ماهى القنطرة وماهى وظيفتها ؟!

[Amr gaffar]

السلام عليكم

وانا بعمل كشف الصيانة الدورية بتاعة العربية بتاعتى ريو 2013

لقيتهم بيقولى العربية فيها خبطة من تحت ومحتاج تغير قنطرة وشداد فتيس

ممكن نصيجة بافضل مكان لتغيرهم فرع ابورواش ولا القاطمية ولا فية مكان تانى

وبصراحة انا مش عارف اية وظيفة القنطرة ؟

[abokoko]

كل اللى اعرفه - انها الجزأ اللى بيشيل الموتور
ومتابع معاك

[Silent~Dream]

متابع

[rotanamasoud]

القنطره هى اللى شايله الموتور بالعفشه بالكامل يعنى عند تغييرها حيرجع كل شيء لوضعه الطبيعى ان شاء الله
اما العربيات اللى على علب خبطه زى دى بتشتغل سمكره فى الشاسيه لاستعدالها وده غلط وعمرها ما ترجع استاندر(وممكن تفتح شاسيه تانى بسهوله)
فالعربيات اللى على قنطره افضل بكتير من اللى على علب

[drmagieed]

متابع

كلام مظبوط!!! ووظيفة القنطرة إنها بتشيل الجزء الأمامي من السيارة لأتنها عمود صلب!!! فإن مكنتش خدت مطب جامد يعني جامد يبقي ده عيب صناعة لأنها عربية زيروووووووووو!!!

[Mostafa.Ismail]

زى ما الرجالة قالو بالظبط ... وعلشان تتعوج او يبقى فيها مشكلة محتاجة خبطة جامدة جدا غير كدة اكيد عيب تصنيع!
انا غيرتها عندى بسبب حادثة وقع ادامى استين اتوبيس نقل عام (وقع نايم على الارض) وخبطت فية على سرعة 80 ورفع العربية من على الارض وزحفت حوالى 150 متر بسبب ان العجل الامامى اترفع عن الارض ومرضيتش اشد الهاند بريك.

[abokoko]

القنطره هى اللى شايله الموتور بالعفشه بالكامل يعنى عند تغييرها حيرجع كل شيء لوضعه الطبيعى ان شاء الله
اما العربيات اللى على علب خبطه زى دى بتشتغل سمكره فى الشاسيه لاستعدالها وده غلط وعمرها ما ترجع استاندر(وممكن تفتح شاسيه تانى بسهوله)
فالعربيات اللى على قنطره افضل بكتير من اللى على علب

كده محتاجين شرح
لان معلومات العربيه بتبقي شاسيه او علب
والشاسيه زى النص نقل او الفورنتيرا كامثله بيبقى الموتور على الفردتين الشاسيه
والعلب بيبقي الموتور على القنطرة يعنى كل العربيات اللى على علب ليها قنطرة

فيا ريت التوضيح لتصيحيح معلوماتى ان كانت خطأ

[Fo1Fo]

http://nileup.com/up/uploads/nilemotors_13809014271.jpg
القنطره هى علبه من الصاج تقوم بربط فردتى الشاسيه او فردتين العلب ( وهى موجوده أسفل الرادياتير ) وازا حصل كسر او صدا او انبعاج فى القنطره طبعا ده هاياثر على فردتين الشاسيه ( العلب ها تفتح - هاتتفشخ ) وزن العربيه بيتحمل على السوست ومنها الى الكارتيره ومنها فردتين العلب او الشاسيه , والموتور بيتحمل وزنه على ثلاث نقط ليس منها القنطره ( اتنين على علب الشاسيه والتالته شداد الفتيس

[rotanamasoud]

كده محتاجين شرح
لان معلومات العربيه بتبقي شاسيه او علب كلام سليم
والشاسيه زى النص نقل او الفورنتيرا كامثله بيبقى الموتور على الفردتين الشاسيه
والعلب بيبقي الموتور على القنطرة يعنى كل العربيات اللى على علب ليها قنطرة لا مش كل العربيات اللى على علب بتكون بقنطره

فيا ريت التوضيح لتصيحيح معلوماتى ان كانت خطأ

axستروين
127 على علب
القنطره عباره عن وصله(كوبرى)بين العلب والمحرك بادوات تعليقه وجره
عند عمل حادث كاكل مطب بسرعه عاليه او الشبك فى غطا بلاعه وتدمير النظام يكون سهل تصليحه لان القنطره الحامله لكل الاجزاء بتتفك بمسامير ويعود كل شيئ لوضعه الطبيعى
العربيه بدون قنطره بتكون العلب ملحوم فيها قاعده سفليه للموتور وملحوم فيها المقصات ومنها للعفشه والعجل
عند عمل حادث كاكل مطب بسرعه عاليه او الشبك فى غطا بلاعه وتدمير النظام يكون علب الشاسيه معووجه وممكن يفتح وتحتاج لسمكره وصعب ان تعود لحالتها الاصليه

[abokoko]

axستروين
127 على علب
القنطره عباره عن وصله(كوبرى)بين العلب والمحرك بادوات تعليقه وجره
عند عمل حادث كاكل مطب بسرعه عاليه او الشبك فى غطا بلاعه وتدمير النظام يكون سهل تصليحه لان القنطره الحامله لكل الاجزاء بتتفك بمسامير ويعود كل شيئ لوضعه الطبيعى
العربيه بدون قنطره بتكون العلب ملحوم فيها قاعده سفليه للموتور وملحوم فيها المقصات ومنها للعفشه والعجل
عند عمل حادث كاكل مطب بسرعه عاليه او الشبك فى غطا بلاعه وتدمير النظام يكون علب الشاسيه معووجه وممكن يفتح وتحتاج لسمكره وصعب ان تعود لحالتها الاصليه

علشان كده بيتقال ال128 على علب بتفتح
؟؟؟؟

وعندى فى ال لادا على قنطرة - مش كده

؟؟؟

[rotanamasoud]

علشان كده بيتقال ال128 على علب بتفتح
؟؟؟؟

وعندى فى ال لادا على قنطرة - مش كده

؟؟؟

128 اشهر فتاحه علب
الادا على قنطره طبعا ودى تتشقلط بيها وتركب قنطره ترجع زيرو
والعربيه اللى معايا على قنطره بعد ما فهمت القصه ولما تشوف النظامين على البير تعرف الفروق الجباره بين النظامين

[windofchange]

يعني يامسعود بك ال citroen ax علي علب ؟

[rotanamasoud]

يعني يامسعود بك ال citroen ax علي علب ؟

اه انا عمرى ما اشتكيت منها لما كنت راكبها من النقطه دى لانهم عاملين حسابهم والتصميم مدروس يعنى عمرها ما تفتح زى ال28 بس لو لا قدر الله خبطه تحت حتكون صعبه فى الظبط اما الcitroen zx فهى على قنطره كبيره وكمان مصفحه بالكامل اسفل الموتور وهى اللى معايا حاليا

[Amr gaffar]

طيب ياجماعة فية مشكلة لو اتغيرت انا هغيرها فى التوكيل العربية هتتاثر ولا هتبقى زى ما هيا زيرو وانهى فرع احسن لتغيرها ابورواش ولا القطامية