للاهمية مشكلة فى سيراتو 2012 صوت تسقييف عالى مستمر

[عبدالله برعى]

التسقيف زاد جدا ختى لو انا واقف على السلانسية ودوست دوسة خفيفة بيحصل التسقييف باستمرار
ولو هديت على مطب على الغيار الثانى بردو بيحصل التسقيف بطريقة اكتر من اللازم
ملاحظات
1-السيارة عاملة 30000كم
2-بنزين 92
3-لو يتم تغيير البوجيهات ولا الفلتر ابنزين بس المشكلة ان الصوت ظهر فجاة بعد العربية ما خدها ابن خالتى والله اعلم

[AhmedNaeem]

غالبا اب خالتك حط بنزين 80 او حط بنزين من بنزينة مش كويسة
انا بحس ان العربية بتتاثر قوي بنظافة البنزين
علي كل حال العربية عايزة طقم صيانة كامل ومنظف دورة البنزين وشوية قرص لغاية لما البنزين اللي فيها يخلص
وان شاء الله هترجع احسن من الاول
والله اعلم

[M I D O]

الاستنتاج الاول صحيح ممكن يكون فولها 80 و العربية لسة فيها بواقي بنزين استني لما تخلص التانك وشوف او اشتري علبة اوكتان بوستر وحطها في التانك حاليا وشوف الوضع هيتظبط ولا لا

[jojojojo]

للاسف اكيد ابن خالتك استرخص وحط بنزين 80 ونصيحه مني معدش تعطي العربيه لحد من قرايبك عشان محدش بيحافظ علي الحاجه اللي لو كانت بتاعتها وعارف انه تعب في فلوسها

[Dr.M_baz]

جرب تحط بنزين 95 مره كده وشوف بس التحسن مش هيكون مباشر.

[عبدالله برعى]

شكرا للاخوة الكرام المحترمين على الرد السريع لكن انا سالت بتاع البنزينة اعرفة اكد ليا انة حط 90 وانا لما اخدت العربية منة كانت نص التانك فانا كملت علية 92 ونفس الموضوع بتحسن بسيط

[عبدالله برعى]

اسف للزملاء نسيت اقول حاجة-
غيرت الزيت حسيت بتحسن فى السحب وخفة موضوع التسقيف على السلانسية

[aldesha989]

يمكن البنزين مغشوش

[احمد المصرى]

انت بتستخدم ذيت ايه ومعدنى ولا تخليقى

[عبدالله برعى]

انت بتستخدم ذيت ايه ومعدنى ولا تخليقى

موبيل 3 الاف كم 20w-50

[AlGazar2]

حرام عليك تهلك ماتور عربيتك بالزيت ده
عربيتك عامله 30 الف يعنى ماتورها لسه جديد المفروض تستخدم زيت تخليقى بالكامل شل الترا او كاسترول ايدج

لو بتمشى قليل كل سنه على الاقل حطلها زيت شل الاصفر و متحطش زيوت موبيل لانها زيوت وحشه جدا غيرها و هتلاحظ فرق كبير بينها و بين اى نوع زيت تانى محترم

[احمد المصرى]

موبيل 3 الاف كم 20w-50

اكبر مصيبه انت بتعملها عربيه ذى دى تستخدم ذيت تخليقى بالكامل ال هو 10 الاف كيلو ويكون 5w40 او 5w30 بس خليك فى 5w40 علشان هتستخدمه صيف وشتاء ممكن يكون العيب من الذيت


الذيت ال انت بتستخدمه دا مش مخصص للعربيه دى خالص

[AhmedNaeem]

موبيل 3 الاف كم 20w-50

مع الوقت الزيت ده هيخنق العربية اكتر ويبهدل الموتور
خليك في شيل الترا 10000 احسن ومن مكان مضمون عشان في زيوت مضروبة كتير