حادث سيراتو على سرعة 160 كم \س مش عارف السبب

[عبدالله برعى]

العربية سيراتو 2012 خليجى exالنهاردة وانا كنت على طريق صحراوى على سرعة 160 لقيت فى لمح البصر حدث الاتى ومش عارف اية السبب؟
كنت فى منزل شوية وانا واخد الحارة اليمين فكان فية شوية رملة وظلط صغير خفيف على الحارة اللى انا ماشى فيها فلقيت العربية بتعوم منى جامد جدا جدا ومش قادر اسيطر عليها (حدفت شمال ثم يمين ثم شمال مش فاكراية بالظبط)وانا كنت فى اتجاة الشرق ففى لمح البصر لقيت العربية مالت نحية السواق كانها حتتقلب وبعدين لقيت نفسى فى اتجاة الغرب والعربية النحية اللى ورا كلها الاكسدام الخلفى وراه جبل رملة والرملة لحد الاكسدام والبلاستيكة السودة مفكوكة وفى خبطة فى الرفرف اللى ورا شمال والعجلتين اللى نحية السواق نايمين واللى ورا شمال ملقتش فيها خرم اما التانية لسة معرفش؟؟؟؟؟؟؟؟؟؟زعلت اوى على العربية فمش عارف العيب فى مين فيا انا ولا العربية كدا يعتبر خذلتنى ولا اية؟ولاالكوتش بس الحمد لله

[adelghanem]

المهم سلامتك والف حمد لله والشكر
ونرجوا الرد من الخبراء

[mhf_77]

قدر الله وماشاء فعل وحمدالله على سلامتك
اكيد الرمله او الزلط او الحصا اللى مشيت عليهم بالسرعه دى سبب مباشر للى حصل ومعتقدش الكوتش ضرب لانه ببساطه كنت هتسمع صوته
عموما حصل خير وبلاش السرعه الزياده دى مره تانيه

[amrelsaqqa]

اول حاجة الف حمد لله على سلامتك
ربنا نجاك ، ولازم تسجد شكر وتطلع حاجة لله

ثانيا تحليلى للى حصل
العربية ex يعنى على حد علمى مفيش عندك esp و لا حتى ABS
مشيك على رمل وحصى على السرعة دى خطر جدا جدا لان بيحصل اختلال في احتكاك العجل مع الارض
خصوصا لو نص العربية على اسفلت احتكاكه عالى والنص التانى على رملة مزحلقة ده فعلا يخلى العربية تلف حوالين نفسها وتفقد توازنها وبيؤدي في الغالب لانقلاب السيارة خصوصا على السرعة العالية ، فالحمد لله انت ربنا سترها معاك ..

الكاوتش في رأيي ما انفجرش ولا حاجة ، اللى حصل غالبا ان الجنوط اتعوجت لما العربية مالت ، فده اللى جاب العجل ع الارض

الف حمد لله ع سلامتك مرة تانية ، ومعلش ، اللى حصل بردو حاجة بسيطة وكفاية خروجك منها سالما ، وبلاش تتعقد من العربية ، بالعكس ، ربنا ستر والعربية مسكت نفسها في الاخر ..

[Derp]

ريحت رجلك على الفرامل لما وصلت للرملة ؟
والحمد لله على سلامتك

[Silent~Dream]

الحمد لله على السلامه و العربيه فقدت ال traction بسبب الرمل و الظلط

[Derp]

اول حاجة الف حمد لله على سلامتك
ربنا نجاك ، ولازم تسجد شكر وتطلع حاجة لله

ثانيا تحليلى للى حصل
العربية ex يعنى على حد علمى مفيش عندك esp و لا حتى abs
مشيك على رمل وحصى على السرعة دى خطر جدا جدا لان بيحصل اختلال في احتكاك العجل مع الارض
خصوصا لو نص العربية على اسفلت احتكاكه عالى والنص التانى على رملة مزحلقة ده فعلا يخلى العربية تلف حوالين نفسها وتفقد توازنها وبيؤدي في الغالب لانقلاب السيارة خصوصا على السرعة العالية ، فالحمد لله انت ربنا سترها معاك ..

