كيف تعرف ان سيارتك بها ايمبوليزر ام لأ؟؟؟

[midoooocomm]

السلام عليكم يا نمور الكيا

بقولكم ايه انا في حاجة قلقتني وطيرت النوم من عيني

اه والله

جارنا في الشارع بيركن قدامي بالظبط عربيته اتسرقت امبارح للأسف!!!

انا زي مانتوا عارفين معايا ريو 2013 خليجي تيبترونيك مرايات ضم حساسات ركن بلوتوث

بس مش عارف فيها ايمبوليزر ولا لأ؟؟ ولو فيها اعرف ازاي؟؟ وتنصحوني اعمل ايه عشان أأمن العربية ؟؟؟ مع العلم اني مش بحب العب في كهرباء العربية ....الا بالعقل يعني وبعد التأكد مليون مرة اه ....كلو الا الكهربا يابا

ولو حد عنده معلومات عن فصل طرمبة البنزين والكهربائي او المركز اللي بيركب يلحقني يا جدعان

أفيدوني افادكم الله

[amr011111]

هات قفل دركسيون محترم
شوف جراج افضل
لو تعرف تشيل الفيوز بتاع طلمبة البنزين يبقى كويس بس مش عارف مكانه فين:)
ولما تكون قفلت عربيتك تقول استودعك الله
الايموبليزر والعربيه مش فيها مفتاح بتلاقى علامة مفتاح فى التابلوه
نوع عربية جارك اللى اتسرقت ايه

[midoooocomm]

تسلم يا باشا على السرعة .....محدد اوي انت هاهاهاهاا

تقصد لما افتح العربية بالريموت بس من غير ما احط المفتاح في الكونتكات هلاقي علامة مفتاح في التابلوة؟

عربية جاري فيرنا

تشكر يا زووووووووق

[amr011111]

تسلم يا باشا على السرعة .....محدد اوي انت هاهاهاهاا

تقصد لما افتح العربية بالريموت بس من غير ما احط المفتاح في الكونتكات هلاقي علامة مفتاح في التابلوة؟

عربية جاري فيرنا

تشكر يا زووووووووق

مش فاهم محدد ازاى

[midoooocomm]

يعني بتركز اسئلتك في شكل نقط زي رجال الاعمال مبيضيعوش وقت

ودي صفات الناجحين يا باشا

[amr011111]

يعني بتركز اسئلتك في شكل نقط زي رجال الاعمال مبيضيعوش وقت

ودي صفات الناجحين يا باشا

متشكر لذوقك يا باشا
اللانوس مش فيها ايموبليزر

بس اى عربيه فيها ايموبليزر هتلاقى زى ما بتقول كده
"

"لما افتح العربية بالريموت بس من غير ما احط المفتاح في الكونتكات هلاقي علامة مفتاح في التابلوة

[Ahmed Amin]

بالنسبة لسؤالك,
أسهل طريقة أنك تعمل نسخة علي مفتاح عربيتك من عند أي حد بتاع مفاتيح,
النسخة العادية اللي 7 أو 8 جنيه دي,,

لو العربية دارت بالمفتاح دا هيبقي مش عندك أيموبلايزر,

عشان العربية اللي فيها ايموبلايزر بتدور من أشارة الشريحة اللي في المفتاح الأصلي بتاع العربية,
ومش هتدور مع أي نسخة معمولة من غير الشريحة.

وبالمناسبة مش كل العربيات بيكون فيها أشارات أو لمبات في الطابلوة تقولك إنو فيه أيموبلايزر,, الأوروبي مفهوش اللمبة دي لأنه كله فيه تقريباً,
فاللمبة مش مقياس,, المفتاح هوا اللي مقياس..

[Silent~Dream]

اعمل مفتاح و جرب العربيه هتشتغل ولا لا و للامان ركب انذار و قفل دركسيون و لو مفيشاش امبوليزر كهربائى بعيد يعملك مفتاح لفصل الكهرباء

[egyption2012]

تقريبا ممكن تفك المفتاح كانك حتغير البطارية اللي فيه
وشوف هل موجود جسم صغير داخل المفتاح ولا لا
الجسم ده بيكون على شكل مربع وهو جهاز الارسال
انا بتكلم عن المفاتيح اللي زي مفتاح الاوبل استرا 2005

[midoooocomm]

تسلموا جميعا والله دايما فيكوا الخير

بس يا جماعة انا عايز حاجة غير مفتاح فصل الكهربا لو حد يعرف حاجة عن فصل الطرمبة يبقى اقل احتمال للضرر بالكهربا .

ولو حد يعرف الصواميل اللي هيا مش بتتفك غير بمتاح مشفر برضة يقولي انا بيتي ف الجيزة وشغلى ف المهندسين


وشاكر افضال نمور الكيا

[mhDeeb]

ياباشا روح سبير كار ركب انذار spy 2 way وقولوا عايز اعمل فصل لطرمبة البنزين مع الانذار الموضوع دة مش حيعدى 500 جنية وممكن يطلعلك من ضمان الكهرباء او اشترية وركبه في التوكيل لو يرضوا بعد ما تسالهم في التليفون طبعا

[mhDeeb]

سبير كار محترمين واسعارهم كويسة انت عارف فين طبعا في واحد عند وزارة الداخلية بس دة صعب الوصول لية روح فرع مدينة نصر احسن لوانت مسكت صلاح سالم وانزل من تحت الكوبرى وادخل يمين تحت كوبرى 6 اكتوبر حتمشى شوية حتلاقية على الشمال اعمل يوتيرن وارجعله حتى ممكن تروح انهاردة بعد الشغل وربنا يوفقك

[midoooocomm]

سبير كار محترمين واسعارهم كويسة انت عارف فين طبعا في واحد عند وزارة الداخلية بس دة صعب الوصول لية روح فرع مدينة نصر احسن لوانت مسكت صلاح سالم وانزل من تحت الكوبرى وادخل يمين تحت كوبرى 6 اكتوبر حتمشى شوية حتلاقية على الشمال اعمل يوتيرن وارجعله حتى ممكن تروح انهاردة بعد الشغل وربنا يوفقك

يا باشا الف شكر انك افدتني وعلى فكرة انا معنديش ضمان عشان انا خليجي

تسلم يا كبير انا هظبط واروح لهم وربك الستار

[mo7a_mo7a]

شيل الفيوز بتاع طلمبة البنزين وسوجر الدركسيون قبل ما تنزل

[midoooocomm]

شيل الفيوز بتاع طلمبة البنزين وسوجر الدركسيون قبل ما تنزل

طيب يا باشا هوا فين وانهي واحد من الفيوزات؟؟


شكرا