد تغيير الكاوتش اكتر من مره بأختلاف الشركة المصنعة و البلد المصنع فيها .. كل انواع الكاوتش بتتاكل بسرعه و مش معمره

650 جنيه حلو بالنسبة للفردة المذكورة و لازم تتأكد من تاريخ الانتاج و متجيبش الفردة دى Continental Conti Permium ....... 2 و دى المنتشرة

[M I D O]

في رايي البيرللي افضل نوع كاوتش

[Ahmed1987]

في البدايه احب اشكركم علي الرد استاذ عصام و MB و MIDO

هات كومهو اكستا spt - ku 31 وان شاء الله هتدعيلى

النيكسن معجبنيش بس هو كأداء حلو فى الفرامل و الجرى فردة ناشفه
جربت هانكوك كورى ME01 - K114 فردة طريه بس الثبات هيقل جداااا و الفرامل هتبقى اضعف من النيكسن بفارق ملحوظ تمن الفردة دى حاليا فى حدود 650 جنيه
غيرت الفردتين اللى قدام ل Kumho Ecsta SPT - Ku31 ثبات عالى و فرامل كويسه بس ناشف بشكل ملحوظ و تمنها فى حدود 500-550

انا شايف ان 650 جنيه دى ممتازه بالنسبة لسعر الفردة الكونتنينتال المذكورة بس تقييمها على النت ضعيف من ناحية ال wear بس من وجهة نظرى بعد تغيير الكاوتش اكتر من مره بأختلاف الشركة المصنعة و البلد المصنع فيها .. كل انواع الكاوتش بتتاكل بسرعه و مش معمره

650 جنيه حلو بالنسبة للفردة المذكورة و لازم تتأكد من تاريخ الانتاج و متجيبش الفردة دى Continental Conti Permium ....... 2 و دى المنتشرة

الكومهو الاكستا spt ku31 لقيته عند تامكو الي في مصر القديمه ب ٥٢٥ جنيه الفرده بس انتاج اول ٢٠١٢ وسمعت برده انها كويسه بس ناشفه والناس هناك مش فاهمين اي حاجه قفلوني منه الصراحه لو فيه حته تانيه كويسه ممكن اروح اسأل
بالنسبه للكونتينينتال الكونتاكت ٥ عاجبني فيها انها الماني و very comfortable هتريحني فالسيراتو، فعلا هي ال wear بتاعها ضعيف وبتتآكل اسرع بس زي ما انت قلت مفيش حاجه معمره

في رايي البيرللي افضل نوع كاوتش

لو تحددلي هو حلو ازاي وهل p7 ده تحديدا كويس ولا لا عشان سمعت انه كويس برضه