تززززيق الباب ... ايه الحل ؟

[khaled81]

سلام عليكم .. الباب اللى جنبى وانا سايق فى المطبات والطرق المكسرة بيزيق كتيرر جربت كل الحلول اللى اتقالت هنا فى المنتدى بس بترجع تانى ... ايه الحل

[aldesha989]

شحم ابيض او روح بتاع ابواب يظبطلك المفصلات بتاعته

[houseiny]

Wd40 او شحم ابيض او في اسبراي في التوكيل رشهولي من اسبوعين في توكيل السبع بيقطع التزييق تماماً عامل زي البودرة كده

[hossamalsadik]

ممكن شحم ممكن فزلين

[mero100]

اعتقد لو شحم جودته عاليه حيمنع التزييق لفتره .... زي الشحم الالماني اللي بيتشحم بيه بلي العجل . بيتباع في موبيل ماركت . و أعتقد on the run

[saddam]

صديقي المواطن
موضوع تزييق البيبان تافه لكنه مزعج جدا ومحدش بيهتم بيه بس هو بيدايق أوي وبيديك إحساس إن عربيتك بقت قديمة ولازم تتأكد.اﻷول من سبب التزييق مثلا ممكن يكون من الفيبر أي البطانة بتاعت الباب مش عليها كلبسات كفاية من جوه أو إتكسرت من الفك والتركيب أو مفيش حاجة تفصل بينها وبين الصاج زي جلدة أو سليكون لو مفيش تخش على داخل الباب بإنك تخبط عليه وهو مفتوح وشوف حتترج جواه حاجات فلو إترجت ودائما بتكون.السياخ بتاعت السنتر لوك وخلافه أو مكن الإزاز فبتاع بيبان يحلهالك ويعالج مشكلة مشكلة أما لو كان السبب من مفصلات الباب فدي بتدوب المسكات بتاعتها بمرور الزمن ودي تعرفها بإنك تفتح البيبان وتمسكها من آخرها وتهز الباب لفوق وتحت وشوفه ثابت ولا فيه بوش والباب بيلعب فلو كده بيلغب فده سبب التزييق فتخلي بتاع الكوالين يحللك المفصلات حتلاقي حاجة زي مسمار هو ده لازم.يروح لخراط يخرط جداد بدل القديمة مليانين شوية وبكده ترجع تحكم تاتي وتختفي كل الرزعات عندك

ده أنا لما بشتري عربية قديمة لمجموعتي جري على بتاع الكوالين وممكن نفك الباب مرتين تلاتة لغاية مظبطه عشان مسمعش حاجة بجد مشكلة تدايق
ودمتم.للنضال

[khaled81]

شكرا لكم شباب على الرد ربنا يكرمكم ... المشكلة لو الجلدة بتاعة الباب احلها ازى ؟؟؟

[khaled81]

ياريت شباب حل لموضوع تنزيق جلدة الباب....؟؟

[saddam]

شكرا لكم شباب على الرد ربنا يكرمكم ... المشكلة لو الجلدة بتاعة الباب احلها ازى ؟؟؟

صديقي المواطن يعني إيه الجلدة بتاع الباب تحلها إزاي الباب فيه كذا جلدة وغالب ظني إنت تقصد الجلدة الكبيرة دي تشتريها بالمتر من التوفيقية تختار من كذا نوع وإنت تركبها بإيدك أو أي حد بتاع كوالين أو بتاع سمكرة أو بتاع كماليات موضوعها بسيط وفي ناس متكلفة.على نفسها بتغلف الجلد ده بقماش عند السروجي عشان يبان من الداخل زي عربيات المرسيدس وفيه كمان شارع قرب قصر عابدين فيه كذا محل إختصاص قطع وتركيب وتغيير الجلد الداير والمطريات وغيرها ودمتم للنضال

[moha4tec]

شحم ابيض و wd40 للمفصلات و المعادن
و سيليكون ايبراى للبلاستيك و الكوتش

[moha4tec]

اقرا المواضيع دى هتفيدك بأذن الله

http://www.nilemotors.net/Nile/305719-a.html

http://www.nilemotors.net/Nile/315474-a.html

http://www.nilemotors.net/Nile/245314-a.html

[khaled81]

</B>moha4tecشكرا ليك ربنا يكرمك .. ياريت لو ترسلى رقم على الخاص اكون شاكر ليك

[moha4tec]

تحت امرك و الشكر لله
و اتشرف بمعرفة حضرتك