صوت خبطة خفيفة فى العفشة

[temo85]

السلام عليكم و رحمه الله,
يارجاله انا بسمع صوت خبطه خفيفه من العفشة قدام شمال بس مش فى كل الاحوال , بسمع صوت الخبطه ده فى فواصل الكباري او المطبات اللى مش عاليه قوى عند السرعات البطيئة فقط لكن لو خدت المطب بسرعه عاليه مش بسمع حاجه خالص وكله بيكون طبيعي جداا
الصوت كانه حديد فى حديد على خفيف قوى
رحت ربطت العفشة و الراجل بص و ربط و قالى كل تمام و زى الفل من تحت كجلب مقصات و بيض و كله كويس !!!
انا شاكك فى البطاحات ان الكوتش بتاعها يكون اتقطع , ياريت تقولولي ارائكوا

[aldesha989]

انا عندى نفس الخبطه دى بس مش على طول برضه بس مش حديد فى حديد انا عندى زى ما تكون حاجه خبطت فى العربيه من تحت مع المشى وانا لافف الدركسيون حاجه بسيطه ولحد دلوقتى مش عارف اوصل للعيب لان العفشه عندى جديده كلها معادا البطاحات برضه وشاكك فيها

[dr sherif]

عندى صوت كربكة فالعفشة من قدام يمين بيبان ففواصل الكبارى وطرق المدقات بس اكن حاجة مخلوعة بتخبط روحت لمكانيكى ساقها قالى بطاحات الصوت هيجننى

[temo85]

كده يبقي غالبا البطاحات فعلا , حد عنده فكره اسعارهم ايه ؟

[MOSTAFABASAL]

كان عندي صوت تخبيط قالولي في التوكيل شداد المساعد و غيروهم الصوت خف كتييييييييييير عن الاول بس لسه موجود للاسف

[AHMED1718]

مسمار ميزان او مقص

[AHMED12345678]

عندى نفس الصوت وبيبان لما امشى فى طريق مكسر او على مطب
ومبيبنش فى الطرق النضيفة
رحت لميكانيكى فالى الصوت من الاسكاترة
والعفشجى قالى بردة الصوت من الاسكاترة وان العفشة كلها تمام
والسبب فى الصوت هو ان فى بوش فى تروس الاسكاترة هو الى بيعمل الصوت دة
والحل تغيير الاسكاترة
طبعا هروح لعفشجى تالت اشوف هيقولى اية
لانى مش قادر اصدق ان العيب من الاسكاترة
والصوت بيبان لما تكون العربية واقفة ومش دايرة واقعد اهز الدريكسيون يمين وشمال

[AHMED12345678]

عندى صوت كربكة فالعفشة من قدام يمين بيبان ففواصل الكبارى وطرق المدقات بس اكن حاجة مخلوعة بتخبط روحت لمكانيكى ساقها قالى بطاحات الصوت هيجننى

نفس الصوت الى عندى بالضبط والميكانيكى والعفشجى بيقولولى الاسكاترة

ممكن حضرتك والعربية واقفة ومتمورة مش معشقة ومش دايرة تهز الدريكسيون يمين وشمال جامد شوية وتقولى فى صوت خبط بسيط بيبان ساعتها ولا مبيظهرش

[AHMED12345678]

يا خوفى لتطلع الاسكاترة فعلا
ويا خوفى الاكتر انه يطلع عيب منتشر فى السيراتو
لانه اذا كان كدة فعلا فدة معناه اننا اذا غيرنا الاسكاترة بردة الصوت دة هيطلع تانى بعد فترة
دة غير ان الاسكاترة سعرها غالى مش رخيص

[temo85]

عندى نفس الصوت وبيبان لما امشى فى طريق مكسر او على مطب
لا فى الطرق المكسره مبيظهرش حاجه نهائي بيظهر بس فى فواصل الكبارى على سرعه 10 او اقل لكن لو اسرع من كده ولا الهوا
ومبيبنش فى الطرق النضيفة
رحت لميكانيكى فالى الصوت من الاسكاترة
والعفشجى قالى بردة الصوت من الاسكاترة وان العفشة كلها تمام
والسبب فى الصوت هو ان فى بوش فى تروس الاسكاترة هو الى بيعمل الصوت دة
والحل تغيير الاسكاترة
طبعا هروح لعفشجى تالت اشوف هيقولى اية
لانى مش قادر اصدق ان العيب من الاسكاترة
والصوت بيبان لما تكون العربية واقفة ومش دايرة واقعد اهز الدريكسيون يمين وشمال

صعب جدا تكون الاسكتره انا مستبعدها بصراحه

[AhmedNaeem]

انا برجح تكون جلب الميزان

[aldesha989]

الدركسيون كله يمين وكله شمال فى اخره خبطه فعلآ بس ده فى كله كده بتهيئلى ؟

[AHMED12345678]

يا ريت يا رجالة التفاعل معانا فى الموضوع دة لانه شكلة منتشر
واذا كان حد قابلة صوت الخبط دة وصلحة
فياريت يفيدنا بخبرته

[fddf512]

يا جماعه الاسكاترة بتتعرف من الطريقة دي وعلى فكرة انا كان معايا نيسان قبل كدة كان فيها اسكاترة ، بتمشي بسرعه وتسيب ايديك من على البنزين ، لو لقيت في كركبة يبقى اسكاترة ، لو طالع مطلع بشويش وكان فيه كركبة يبقى اسكاترة ، يا جماعه الاسكاترة بتقى كركبة مش خبط وبتبان في الحفر والنقر البسيطة في الدلكسيون بتاع العربية بوضوح لازم تحس بيه في الدلكسيون ، اتمنى تكون المعلومة دي مفيدة ، وهي عن تجربة

[mem]

حضرتك شوف قواعد الماتور ايه اخبارها