الكاوتش في رأيي ما انفجرش ولا حاجة ، اللى حصل غالبا ان الجنوط اتعوجت لما العربية مالت ، فده اللى جاب العجل ع الارض

الف حمد لله ع سلامتك مرة تانية ، ومعلش ، اللى حصل بردو حاجة بسيطة وكفاية خروجك منها سالما ، وبلاش تتعقد من العربية ، بالعكس ، ربنا ستر والعربية مسكت نفسها في الاخر ..

فعلا لو كان عنده esp كانت العربية لحقت نفسها

[Secret-Man]

علشان كده دايما اوبشن abs / ebd مش كماليات ديه اساسيات فى العربيه

انا معايا سيراتو 2010 سعودى مرضتش اشتريها الا وهى كامله فيها كل حاجه والحمد لله زى الفل

وربنا نجيك يارب من كل شر

[Elkordy2000]

في الغالب انت تقلت رجلك علي الفرامل وهي في الرمل والحصي وده خلي العربيه تفقد توزنها وتلف يمين شمال اكثر

[dr.hazem]

في اعتقادي في كاوتش ضرب وياما كوتشات بتضرب بدون صوت لان نفترض ان في زلط ورمل خفيف على قولك مش هيحصل حاجه الا لو ضربت فرامل عالزلط ده انما بدون ولا الهوا.....
ده رايي البسيط والحمد لله على سلامتك وباذن الله العربيه تتصلح وترجع زي ما كانت...

تحياتي

Sent from my Xperia Arc S using Forum Runner

[د.هشام]

انت اتكتبلك عمر جديد، الحمد الله العربية ماتقلبتش
احنا عندنا عوامل الأمان في شوارعنا وعربياتنا تعبانة، ربنا اللي بيسترها

[mohamedxsayed]

لسا حصلى الموقف ده عالصحراوى من 15 يوم كنت ماشى على 140 والعربيه عامت منى لوحدها بس ربنا ستر وكشفت عالفرامل عند ورشه وفى التوكيل قالولى الفرامل واخده هوا فاتقفش لوحدها العجلتين الى ورا . الحمدلله ان ربنا ستر عليك بس نصيحه اكشف عالفرامل والكاوتش لو ملقتش حاجه يبقى من الطريق بس لازم تكشف احتياطى

[buddha]

لو لمست الرمل على الاسفلت وزدت دوسة البنزين لازم العربية تروح يمين وشمال

حمد الله على سلامتك

[ahmedsamy90]

في اعتقادي في كاوتش ضرب وياما كوتشات بتضرب بدون صوت لان نفترض ان في زلط ورمل خفيف على قولك مش هيحصل حاجه الا لو ضربت فرامل عالزلط ده انما بدون ولا الهوا.....
ده رايي البسيط والحمد لله على سلامتك وباذن الله العربيه تتصلح وترجع زي ما كانت...

تحياتي

sent from my xperia arc s using forum runner

+11111111
انا عندي فردة كاوتش ميشلان كانت عاملة 20.000 بس و ضربت وانا ماشي على اسكندرية الصحراوي على 90 تقريباً ..... وماطلعش أى صوت منها نهائي ......... حمد لله على سلامتك

[عبدالله برعى]

العربية فيها abs
والمفاجاة انى ملقتش ولاحاجة فى الكاوتشات
بس على ما افتكر ان العربية موجت قبل ما تدخل على الرملة
وثانيا انا كنت جى من مشوار 120كم بسرعة 160 بردو
ولكن انا كنت عايز اعرف السبب علشان اتلافاه وميحصلش وافيد اعضاء المنتدى
وشكرا للعضاء الاعزاء