اخترت البرايد ولسه محتارة

[Chok00la]

السلام عليكم

محتاجة رأيكوا ف البرايد السيدان ؟و ايه الفرق بينها و بين السابيا.. لاحظت ان السابيا أرخص و موديلاتها أجدد !!
صحيح السيدان تقفيل مصرى و الهاتشباك كورى !! طيب تنصحونى بايه .. و لو فى موديلات سنين معينة احسن من غيرها
فى ناس شاريين العربية من سوق السيارات بسعر ارخص من المعروض على النت .. ده الطبيعى !!
دى أول عربية ليا و قللت الاختيارت خالص واخترت البرايد عشان محتارة فمستنية ردكوا .. شكرا ليكوا

[mero100]

البرايد السيدان دي كيا ... سواء تقفيل مصري او كوري ف هيه عربيه ممتازه ...

السابيا ... عربيه شبيهه الكيا برايد سيدان اعتقد انها ايراني ... فيه شكاوي منها كتير .

خليكي في كيا برايد سيدان او هاتش باك .... او زودي شويه و هاتي لانوس ..يبقي افضل و افضل .

[Chok00la]

البرايد السيدان دي كيا ... سواء تقفيل مصري او كوري ف هيه عربيه ممتازه ...

السابيا ... عربيه شبيهه الكيا برايد سيدان اعتقد انها ايراني ... فيه شكاوي منها كتير .

خليكي في كيا برايد سيدان او هاتش باك .... او زودي شويه و هاتي لانوس ..يبقي افضل و افضل .

شكرا لرد حضرتك

للأسف مش هقدر أزود عن 30 الف .. اللانوس أغلى من كدا لأنى عاوزة عربية حالتها كويسة جدااا

بفكر اقارن بين البرايد و الفيات الاونو ... ف الحالتين انا بحاول اشوف حاجة موديل قبل ال 2000 ... شكرا مرة تانية ليك ومستنية لو حد يقدر يساعدنى بمعلومة تانية

[ahmedalaahosny]

فى برده ف نفس الرينج ده ماروتى هتبقى غالبا موديل الفينات

[Chok00la]

فى برده ف نفس الرينج ده ماروتى هتبقى غالبا موديل الفينات

أيوا فكرت فيها برده .. احساسى انها مش هتكون أحسن حاجة ليا .. ممكن احتاج اسوقها على المحور مش هتبقى خفيفة مثلا لو عدت جمبها عربية بسرعة !!

يا ريت لو حضرتك جربتها تفيدنا.. و شكرا ليك

[ahmedalaahosny]

انا كنت جربت موديل 99 هى جميلة وعملية بس عيوبها ان لو حد مليان قعد ع الكرسى اللى جنب السائق هيبقى ذراعه وكتفه لازقين ف اللى بيسوق والكنبة اللى ورا يادووب اتنين متوسطين وشنطة تكاد تكون مش موجوده اصلا ووزنها خفيف ف مع الهوا الجامد والسرعة هتحسيها بتتطوح من الهوا ولوعربية نقل عدت جنبها مع الهوا هتلاقيها لتتهز جامد من الاخر دى جوا المدينة وسرعات ماتعديش ال 80 بس بعد كده مع نفسك بقى

[ahmedalaahosny]

وممكن السويفت موديل لغاية 94 دى يابانى ودى من تجربة اعضاء افاضل كانوا بيجيبوا بيها ال 140 وبتبقى ثابته ده بعد تعديل الجنوط الحديد لجنوط سبور ودى اليابانى بيتاعها فيه تكيف

[sayco100]

طب ممكن السكودا فيليشيا
ولاتتعدى ال28الف ,,

[Chok00la]

وممكن السويفت موديل لغاية 94 دى يابانى ودى من تجربة اعضاء افاضل كانوا بيجيبوا بيها ال 140 وبتبقى ثابته ده بعد تعديل الجنوط الحديد لجنوط سبور ودى اليابانى بيتاعها فيه تكيف

فعلا الآراء اللى بتتكتب ف السويفت صحيحة .. كانت مع أخويا كويسة اووى و اتباعت للأسف ... دلوقتى نادر لو لقيت منها عربية بيتى و حالتها كويسة دورت على مرفوعة و كدا ملقيتش

شكرا على نصايحك

[Chok00la]

طب ممكن السكودا فيليشيا
ولاتتعدى ال28الف ,,

مفكرتش فيها قبل كدا .. هرجع للصفحة بتاعها على المنتدى أشوف مميزاتها و عيوبها ايه .. شكرا لردك

[shiko85]

ممكن ديهاتسو شاريد
الصيف اللى فات كنا بدور على عربيه هاتش باك و شفت الشارد كانت موديل 2004 و حالتها ممتازه و معروضه بــ 37 الف و بعد الفصال نزلت لــ 32
هى عربيه واسعه و تكيفها كان حلو اوووى بس معرفش قطع الغيار اسعارها ايه

[eslamrace]

ممكن تزودى شويه وتجيبى برايد سيدان اوتوماتيك موديل فوق 2000 العربيه اتقل من العاديه وتقفيلها افضل وموتورها اجمد من العاديه 1323 cc وفيها تكييف وباور ولكن عامه البرايد عربيه كويسه والسايبا الشكاوى منها كتير .

[Chok00la]

ممكن ديهاتسو شاريد
الصيف اللى فات كنا بدور على عربيه هاتش باك و شفت الشارد كانت موديل 2004 و حالتها ممتازه و معروضه بــ 37 الف و بعد الفصال نزلت لــ 32
هى عربيه واسعه و تكيفها كان حلو اوووى بس معرفش قطع الغيار اسعارها ايه

شكرا على اهتمام حضرتك وعلى الصور

[Chok00la]

ممكن تزودى شويه وتجيبى برايد سيدان اوتوماتيك موديل فوق 2000 العربيه اتقل من العاديه وتقفيلها افضل وموتورها اجمد من العاديه 1323 cc وفيها تكييف وباور ولكن عامه البرايد عربيه كويسه والسايبا الشكاوى منها كتير .

و شكرا لنصيحة حضرتك كان عندى سؤالين بس .. الاتوماتيك ده يزود السعر تقريبا قد ايه ؟؟ و هل موضوع تقل العربية و الباور ده ف كل موديلات أعلى من 2000 و لا الاتوماتيك بالذات؟
آسفة لو السؤال ساذج شويه انا معنديش خبرة ف العربيات