للاهمية مشكلة في السيراتو 2014 اريد حل !

[zi007ad]

السلام عليكم ...
اشتريت من اسبوعين عربية كيا سيراتو 2014 اوتوماتيك ex وبصراحة العربية حلوة جداً ماشاء الله بس فوجأت امبارح وانا بسأل التوكيل علشان اركب الانذار لقيتم قالو العربية السيراتو 2014 ملهاش انذار !! ولو ركبيت من برة التوكيل هيضيع الضمان !
اعمل اية ؟؟

[فبريكا]

الف مبروك على العربية ... بس حتعمل ايه يعني امرك لله حضيع الضمان علشان تركب انذار فيه اولويات انا فاكر بردوا صحبي اشترى تويوتا كورولا كان معها ريموت بس مفهاش انذار .

[Eng_hatemfathy]

انا مستغرب حاجتين
اولا انها 2014 وكيل وانا من اسبوعين او تلاته بالكتير كنت عارف ان ال 2014 فى السوق خليجى بس لان الوكيل لسه منزلش
ثانيا الخليجى عند سمير ريان كان بالانذار فغريبة ان الوكيل يكون من غير وميكونش عنده تركيب
مش عارف الموضوع محير فعلا -انا كنت خلاص هجيب واحده خليجى 2014 سودا فتحة سقف جنوط 16" وفوجات واى بى اس بس فرش قماش ومن غير كاميرا بدل الكروز بس صرفت نظر وفضلت الكروز قيمة وقعدة وتميز
معلش ياريت تكلم التوكيل تانى فى موضوع الانذار وتقولنا هل فعلا مش بينزل ومش بيركب ويا ريت تقولنا حضرتك انهى فئة وربنا يباركلك فيها -عامة الموضوع ميزعلش لو فيها ايموبليزر والانذار مش قضية ومش مهم للدرجة

[zi007ad]

شكراً للرد انا جبتها من الطارق .. التوكيل كلمتة قال 2014 ال High Line فقط هي ال بإنذار و الموديل بتاعي EX مش بيركبله انذار علشان فية خاصية الايمولبزر او حاجة كدة .. قالولي استنى كام شهر يمكن ينزلو ..

[عبدالله برعى]

شكراً للرد انا جبتها من الطارق .. التوكيل كلمتة قال 2014 ال high line فقط هي ال بإنذار و الموديل بتاعي ex مش بيركبله انذار علشان فية خاصية الايمولبزر او حاجة كدة .. قالولي استنى كام شهر يمكن ينزلو ..

اية علاقة الانذار بالامبوليزر

[2CODE]

متخفش خلاص انت عندك ايموبلايزر ولايهمك ومتزعلش نفسك هو التوكيلات كده بتخاف تلعب في كهربة العربيات الجديدة علشان ميدخلوش نفسهم في مشاكل هم في غني عنها

فبيريحوا نفسهم من المشاكل وسمعتهم

[Eng_hatemfathy]

الموضوع كده مش واضح وشكله محتاج زيارة للتوكيل ومعرفة التفاصيل لانى شايف الموضوع سهل جدا سواء دلوقتى من خلالهم او بعد انتهاء الضمان برا التوكيل وكده كده الايموبليزر هيغنيك بعد حفظ الله طبعا
والف مبروك

[MoH.SaLaDiN]

نفس المعاناه انا شارى ريو هاى لاين ب 142 الف وكيل ومفهاش انذار ولا وحدة رفع ولا باركنج سنسورز وقلت اركبهم فى التوكيل عشان الضمان قالولى كيا كوريا مانعة اى لعب فىكهربة العربية كأنهم عارفين ان العمالة الفنية عندنا رايحة فى داهية بالرغم من ان العربيات الخليجى بتنزل بباركنج سنسورز اشمعنا بقى

[Salah_sr]

عربيتي سيراتو 2014 فيها إنذار و سينسور و كاميرا خلفية و الايموبليزر خليجي و المشكلة بجد مش في العربية و لا كوريا المشكلة في التوكيل

[د.عماد صلاح]

مش فيها ايموبيلايزر برضه

[2CODE]

مش فيها ايموبيلايزر برضه

ده اساسي في كل عربيات كيا