مشاكل في كيا ريو ٢٠١٣ بعد تصليح التوكيل

[user0]

السلام عليكم

للمايعرفش مشكلتي أبل كدة مع العربية هما دول إل لينكات بتاعت المواضيع الأبل كدة

http://www.nilemotors.net/Nile/345992-a.html

http://www.nilemotors.net/Nile/355761-2013-17000-a-2.html#post3874983206

السلام عليكم ورحمة الله و بركاته

انهاردة لما نزلت بالعربية في نص الطريق وأنا ماشي كنت مشغل التكييف و بعدين حسيت إنو بيسخان شوية و بعد كدة بيسئاع شوية وأنا واقف أو ماشي في الحالتين بيهايس و شوية لقيت علامة الحرارة ظهرة عند العداد و فضلت تقريبا ربع ساعة بعض كدة إختفت ...و بعدين وأنا مروح تاني مشاغلتش التكييف يمكن يكون هو السبب و بعد مسافة طويلة لحد موصلت البيت العربية ماسخنتش لحد وأنا بدخلها الجراج لقيت علامة الحرارة طلعت تاني...إيه مشكلة الحرارة والتكييف دول ؟؟
آسف لو كنت طولت عليكم و أرجو المساعدة

أنا جايب العربية نفس الفئة و في نفس الوقت من ٨ شهور و دلوقتي عاملة ١١٥٠٠ كم و ظهرت فيها مشاكل عجيبة !
١- بتسخن لما أشغال التكييف و غير كدة التكييف مش بيسائع و رحت أبل كدة التوكيل يادوب غير المية بتاعت دورة التبريد و ظهرت تاني المشكلة بعد شهر
٢- الأبواب بتاعتها بدأت تزاياء و خصوصا باب السواق
٣- في صوت فل عفش من ورا لنحيا اليمين
٤- لما ألف الدركسيون يمين أو شمال من غير حتى مكسر بحس بي طقطقة في رجلي لنحيا الشمال بذات

و مش عارف إزاي عربية مكملتش سنة تظهر فيها العيوب دي !
شكلها عربية مقلب أو ممكن إلي أنا جبتها معيوبة

المشاكل دي كلها اتحلت و طبعا بعد شكوى محترمة لحماية المستهلك و أهمهم مشكلة الحرارة ودي اتحلت بتغيير موتور المروحة بتاعت الراديتير و تغيير وش السيليندر و جوان و ده طبعا إهمال منهم إن العيب ده كان عندي من شهر ٤ و اتصلحت شهر ٧ يعني ٣ شهور و مش عارفين يطالع إل عيب و أخدها و بعد شهر ترجع تاني بنفس المشكلة فا جوان وش السيليندر اتاكل من الحرارة

المهم أنا استلمت العربية ٣-٩ عشان دخلتها سمكرة بسبب تاكسي لطيف خابطني في ضهر العربية و كان برضو في خبطة فل الباب الشمال اتعملت بالمرة

بس الجديد كدة من يومين لما العربية بتبقى دايرة بحس برجه من تحت مسمعه فلكرسي
و غير كدة لما أكون على D أو R و دايس فرامل على سرعة ١٠ او اقل إل rpm بيطلع فوق ١ و بينزل تاني اكني بدوس على البنزين و بشيل رجلي تاني مع إني ساعتها ببقى دايس فرامل

إيه هي المشكلة و محتاجة أروح على طول للتوكيل ولا تتأجل لصيانة إل ٢٠
العربية مشيا ١٥٧١٣ كم

[2CODE]

عربيتك فيها عيب صناعة 100% من البداية روح التوكيل وقول لهم اذا العربية متظبتتش المره دي هطلب تشكيل لجنة فحص من حماية المستهلك

انا قربت دلوقتي على الـ20 الف والعربية زي الفل بسم الله ماشاء الله

[user0]

عربيتك فيها عيب صناعة 100% من البداية روح التوكيل وقول لهم اذا العربية متظبتتش المره دي هطلب تشكيل لجنة فحص من حماية المستهلك

انا قربت دلوقتي على الـ20 الف والعربية زي الفل بسم الله ماشاء الله

طب هو ممكن الموضوع ده اجله لصيانة ٢٠ ولا لازم أروح على طول عشان محتاج العربية الشهر ده ضروري

