علاج للخرابيش

[MoH.SaLaDiN]

السلام عليكم ورحمه الله
طبعا الموضوع باين من عنوانه اكيد كلنا بنعانى من السواقة فى مصر قد ايه صعبة ومحدش بيراعى حد خالص والواحد من كتر ماهو بيتعرض لمواقف بايخة من الناس هاين عليه يسيب العربية فى الجراج ومينزلش بيها الشارع من كتر ماحتلاقى واحد يكسر عليك او يحك فى العربية او يريح عليها ويقللك معلش يا كابتن مش قصدى ده غير الحفر والنقر والطرق المكسرة والزحمة ربنا يكون فى عونا بجد النهاردة واحد صاحبى راجع من شرم المهم كنت مستنيه عشان اروحه فركنت عربيتى وواقف مستنى الاقيلك اتوبيس جاه وقف ورايا و سايب مسافة صغيرة اووى الغبى راح فاتح الباب وطبعا الباب عطى شنطة العربية حضن و خربشهالى ومن ساعتها متعكنن ومش عارف اعمل حاجة ياريت النصيحة

[ahmedalaahosny]

بص ياباشا ماتتعكننش هو ده قانون المواطن المصرى ان العربية من جوا بتاعتك من برا دى ملكية عامة يعنى اطمن كل ماهتظبط شكلها هيجيلك الاغبى منه وهيعمل حاجة انيل سيبها بزى ماهى احسن واهى بالمرة تاخد العين شوية عايز تعملها روح بيها لاى كار كيير محترم وخد راييه هل تنفع بالبوليش والكمباوند ولا ايه نظامها

[lidosasa]

العربية عندى فيها حفر مش خرابيش عشان كنت لسه بتعلم فيها وكنت ناوى أرشها نضافة بس لما شوفت اللى بيحصل من العربيات وخصوصاً الأجرة واللى محترم قوى منهم يقولك معلش ( عمل اللى عليه على اساس إنى حصرفها من بنك الحظ يعنى عشان أصرف على العربية ) قولت أسيبها زى ما هيا للسواقين خليهم يتسلوا

[MoH.SaLaDiN]

بس بصراحة الواحد اتخنق والموضوع صعب عشان العربية جديدة يمكن لما تقدم شوية ابقى اتعودت على الهبل ده بس ماحدش شار عليا عل فيه علاج للخرابيش انا كنت يشوف فى التلفزيون عن الاقلام بس كنت حاسسها اشتغالة فهل فيه حد جربها بالنسبة للبوليش انا عارفه بس الكومباوند ده ايه نظامه

[omar101970]

أقلام الألوان.

شوف يا مان انا حاقولك عن خبرتى الصغيره فى الموضوع دا. لو خرابيش بسيطه البولش بيجيب نتيجه مقبوله وتعمله فى كار كير سنتر محترم.وبعد البولش تحط طبقه حمايه على كل العربيه احيانا بيسموها طبقه شمع حاجه كدا زى الورنيش بتحمى العربيه وتديها لمعه حلوه وتفضل موجوده على العربيه لمده 3 شهور تقريبا.
بالنسبه للأقلام اللى بيقولك انها بتزيل الخرابيش لأى لون عربيه. انا جربتها وبصراحه طلعت اشتغاله انا كنت جايب القلم من محلات الأكسسوارات اللى فى عزبه سعد فى اسكندريه.
لكن فيه اقلام الوان ودى بصراحه انا شايفها معقوله وبتكون مفيده لما تكون الخرابيش جامده ووصلت للصاج هى صحيح بتكون باينه شويه لكن احسن ما تسيب الخرابيش على العربيه.
بس المشكله هل لون عربيتك فيه منه اقلام الوان.
انا عربيتى لونها اسود وهو اكتر لون متوافر فى السوق. هى بس نصيحه تجيب اقلام لون خاصه بالعربيات مش الوان دوكو العاديه. القلم تمنه فى حدود عشرين جنيه.

[Dr.M_baz]

أحسن حل فعلا هو قلم بلون العربيه ...النتيجه مش 100% بس أحسن من مفيش و لو لون عربيتك مش موجود جاهز بتوع الدهانات بيشوفه كمبيوتر و بيحقنه في قلم حسب ما سمعت لكن مجربتش.

[MoH.SaLaDiN]

أحسن حل فعلا هو قلم بلون العربيه ...النتيجه مش 100% بس أحسن من مفيش و لو لون عربيتك مش موجود جاهز بتوع الدهانات بيشوفه كمبيوتر و بيحقنه في قلم حسب ما سمعت لكن مجربتش.

الفكرة دى جامدة جدا بس لو حد جربها كان احسن عشان نعرف فعالة ولا لا

[MoH.SaLaDiN]

شوف يا مان انا حاقولك عن خبرتى الصغيره فى الموضوع دا. لو خرابيش بسيطه البولش بيجيب نتيجه مقبوله وتعمله فى كار كير سنتر محترم.وبعد البولش تحط طبقه حمايه على كل العربيه احيانا بيسموها طبقه شمع حاجه كدا زى الورنيش بتحمى العربيه وتديها لمعه حلوه وتفضل موجوده على العربيه لمده 3 شهور تقريبا.
بالنسبه للأقلام اللى بيقولك انها بتزيل الخرابيش لأى لون عربيه. انا جربتها وبصراحه طلعت اشتغاله انا كنت جايب القلم من محلات الأكسسوارات اللى فى عزبه سعد فى اسكندريه.
لكن فيه اقلام الوان ودى بصراحه انا شايفها معقوله وبتكون مفيده لما تكون الخرابيش جامده ووصلت للصاج هى صحيح بتكون باينه شويه لكن احسن ما تسيب الخرابيش على العربيه.
بس المشكله هل لون عربيتك فيه منه اقلام الوان.
انا عربيتى لونها اسود وهو اكتر لون متوافر فى السوق. هى بس نصيحه تجيب اقلام لون خاصه بالعربيات مش الوان دوكو العاديه. القلم تمنه فى حدود عشرين جنيه.

انا بفكر اروح le garage اكيد عنده حل كويس بس مشكلته انه حراااااااااااااق اوى بس انا كنت روحتله اول ماجبت العربية و غسلت العربية بره وجوة وغسلت الماتور من جوة و عملى طبقة بوليش وواكس و ظبطلى 4 فرد الكاوتش بالاستبن نيتروجين واخد منى ساعتها 300 جندى بصراحة هو شغله نظيف اوى بس غالى

[mastr_n]

ولا تزعل نفسك وفداك اى حاجة المهم انت سليم
جرب القلم بلون العربية بس قبلها جرب البولش بيجيب نتيجة كويسة

[MoH.SaLaDiN]

ربنا يخليك يا باشا ويبعد عننا شر الطريق حبقى اجربه ان شاء الله فى اقرب وقت واقولكم ايه الاخبار

[Mohamed Bander]

متابع ،، نفس المعاناه