كيفية ال kick down

[salodas]

صباح الفل

لو عاوز اعمل كيك داون وأخد غرزة بسرعة ومفاجءة ... هل لازم أرفع رجلى من على الدواسة وأضغط تانى بسرعة ..... ولا ممكن بكل بساطة أكمل ضغطة على الدواسة لكن للأخر وبسرعة .

الأجابة يا شباب .

[ahmedsamy90]

يتكمل الضغطة للآخر

[mohamed hussei]

امال مانويل ازاي ؟

[Ahmed Amin]

بتضغط لحد الأخر علي دواسة البنزين بشكل مفاجئ, ودي معني Kick Down الحرفي
وساعتها دوستك دي علي دواسة البنزين للأخر, بتبعت إشارة لل ECU بتاعت الفتيس أنك دايس بنزين علي الأخر وعايز سرعة, فالفتيس بيسقط الغيار اللي أنت عليه للي قبلة, زي من الرابع للتالت كمثال.
ولو كنت مااشي علي سرعة تسمح للفتيس أنو يسقط عال تاني وانت عال رابع, ودوست للأخر خالص, الفتيس هيسقط من الرابع للتالت للتاني, بعدين يخلص التاني وينقل للتالت, لحد ما يخصله وينقل رابع

ولما تخلص غورزتك أو العربية اللي بتعديها, وتخف رجلك من علي دواسة البنزين للطبيعي او شيلتها من عليها لثانية العربية بتحسب سرعتها اللي هيا ماشية عليها والغيار اللي كنت بتحرق عليه, وبتنقل تاني لأعلي غيار يوفر معاها في أستهلاك البنزين, وفي الغالب بيكون الرابع لو فتيسك الأوتوماتيك أربع غيارات.

ومش لازم تشيل رجلك قبل ما تدوس عال أخر عشان تعمل كيك داون, وأفضل متعملش كدا وتضغط مرة واحدة,
عشان العربية ممكن تبقي معاك عال تالت لو سرعتك متوسطة, وهتنقل رابع,,
وفي حركتك دي وانت بشيل رجلك عشان تجري تاني العربية هتنقل رابع أول ما تشيل رجلك, ولما تدوس هترجع تاني تخليها ترجع للتالت ومنه للتاني لو دوست عال أخر, وتبقي عملت نقلتين مالهمش لازمة وحملت علي الموتور والفتيس. وكان هيبقي أفضل لو تنزل من التالت للتاني علي طول مرة واحدة.

[Ahmed_selmy]

بتضغط لحد الأخر علي دواسة البنزين بشكل مفاجئ, ودي معني kick down الحرفي
وساعتها دوستك دي علي دواسة البنزين للأخر, بتبعت إشارة لل ecu بتاعت الفتيس أنك دايس بنزين علي الأخر وعايز سرعة, فالفتيس بيسقط الغيار اللي أنت عليه للي قبلة, زي من الرابع للتالت كمثال.
ولو كنت مااشي علي سرعة تسمح للفتيس أنو يسقط عال تاني وانت عال رابع, ودوست للأخر خالص, الفتيس هيسقط من الرابع للتالت للتاني, بعدين يخلص التاني وينقل للتالت, لحد ما يخصله وينقل رابع

ولما تخلص غورزتك أو العربية اللي بتعديها, وتخف رجلك من علي دواسة البنزين للطبيعي او شيلتها من عليها لثانية العربية بتحسب سرعتها اللي هيا ماشية عليها والغيار اللي كنت بتحرق عليه, وبتنقل تاني لأعلي غيار يوفر معاها في أستهلاك البنزين, وفي الغالب بيكون الرابع لو فتيسك الأوتوماتيك أربع غيارات.

ومش لازم تشيل رجلك قبل ما تدوس عال أخر عشان تعمل كيك داون, وأفضل متعملش كدا وتضغط مرة واحدة,
عشان العربية ممكن تبقي معاك عال تالت لو سرعتك متوسطة, وهتنقل رابع,,
وفي حركتك دي وانت بشيل رجلك عشان تجري تاني العربية هتنقل رابع أول ما تشيل رجلك, ولما تدوس هترجع تاني تخليها ترجع للتالت ومنه للتاني لو دوست عال أخر, وتبقي عملت نقلتين مالهمش لازمة وحملت علي الموتور والفتيس. وكان هيبقي أفضل لو تنزل من التالت للتاني علي طول مرة واحدة.

+111111111111111

[Ahmed_Adham]

ولو ستيبترونيك سقط نقله (من الرابع للتالت مثلا) من غير ما تغير دوستك على البنزين والعربيه هتشد معاك وهتنقل لوحدها للرابع لما تجيب اخر التالت ومتنساش ترجعها أوتو تاني عشان تكمل سواقه طبيعي.

[Mohamed.Muslim]

ولو ستيبترونيك سقط نقله (من الرابع للتالت مثلا) من غير ما تغير دوستك على البنزين والعربيه هتشد معاك وهتنقل لوحدها للرابع لما تجيب اخر التالت ومتنساش ترجعها أوتو تاني عشان تكمل سواقه طبيعي.

يعنى لو قلبتها ستيب ترونيك وسقطت من التالت للرابع و جبت اخر التالت العربية حتنقل لوحدها للرابع ولا حتدخل على الشرط الحمراء ... ارجو الافادة ولو جربت الموضوع بنفسك ياريت تقولى

[Ahmed_Adham]

يعنى لو قلبتها ستيب ترونيك وسقطت من التالت للرابع و جبت اخر التالت العربية حتنقل لوحدها للرابع ولا حتدخل على الشرط الحمراء ... ارجو الافادة ولو جربت الموضوع بنفسك ياريت تقولى

تقصد التسقيط من الرابع للتالت. لاء مش هتدخل الشرط الحمرا هتنقل لوحدها للرابع قبل أول شرطه في المنطقه الحمرا زي ما بتنقل من الرابع للتاني لوحدها لما بتهدي في مطب أو للاول لو وقفت خالص. أنا متأكد لأني بسوق ستيبترونيك كتير وبعتبره "مانيوال مدلع".

[saddam]

تكمل دوس على طول ودمتم للنضال

[salodas]

تمام تماااااااام