[Ahmed Amin]

بس الجديد كدة من يومين لما العربية بتبقى دايرة بحس برجه من تحت مسمعه فلكرسي
و غير كدة لما أكون على D أو R و دايس فرامل على سرعة ١٠ او اقل إل rpm بيطلع فوق ١ و بينزل تاني اكني بدوس على البنزين و بشيل رجلي تاني مع إني ساعتها ببقى دايس فرامل

إيه هي المشكلة و محتاجة أروح على طول للتوكيل ولا تتأجل لصيانة إل ٢٠
العربية مشيا ١٥٧١٣ كم

أنت عندك مشكلة في ال idle air control valve
هوا اللي يخلي ال rpm يطلع فوق واحد وينزل تاني من غير ما تدوس بنزين هوا ال idle sensor
هتروح التوكيل تغيرة في الضمان وهتنضف البوابة معاه, لأن هوا اللي بيعمل الهرتلة دي,,

لما بتهدي خالص وبتكون هتقف وانت نازل علي سرعة اقل من 10 كم, المفروض انو بيحسب ال idle speed بتاعتك وبيعدي الهواء اللازم من البوابة عن طريق ال idle air control valveعشان يخلي العربية مستقرة علي ال idle speed الطبيعية بتاعتها واللي بتبقي أقل من 1000 RPM في الطبيعي.
فا اللي عندك دي أعراض تفله, وهيخلي ال idle مش مظبوط وهوا مش بيبوظ بسرعة كدا,
بس ممكن أحتمال كبير يكون باظ وهما بيغيرو وش السلندر.

[user0]

أنت عندك مشكلة في ال idle air control valve
هوا اللي يخلي ال rpm يطلع فوق واحد وينزل تاني من غير ما تدوس بنزين هوا ال idle sensor
هتروح التوكيل تغيرة في الضمان وهتنضف البوابة معاه, لأن هوا اللي بيعمل الهرتلة دي,,

لما بتهدي خالص وبتكون هتقف وانت نازل علي سرعة اقل من 10 كم, المفروض انو بيحسب ال idle speed بتاعتك وبيعدي الهواء اللازم من البوابة عن طريق ال idle air control valveعشان يخلي العربية مستقرة علي ال idle speed الطبيعية بتاعتها واللي بتبقي أقل من 1000 RPM في الطبيعي.
فا اللي عندك دي أعراض تفله, وهيخلي ال idle مش مظبوط وهوا مش بيبوظ بسرعة كدا,
بس ممكن أحتمال كبير يكون باظ وهما بيغيرو وش السلندر.

شكرا على التوضيح بدأت أفهم شوية في العربية D:

يعني ال idle بيتغير بسهولة يعني لو رحت التوكيل حيتعمل في ساعتها ولا حتحتاج تبات عندهم ؟؟

[Ahmed Amin]

شكرا على التوضيح بدأت أفهم شوية في العربية d:

يعني ال idle بيتغير بسهولة يعني لو رحت التوكيل حيتعمل في ساعتها ولا حتحتاج تبات عندهم ؟؟

لا مش هتبات وهيتغير وأنت واقف,
وهوا مش بيبوط بسرعة كدا وعلي الكيلو متر دا,

دايماً بيبوظ علي كيلو متر عالي, فاواضح أنو باظ من مشاكل الحرارة اللي كانت عندك, أو من الشغل اللي عملوة لما فكو وش السلندر وركبوة كان في أهمال شوية,,

فاحاول تروح لهم يوم بدري عشان تاخد دور بدري وميكونش فيه شغل كتير ويطلولك أو يقولو لك خليها أنهاردة أو عديها علينا بكرة عشان زحمة,
وطبعاً هتتغير في الضمان لأن دي حاجة مش بتبوظ دلوقتي خالص, وفي الغالب باظت وهما بيعملو الشغل اللي عملوة في تغير وش السلندر.

[تركي]

مشكلة عندي في سياره ريو 2013

فجأة بعدما ارتفعت درجة الحرارة طلع صوت طق طقه وبعدين اشغل السياره وماتشتغل كانها قاطعه بنزين هل يعتبر خبطت المكينه ياليت الي عنده معلومه يفيدني جزاكم اللة خير