إفادة بخصوص كيابرايد سيدان 2005

[وليــد]

انا في حيرة يا اخوانا اشتريت برايد سيدان 2005 بـ 36000 فبريكة برة وجوة وتكييف عايز شحن ومكنة كويسة وكانت مرفوعة أربع سنين .. بعد كده جيت ماشي بالعربية وواقف بيها بسببب مظاهرة لقيتها بطلت مرتين وانا على وضع المور روحت ما كانش قدامي ميكانيكي فخليت سمكري يبص عليها قالي الموتور خفيف وعايز طقم شنبر بـ 800 جنيه والتكييف أصلا ما فيهوش مراوح والعربية آخرها 33000 ومن ساعتها وانا مضايق مش عارف الميكانيكي اللي جابها معايا ضحك عليه ولا ايه انا جبتها من سوق مدينة نصر .. ايه رأيكم ؟ ولا يمكن السمكري كان يبفتي رغم إني لسة عملها طقم سيرفيس

[mero100]

حد يسأل سمكري بردو

اولا ربنا يباركلك فيها ...العربيه دي محترمه جدا و قطع غيارها متوفره و رخيصه نسبيا زي اللانوس كده .

واحد صاحبي باعها لواحد صاحبي بردو موديل 2000 ب 27000 كانت محتاجه سمكره و رش بس الموتور تمام و التكييف مكانش شغال ....و عاوزه شويه تظبيط ...اسبوع واحد و صاحبي اللي اشتراها ظبط كل حاجه فيها و متكيف منها جدا .

اسأل علي ميكانيكي محترم و عنده ضمير و اعمل طقم السرفيس و صلح التكييف و ان شاء الله خير .

[وليــد]

حد يسأل سمكري بردو

اولا ربنا يباركلك فيها ...العربيه دي محترمه جدا و قطع غيارها متوفره و رخيصه نسبيا زي اللانوس كده .

واحد صاحبي باعها لواحد صاحبي بردو موديل 2000 ب 27000 كانت محتاجه سمكره و رش بس الموتور تمام و التكييف مكانش شغال ....و عاوزه شويه تظبيط ...اسبوع واحد و صاحبي اللي اشتراها ظبط كل حاجه فيها و متكيف منها جدا .

اسأل علي ميكانيكي محترم و عنده ضمير و اعمل طقم السرفيس و صلح التكييف و ان شاء الله خير .

بس المشكلة ان بدأ يظهر لي حاجات تانية مثلا الشكمان بيجيب دخان أسود ودا معناه ان الموتور بيحرق زيت وانا بدور العربية بتزيأ ودا متهيأ لي من البوجيهات .. وانا مبتدئ كل اما اصلح حاجة تطلعلي حاجة .. حاسس اني اضحك عليه من الميكانيكي اللي جابهالي ومن صاحبها اللي اشتريتها منه ، أعمل ايه أرجعها ؟ أنا خلاص بقيت على الجنط في الفلوس .

[sameh 81]

فؤ الغالب ابلاتين و كوندنسر و استعمل بنزين 92 هتلاقيها اتظبطت