تركيب Parking Sensor

[Tmhami]

عايز أركب parking sensor,
كلمت التوكيل قالولى أنه بيركب بس فى أبو رواش و ب 1400 ,
بصراحه غالى أوى
و لما سألت فى spare car قالولى ب 350 بس طبعا كده ضمان الكهرباء حيروح ,
رأيكم أيه؟
لو حد ركي ال parking Sensor بره التوكيل ياريت يقولى على التفاصيل , ( بكام و فين )

[Tmhami]

كمان لما سألت فى كيا السبع قالولى ب 850 بس بصراحه مش بستريح ليهم خالص , بحس أنهم مهملين

[nagy wassef]

مهما كانوا مهملين مش هيكونوا اسواء من بره و كمان معاك فاتورة لأى حاجة تحصل فيه
خليك فى السبع و فرق الفلوس هتدفعه عشان الضمان مايرحش عليك
انت لسه قدامك خمس سنين محدش عارف الظروف
مضحيش بالضمان عشان فرق 500 جنيه
يمكن لا قدر الله تقابل حاجة فى الكهرباء بعد كده تتكلف اكتر من 500 جنيه
اسألهم لو اشتريته انت و ركبوه ينفع ولا لأ
لو جبته انت من برا هات سباى من غريب فى التوفيقية

[Mizo555]

عايز أركب parking sensor,
كلمت التوكيل قالولى أنه بيركب بس فى أبو رواش و ب 1400 ,
بصراحه غالى أوى
و لما سألت فى spare car قالولى ب 350 بس طبعا كده ضمان الكهرباء حيروح ,
رأيكم أيه؟
لو حد ركي ال parking sensor بره التوكيل ياريت يقولى على التفاصيل , ( بكام و فين )

انت معاك عربية نوعها اية يا باشا

[MoH.SaLaDiN]

بصراحة توكيل غريب اووى انا محتاج فعلا اركب parking sensor ضرورى لانى مش شايف حاجة خالص عن ابعاد العربية من ورا ولما كنت فى التوكيل بتاع الاسكندرية فرع سموحة بعمل صيانة 1000 كيلو قالى ممنوع تركيب اى حاجة على كهربة العربية بس وطبعا الكلام ده بعد مجادلات كتير اوى قالى ممكن تشترى من بره واركبهولك ب 350 (مصنعية طبعا) بس اللى خلانى اقلق انه وافق بس لما قلتله ان فيه parking sensor شغال wireless وملهوش دعوة بكهربة العربية بالنسبة لينا واحد زميلنا فى المنتدى بيقول ان توكيل العامرية قاله اركبهولك ب 850 جندى فا بصراحة مش عارف ايه التوكيل اللى كل فرع فيه ماشى بمزاجه ده حاجة غريبة اوى
ياريت لو نشوف حل جذرى للموضوع ده لانه مهم جدا

[Tmhami]

انت معاك عربية نوعها اية يا باشا

العربيه كيا ريو 2013

[Tmhami]

أنا ألى فهمته أن كيا أبو رواش هى الوحيده ألى بتركبه ب 1400 أى حد تانى بيركبه زى السبع مثلا فبيدينى ضمان من عنده هوا بس
يعنى لو حصل حاجه بعد كده فى كهرباء العربيه( سواء بسبب السينسور أو لأ ) ساعتها الوكيل حيقولى مليش دعوه و روح للى ركبلك السينسور ,
فيه حاجه تانيه السبع مثلا لو حد حب يغير حاجه تبع الضمان مش بيرضى و بيقولك روح الفرع الرئيسى , و ده حصل معايا شخصيا

[dr.hazem]

في نوع واير ليس بدون اسلاك بيتركب ورخيص برضه وملوش دعوة بكهربة العربيه....
تحياتي

Sent from my Xperia Arc S using Forum Runner

[salodas]

خليك فى الويرليس .... وأبعد عن كهربة العربية .... أو أدفع وريح دماغك

[Mohamed said]

في نوع واير ليس بدون اسلاك بيتركب ورخيص برضه وملوش دعوة بكهربة العربيه....
تحياتي

sent from my xperia arc s using forum runner

و ده بيتباع فين و بكام و بياخد كهربته منين يا د.حازم

[dr.hazem]

و ده بيتباع فين و بكام و بياخد كهربته منين يا د.حازم

انا شفته فمصر مرة واحدة فقط تقريبا في سبير كار او في شارع دمشق...
بره مصر هنا موجود مرطرط ورخيص بس انا عربيتي فيها اساسا فمفكرتش اشوف كهربته منين...
بس اللي فهمته ان وحده بتتحط في الشنطه واصله للحساسات وتقريبا بتتشبك عالبطاريه او ببطاريه لوحدها وفي منهم معاه شاشه عالتابلوه...
تحياتي

Sent from my Xperia Arc S using Forum Runner

[fddf512]

انا ؤايي تسيبك خالص من السينسورز وتركب كاميرا احسن كتير وعملية جدا عن السينسورز وعن تجربة ، انا معايا سراتو هاي لين فيها سينسور وكاميرا وبصراحة م بستعمل السينسور دا خالص لان الكاميرا افضل بكل المقاييس

[Ahmed_Adham]

انا ؤايي تسيبك خالص من السينسورز وتركب كاميرا احسن كتير وعملية جدا عن السينسورز وعن تجربة ، انا معايا سراتو هاي لين فيها سينسور وكاميرا وبصراحة م بستعمل السينسور دا خالص لان الكاميرا افضل بكل المقاييس

صوره الكاميرا بتبقى واضحه بالليل؟

[MoH.SaLaDiN]

ماهو نفس الكلام كاميرا او سنسور المشكلة فى التوكيل الممل

[Tmhami]

كمان حتلاقى الكاميرا أغلى طبعا
بالنسبه لموضوع ال wireless parking sensor
أنا كنت شفت موضوع هنا عن تركيبه ححاول أدور عليه و أحط اللينك بتاعه
بس ألى أنا فاهمه أنه الحساسات الأربعه ألى وراه بتتوصل على الضفيره عادى بس السيجنال يتتنقل ويرليس بس