شاشة التكيف الديجتال كارينز ٢٠١٣

[hhendmos]

السلام عليكم يا جماعه
انا معايا كارينز ٢٠١٣ اللي فيها التكيف ديجيتال
هوا تمام وكل حاجه بس هيا بتعرض درجه الحرار ه خارج العربية
السؤال بقي ان درجه الحرارة ثابته علي عندي علي ٢٠ درجه حراره خارجيه بس صبح وليل
كنت عاوز اعرف هوا فئة حساس مسؤول عنها ولا ايه لان كده هيا فيه مشكله ويا. تري مكانه فين

[sonybony]

هو اكيد الحساس فيه مشكله انا معايا بيكنتو والحساس الخاص بالحراره موجود علي الطابلوه في المنتصف بالقرب من البرابريز الامامي

[hhendmos]

هو اكيد الحساس فيه مشكله انا معايا بيكنتو والحساس الخاص بالحراره موجود علي الطابلوه في المنتصف بالقرب من البرابريز الامامي

الف شكر لاهتمامك ان شاء الله لما اروح الصيانة وحاسالهم

[sonybony]

علي ايه وانشالله خير بإذن الله

[yasserelsayad]

حساس الحرارة الخارجية بيكون موجود فى وش العربية قدام عند الاكصدام فى السيراتو وفيه عربيات بيكون عند المساحات
اللى فوق على التابلوه دا بتاع الاضاءة مش الحرارة

[hhendmos]

ياريت يا جماعة حد يفد نئ ويقولي مكانه بالظبط في الكارينز لأني مش عاوز اروح لحد يفتي لي في الموضوع
ومعنديش وقت اروح التوكيل

[Dr.M_baz]

ورا الإكصدام و بيكون متغطي بحاجه زى غطا عشان ميتأثرش بحرارة الريدياتير.

[hhendmos]

ورا الإكصدام و بيكون متغطي بحاجه زى غطا عشان ميتأثرش بحرارة الريدياتير.

والله يا باشا انا نزلت فتحت الكبوت ولاقيت حاجات كتير متغطية يا ريت لو حد يقدر يفدني اكتر ويوري لي صورته او شكله عامل إزاء ولكم مني جزيل الشكر

[yasserelsayad]

دا شكله وبيكون راكب فيه فيشة طبعا

[hhendmos]

ان شاء الله بكرة حاشوف وأحاول اوصله

[hhendmos]

ان شاء الله بكرة حاشوف وأحاول اوصله

الحمد لله وصلت للحساب ولايته جنب الكلاكس وكان الكابل سايب فركبتة واتحلت المشكله

الف شكر ليكو يا رجالة