خصومات كيا كويسة من التوكيل

[Dr . Mohamed]

الظاهر بعد انخفاض سعر صرف الدولار بنسبة كبيرة

وجدت على صفحة كيا خصومات على السيارات

جبتلكم بعض الأسعار الجديدة

كيا كارينز 2014 خصم 10000 جنية فيصبح سعرها 169,900 جنيه

كيا سيراتو ex fo خصم 6000 فيصبح سعرها 161,900 جنيه

كيا ريو خصم 3,000 جنيه بحيث يصبح سعرها 113,000 جنيه

كيا بيكانتو خصم 1,000 جنيه بحيث يصبح سعرها 80,900 جنيه

[mohamed hussei]

اخيرا رخصوها شوية بس كان مفروض اقل خصم 5 الف

[Mohamed said]

طب و السبورتاج؟؟؟؟؟؟؟؟؟؟؟؟ ملهاش نصيب

[كل دقيقة عضوية]

عشان الناس مش بتشترى اليومين دول ...... فعلا تجار ووكلاء نصابين ميملاش عينهم غير الحرام

[esam_ayad]

شكرا أولا
وثانيا أنا شايف ان لسه السعر عالي شويه وبالذات الكارينز

[memo2000soft]

انا مش عارف ازاي السيراتو الكوري تمنها زي الانسر شارك وقريب جدا من سعر الكورولا دة استهبال والله والغريبة الناس بتشتري

[abo assal]

الظاهر بعد انخفاض سعر صرف الدولار بنسبة كبيرة

وجدت على صفحة كيا خصومات على السيارات

جبتلكم بعض الأسعار الجديدة

كيا كارينز 2014 خصم 10000 جنية فيصبح سعرها 169,900 جنيه

كيا سيراتو ex fo خصم 6000 فيصبح سعرها 161,900 جنيه

كيا ريو خصم 3,000 جنيه بحيث يصبح سعرها 113,000 جنيه

كيا بيكانتو خصم 1,000 جنيه بحيث يصبح سعرها 80,900 جنيه

اللي يخليني ادفع 169900 جنيه في عربيه كوري اروح احسن للرينو الفلوانس

الفرنسسسسسسساوي اركب الفئه e3 بنفس السعر وابقي راكب عربيه محترمه

بمعني الكلمه شكل ونعومه وفخامه واوبشن وجوده خامات وقطع معمره وصاج جامد

شكله مبيتغيرش بعد فتره من الناس اللي بتسند علي العربيه تمام زي الاسكودا

والله لو حدفع 170000 جنيه لا يمكن ادفعه في عربيه كوري حتي لو سعر اعاده

البيع احسن الواحد بيعيش كام مره . فيه خيارات كتير اوي في نفس الفئه السعريه

اوبل وتويوتا ورينو وممكن تدخلوا علي روابط ملاك العربيات دي وتقارنوا من

حيث اسعار قطع الغيار واحترافيه واحترام التوكيل .

[Dr . Mohamed]

شكرا على تعليقاتكم

بالنسبة للاسبورتج أكيد فيه خصم لكن أنا نقلت اللى لقيته

و بالنسبة لأن سعرها هو سعر اللانسر شارك لان ابسط شئ كيا سيارات متطورة يكفى الفتيس 6 سرعات و سحب قوى جدا و توفير استهلاك وقود عالى و بالنسبة للسيراتو كمالياتها تسمحلها انها تنافس فعلا الكورولا و باقى سيارات فئتها لأنها سيارة جديرة بالإحترام و أرى ان كل اللى اشتراها مشتكاش منها زى القديمة سواء عفشة أو ثبات و بالنسبة للثبات عندك وضعية Sport هتتقل الباور شوية و هتحافظ على ثباتك بدرجه أعلى مع جنط 17 أعتقد كدا ثبات هيكون رائع و الشكل الخارجى و التجهيز الداخلى سيارة فخمة بكل المقاييس

و دى وجهات نظر حضرتك شايف انك حرام تدفع مبلغ فى عربية لمجرد انها كورى لكن بص على الامكانيات مش على بلد المنشأ
لو على الكورولا أصبحت تركى يعنى فى رأيى السيراتو أفضل

و فرق تكنولوجيا كبير جدا جدا بين الكيا عامة و المتسوبيشى

هذه وجهه نظرى و شكرا لمروركم :)

[Dr . Mohamed]

للأسف كيا سبورتاج
و كيا سول

معليهومش تخفيض :(

[Mohamed said]

للاسف يا دكتور محمد و مش كده و بس دول كمان بيعلوا فى الاوفر برايس فى السبورتاج.

[Dr . Mohamed]

للاسف يا دكتور محمد و مش كده و بس دول كمان بيعلوا فى الاوفر برايس فى السبورتاج.

عندنا فى محافظة المنيا بصراحة مشفتش أوفر برايس خالص على حد علمى

لكن مفيش تسليم فورى التسليم بيكون فى خلال أسبوع تقريبا و فى الغالب 3 أيام لو سيارة منتشرة و متوفرة

[S O P H O S]

خطوة كويسة

[sayco100]

وزود انا لسة جاى مالوكيل
البيكانتو بدل 94 اوتو هاف اوبشن بقت 91
والهاى لاين ex ب 97 بدل من 99
بس لسة للأسف مفيش الهاى لاين منها فمصر المركب فالطريق يارب يامسهل انا حجزت بس قاللى مش ضامن الخصم يستمر لحد مستلم ولا حيخلص

[M I D O]

عشان سوق السيارات اليومين دول واقف رخصو شوية فعلا عالم ........

[OilMan]

ولسه الهيونداى حيعمل برده ......... وغيرهم

الوحش نزل السوق خللى اللى حواليه يجيب مرشيدير ويعقل ويحط عقله فى راسه

بجد كانت اسعار اخر استهبال واعتقد ما زالت برده استهبال

السوق مفتوح امام الجميع بس فين النفس

تقبلوا تحياتى