محتار بين سيراتو 2010 ولا 2011

[M.sawy]

ياجماعة انا محتار جدا جدا جدااااااااااااا
مش عارف اية الاحسن سيراتو 2010 وتكون هاى لاين 4 غياااااار ولا 2011 اول او تانى فئة 6 غيااااار
والمهم موضوع الفتيس 4 ولا 6 غيار لان فى ناس بتقولى مش بيريح الموتور وبيبقى صوتة اعلى وبيحرق بنزين اكتر وطبعا بعدية هاى لاين ولا فئة اقل.
ومعلش كمان موضوع الجنط 17 ولا 16 لان انا مستريح لشكل ال 17 بس بردة الناس بتقلقنى منة
وعموما انا معايا فى حدود 100000 لحد 107000 بالكتير اوى بس السعر الرئيسى 100
رجاء الافادة من حيث الكاش المتاح وموضوع الفتيس دة وحالة العربية طبعا
شكرا للنصيحة

[Thebutcherr]

ال 6 غيار يكسب فرق كبير فى الاستهلاك و السلاسة و القيادة علي السرعات العالية
الجنط 17 اشيك بس ال16 عملي و مريح في المطبات اكثر

[M I D O]

طبعا تجيب العربية ال 6 غيار عشان هيريح الموتور اوي وهيفرق في استهلاك البنزين وموضوع جنط 17 دة مشاكلة كتير يعني لو اخدت بية حفرة جامدة يبقي بالسلامة الكاوتش

[M.sawy]

طبعا تجيب العربية ال 6 غيار عشان هيريح الموتور اوي وهيفرق في استهلاك البنزين وموضوع جنط 17 دة مشاكلة كتير يعني لو اخدت بية حفرة جامدة يبقي بالسلامة الكاوتش

طيب معلش من 100 لـ 107000 يجيب موديل 2011 بس تكون العربية حالتها زى الزيرو حتى لو هستغنى عن كماليات تانية ؟

[M.sawy]

ال 6 غيار يكسب فرق كبير فى الاستهلاك و السلاسة و القيادة علي السرعات العالية
الجنط 17 اشيك بس ال16 عملي و مريح في المطبات اكثر

طيب وموضوع الكاش المتاح من 100 لـ 107000 الاقى موديل 2011 وتكون حالتها زى الزيرو حتى لو هستغنى عن فتحة السقف والبصمة مثلا ؟

[عبدالله برعى]

6 غيار طبعا

[adelghanem]

6غيار و جنط 16
الكل متفق على كده

[Dr.M_baz]

6 غيار جنط 16 تعتبر المعادله المريحه للسيراتو و فوق ما قاله الإخوه شكل الفتيس احلى بكتير وكمان شيفتات الطاره ديه اختراع مذهل و مش موجود في 2010 ....توكل على الله الموضوع مش محتاج حيره.
وطبعا صلي صلاة استخاره.

[عبدالله برعى]

6 غيار و2012 احسن

[AHMED1718]

انا كان قدامي ٢٠١٠،٢٠١١ الاتنين زيرو وبنفس التمن الهاى لاين لانهكان ف اخر سنة ٢٠١٠ وكان فيه ٤ غيار وستة لموديل ٢٠١١ واخترت الاربعة لاسباب

اول شيء حسيت الاربعة غيار فايقة اكتر وانا كنت مجرب الاتنين وتسارع الاربعة احسن بالنسبالى خصوصا ف المواقف الحرجة
قصة فرق الاستهلاك مش هتفرق الواو يعني بس الستة ف القيادة الهادية افضل طبعا

الاهم ف المستعمل تجيب حاجة نضيفة سواء دى او دى وتكون صينة وكيل

[عبدالله برعى]

لو عايز راحة فى العفشة اضمن 2012 عن تجربة فى موضوع العفشة