شكلنا هانشوف الكوبيه التربو فى مصر يارجاله :)

[Hosam_Optrawy]

السلام عليكم

من يومين فتحت موقع كيا العالمى worldwide ولقيتهم حاطين الكوبيه الجديده بكل مواصفاتها

لقيت المواتير المتوفره 1600 تربو و 2000 سى سى ومفيش اى سيره عن ال 1600 ال N/A الموجود فى السيدان خالص





يعنى بنسبه كبيره أوى لما تنزل مصر هاتنزلنا 1600 تربو

اللى مأكدلى الموضوع دا كذا حاجه

أولا المواصفات اللى بتنزل على kia worldwide بتبقى هى اللى بتنزل لمعظم الدول ومنها مصر , يعنى انا إتأكدت من الموقع دا قبل كدا فى حاجات كتير قبل ماتنزل مصر , مثلا ان الريو هاتنزل 1400 مفيش 1600 , وان الكارينز هاتنزل 1600 GDi زى السبورتاج , وغيره

ثانيا والأهم ان هيونداى أعلنت من إسبوع إنها هاتننزل الفيلوستر التربو للشرق الأوسط ودول الخليج يعنى برضه ممكن تنزل مصر :)

اللى يعرف أى معلومات من التوكيل مايبخلش علينا بقى

[Silent~Dream]

ال 1.6 التربو هيعمل احلى شغل وشكرا على المعلومات

[Ahmed_Adham]

لو مفيش 1600 na يبقى أكيد 1600 تربو لأن 2000 مستحيل ييجي مصر عشان الجمارك بس الخوف بقى للتوكيل يقنعهم بال 1600 na على الكوبيه. اتعملت في كذا عربيه قبل كده.

[Hosam_Optrawy]

لو مفيش 1600 na يبقى أكيد 1600 تربو لأن 2000 مستحيل ييجي مصر عشان الجمارك بس الخوف بقى للتوكيل يقنعهم بال 1600 na على الكوبيه. اتعملت في كذا عربيه قبل كده.

طب والتوكيل هايعمل كدا ليه

الموتور دا بيعمل مع بنزين 91 ومافوق بدون أى مشاكل يعنى مش لازم 95 , والكلام دا من الشركه الأم مش كلام توكيلات زى مابيعملوا عندنا عشان يبيعوا وخلاص

المشكله الوحيده ان سعرها هايعدى ال 200 ألف مرتاح !!

[مهند-النجار]

مظنش
جمارك سعر عالي سوق جديد اختلاف ف الصيانة
بالنسبة لبنزين 91 التربو هيبقي صعب يشتغل علية لان التربو بيولد ضغط يصبح معه ضروري رفع رقم الاوكتان لتاخير وقت الاشتعال كل ما رقم الاكتان علي كل مااد الضغط اللي بيؤدي لاشعال البنزين

الا لو في تكنولوجيا جديدة ودة مستبعد

علي اي حال لو دة حصل يبقي ياريت الواحد نفسه يسمع ففووووووووووووووو تفسسسسس ف الشارع ههههههههههههههههههه

[Ahmed_Adham]

طب والتوكيل هايعمل كدا ليه

الموتور دا بيعمل مع بنزين 91 ومافوق بدون أى مشاكل يعنى مش لازم 95 , والكلام دا من الشركه الأم مش كلام توكيلات زى مابيعملوا عندنا عشان يبيعوا وخلاص

المشكله الوحيده ان سعرها هايعدى ال 200 ألف مرتاح !!

يعمل كده عشان السعر. أصلها مش هتعدي ال 200 بس ده هتخش في ال 230 كده جنب الاسترا وتفرق 100 ألف جنيه عن الشكل القديم.

[ahmedesmat1987]

معتقدش خصوصا ان الموتور اللى نازل gdi ولو كانو عندهم النيه انهم ينزلوه مصر كانو نزلوه فى الالنترا الجديده خصوصا بانها اصلا بتنزل بيه بره دا اولا"

ثانيا " الموتور دا بنزين 95 وش دا لو كان n/a فاكيد لو هينزل توربو مش اقل من 97 دا لو بنزين نضيف


فانا فى اعتقادى الشخصى هينزلوها بموتور e-tec او DOCH بس الهورس بتاعو عالى شويتين عشان يعرفو يروجوله وميحسسوناش بالفرق مابين الموتورين........ودى لعبه قديمه يا ما شربناها قبل كده

[Hosam_Optrawy]

يعمل كده عشان السعر. أصلها مش هتعدي ال 200 بس ده هتخش في ال 230 كده جنب الاسترا وتفرق 100 ألف جنيه عن الشكل القديم.

كدا فعلا بقت بتمن الأسترا والجولف والأوكتافيا والجيتا

معتقدش خصوصا ان الموتور اللى نازل gdi ولو كانو عندهم النيه انهم ينزلوه مصر كانو نزلوه فى الالنترا الجديده خصوصا بانها اصلا بتنزل بيه بره دا اولا"

ثانيا " الموتور دا بنزين 95 وش دا لو كان n/a فاكيد لو هينزل توربو مش اقل من 97 دا لو بنزين نضيف


فانا فى اعتقادى الشخصى هينزلوها بموتور e-tec او doch بس الهورس بتاعو عالى شويتين عشان يعرفو يروجوله وميحسسوناش بالفرق مابين الموتورين........ودى لعبه قديمه يا ما شربناها قبل كده

اللى أعرفه ان الفيلوستر التربو فى أمريكا بتمشى ببنزين 92 بدون أى مشاكل , والكوبيه فيها نفس الموتور

[ahmedesmat1987]

كدا فعلا بقت بتمن الأسترا والجولف والأوكتافيا والجيتا



اللى أعرفه ان الفيلوستر التربو فى أمريكا بتمشى ببنزين 92 بدون أى مشاكل , والكوبيه فيها نفس الموتور

دا فى امريكا حضرتك احنا 92 بمواصفتنا ممكن يستعملوه على انو 80 ودا طبعا مش موجود اصلا عندهم

شكرا والى الامام

[hossam_elwani]

طيب وهو مش ممكن ينزلها بمحرك gdi العادى بدوت تربو ويبقى حل وسط ؟؟

[Hosam_Optrawy]

طيب وهو مش ممكن ينزلها بمحرك gdi العادى بدوت تربو ويبقى حل وسط ؟؟

ال GDi مش هايعمل الفرق الشاسع فى الأداء

بس لما تنزل تربو , وتعدى ال 200 ألف هايبقى فى سبب مقنع إلى حد ما

بالموتور التربو متوقع يبقى التسارع بتاعها فى حدود 7.5 ثانيه , يعنى هاتبقى أقوى عربيه 1600 فى مصر

[S O P H O S]

معتقدش هيجيب التربو مصر

[JapRuleZ]

لو ال cerato دلوقتى 190 الف اكيد ال turbo زود 30 ..... قول 230 طيب ايه هيخليك تسيب ال astra ال turbo و تجيب cerato turbo

[hossam_elwani]

لو ال cerato دلوقتى 190 الف اكيد ال turbo زود 30 ..... قول 230 طيب ايه هيخليك تسيب ال astra ال turbo و تجيب cerato turbo

تعدد اﻻذواق واﻻهواء

[yasserelsayad]

لو ال cerato دلوقتى 190 الف اكيد ال turbo زود 30 ..... قول 230 طيب ايه هيخليك تسيب ال astra ال turbo و تجيب cerato turbo

فيه فرق acceleration بينهم والشكل فى رأى للكوبيه