ما هو افضل مركز خدمه لكيا

[sherifseif]

بسم الله الرحمن الرحيم
السلام عليكم
انا عضو جديد لمنتدى سيارات كيا حيث قمت بتوفيق من الله بشراء كيا سول و كنت اريد ان استفسر من حضراتكم عن افضل مركز خدمه للصيانه داخل القاهره معتمد من التوكيل او التوكيل نفسه اقدر أن اقوم فيه بالصيانات الدوريه طبقا لكتالوج السياره
سمعت عن السبع كيا و فرع القطاميه الخاص بالتوكيل و مركز خدمه في دار السلام فايهم افضل و شكرا

[Khaled_Nowaihy]

مركز القطامية مفيهاش كلام

[sherifseif]

ألف شكر

[salodas]

وكيا السبع فرع زهراء المعادى كويس جدا .... أنا بتعامل معاهم من أكتر من سنة

[KiaSoul]

من خبرتي أقولك دار السلام اللي تحت الدائري لأ وألف لأ.
السبع لأ واحدة بس.
وعموماً كله بيشكر في فرع القطامية أنا ان شاء الله حبقى أتعامل معاه
شكله حيبقى زحمة أوي

[HyundaiAgain]

السبع احسن من ابو رواش و روكسي ومعرفش القطامية

[sherifseif]

انا حجزت صيانة 10000 في فرع القطاميه الاسبوع القادم ان شاء لله و ساوافيكم بما حدث باذن لله

[sonybony]

انا حجزت صيانة 10000 في فرع القطاميه الاسبوع القادم ان شاء لله و ساوافيكم بما حدث باذن لله

اه يا ريت توافينا بالتفاصيل والاسعار وغيرو ايه بالظبط ويا ريت تعرفلنا انواع الزيوت اللي عندهم عشان انا بستعمل ليكوي مولي وهو ممتاز عشان لو مش متوافر اجيبه وانا رايح لهم وانشاله علي خير تكون صيانتك

[sherifseif]

السلام عليكم
و كل سنه و أنتم طيبون

عملت الصيانه 10000 في مركز القطاميه اليوم
ذهبت في الموعد المحدد
المركز كان زحمه علشان قبل العيد
قام مهندس الاستقبال بمعاينة السياره و قام باعطائي صوره من طلب الصيانه
طلب مني المهندس الانتظار في الاستراحه لحين الانتهاء
الاستراحه جيده و مكيفه وبها كافيه و واي فاي و تلفزيون و مكان مخصص للمدخنين

تم تغيير الزيت و هو زيت شل الترا الاسود و أيضاً تم تغيير الفلتر
بعد الكشف عن السياره ابلغوني بضرورة تغيير التيل بالرغم من ان السياره ماشيه 9000 فقط !!!!!!!!!!!!!!
طلبت منهم ضبط الباب الخاص بالسائق و تشغيل خاصية الاتوماتيك سنتر لوك
تم غسل السياره و تنظيف الصالون بالمكنسه

دفعت الفاتوره و كانت 1200 شامله صيانة 10000 بتكلفة 550 و تغيير التيل بتكلفة 650
استغرق وقت الصيانه ساعتين و نصف تقريباً
استلمت السياره بعد الغسيل من مهندس الاستقبال و بها تيل الفرامل القديم و كان حالته متوسطه
الانطباع العام جيد
غسيل السياره متوسط
لم يتم تفعيل خاصية الاتوماتيك السنتر لوك لأن غالباً لا يمكن تفعيل هذه الخاصيه على فئة السياره و هي الفئه الثانيه