اهتزاز علي الطريق

[micfid]

معايا كيا سيراتو 2011 هي تمام الحمد الله
بس في حاجه غريبه بتحصل
ببق ماشي عادي وبسرعه واجي اشيل رجلي من علي البنزين الاقي في اهتزاز في العربيه ..ادوس فرامل الاهتزاز يروح ادوس بنزين الاهتزاز يروح .....
حد يرد عليا انا جالي شلل اطفال

[Land_Cruiser]

يا تري حضرتك عملت ترصيص للعجل قريب؟ لو في هزه او رجه بتحس بيها علي السرعات العاليه بعد ال 90 يبقي العجل محتاج ترصيص

[micfid]

انا بشكرك علي الرد بجد

انا بمشي 150 ثبات علي الارض كويس جدا مفيش اي اهتزازات
الاهتزاز ده بيحصل اول ما بشيل رجلي من علي البنزين
ملوحظه : انا الكوتش 17
غيرت عدد 2 فرده كاوتش وفاضل عندي 2 ورا قدام عملو 60 الف كيلو ولما اشتريت ال 2 عملت ترصيص لل2 بس

[aldesha989]

ربط العفشه وراجع على الترصيص الترصيص بيعمل كده اعتقد طول ما العربيه بتسحب بتكون الاهتزازت مش باينه لقوه السحب

[micfid]

انا فعلا محتاج تربيط عفشه ....هو ممكن اي ميكانيكي يربط العفشه ؟ ولا لازم التوكيل ؟

[aw2100]

اعتقد ده عيب من الكبالن الداخليه او قواعد الموتور اولا راجع على العفشة وربطها وربط قواعد الموتور وخصوصا لو ماترجعتش قبل كده ولو ماتعرفش ميكانيى كويس روح التوكيل افضل !!