العين صابتنى و رب العرش نجانى الحمد لله

[moha4tec]

الحمد لله على كل شىء.

كنت فى الحاره اليمين من الملف وواحد دخل على قفل و طلعنى على الرمله .و هوب العربيه عومت .و انا على 120مش مصدق .طب ما انا دخلت فى الرمله قبل كده على 160 و محصلش اى شىء .بس مكنتش فى ملف
المهم العربيه عومت منى و حسيت انى فقدت السيطره عليها .
المهم لقيتها رايحا ناحية الرصيف و هوبا التعويم قلب الناحيه التانيه و هلبس فى اليفط و يمين فى شمال و كده .و ربنا الهمنى انى اجيب الدركسيون كله فى ناحيه و بقى تقريبا ضهر الهربيه للطريق و قمت قالب الدركسيون الناحيه التانيه مع فرامل كبس و رفعت مره واحده و هووووووووووووب عملت 360 ههههههههههه * 180 و قامت عدله نفسها هههههههههه زى التفحيط كده بتاع السعوديه .عاوز اقولكم ان صوت الكوتش كان عامل مؤثرات صوتيه زى الافلام الاجنبى ههههههه و كنت حاسس انى هموت و الله و انها المره مش هتعدى .و ان دى اخر مره هركب فيها العربيه .بس الحمد لله ربنا ستر .
و ركنت على جنب و الناس وقفولى اتطمنوا على و بوكس الشرطه وقفلى كمان اطمن على و الظابط شربنى ميه ووقفت هديت شويه و بعد كده مشيت
الحمد لله كل عربيات الطريق عرفوا يفادونى ووقفوا معايا .
و الله العظيم ربنا كريم .نفس الملف ده عومت فيه على 160 و كنت مش غلطان لانى كنت بفادى واحد و صخره و عربيه و كنت غلطان انى بجرى بس المره دى اللى قدامى قفل على و انا بتخطاه و اكصدامى الامامى كان هيلمس فى اكصدامه الخلفى فى اتجاه الملف يعنى الراجل ده كان هيعوم عكس اتجاه الملف و يموت طبعا و يلبس فى الرصيف و عمود الاعلانات الكبير اوى ده . فقمت داخل فى الرمله و حصل اللى حصل و ال 3 حارات التانيين كان فيهم عربيات يعنى متقفله دومينوز و مفيش غير النزول فى الرمله و انى اضحى بنفسى بدل ما اموت حد معايا .
المهم نصيحتى :
خلى بالكم من حالة الكوتش و ركبوا نوع كويس و شيكوا على الضغط و اعملوا صيانتكم فى ميعادها
شيكوا على العفشه و ربطوها .
بلاش جرى
الايام دى درجة الحراره قليله و الريح سرعتها قليله و العربيه فى الظروف دى بتجرى جامد جدا جدا جدا و بتفوق بطريقه غريبه .و ممكن تسرح منك

كنت المفروض اروح اغير المساعدين اللى ورا و كسلت بقالى 3 شهور و فعلا كانت بتخلى العربيه تميل فى الملفات جامد مع انى مركب شدادات و مكنتش بتميل زى كده قبل كده بس انا اللى اهملت فى تغيير المساعدين
انا بجد المره دى كنت هتشيع بجد . و مكنتش رابط الحزام .اول مره اترعب فى حياتى كده .بجد ركبى باظت و سابت .و اعصابى اتدمرت و رحت الشغل معرفتش اشتغل اصلا و اخدت اذن و اعدت استريح و اخد نفسى و الحمد لله بقيت احسن
اعتقد لولا تماسك الكوتش مع الارض كان كويس و فضل و رحمة ربنا فى الاول و الاخر طبعا لكنت رحت بلاش
الحمد لله الحمد لله الحمد لله
الفرجه على الافلام السباقات و الدريفت خلت العقل الباطن يخلينى اعمل 360 لا ارادى و العربيه عدلت سبحان الله .
الحمد لله

[mastr_n]

ياباشا الحمد للة انك بخير ولازم ان شاء اللة تطلع حاجة للة
وبعدين انا حاسس بكل كلمة انت بتقولها لأنى عشت اللحظة دية قبل كدة ربنا مايوريها لحد ابدااااااا
انك تشوف الموت بعينك وتلاقى نفسك بتحاول تجمع وتنطق الشهادة

بس انا كنت غلطان لأنى كنت بغير من جنط 15 ل جنط 16 وبعد كدة استخسرت اشترى كاوتش جدبد وقولت اجيب مستعمل لحد بس ما افوق من تمن الجنوط الجديدة

والحمد للة مع اول موقف بالفرد المستعملة وعلى سرعة مش عالية لاقيت نفسى فى مراجيح مولد النبى

والنتيجة علشان كسلت واجلت الفرد الجديدة اللى هية تمنها حوالى الفين تلاتة العربية اتخبطت منى وصرفتلى قرب 5000 جنية الحمد للة هلى كل حال

واشتريت فعلا فرد جديدة بعد الحادثة مباشرة عندك حق الفرد لازم تكون حالتها 100% علشان سلامتك انت واللى معاك

الف سلامة تانى وان شاء اللة خير

[lanos2004]

الحمد لله انك بخير
بس كانت عاوزة تتصور دة فيلم اجنبى

[احمد المصرى]

الحمد لله انك بخير يا باشا والحمد لله ان ربنا ستر

[akmm]

الف الف سلامه وقدر الله ولطف .

[Optiplex]

قدر الله وماشاء فعل حمدالله عالسلامة

[2CODE]

حمدلله على سلامتك يا موحا ويلا روح مركز الصيانة واطلب منهم فحص شامل هناك او تقرير عن العربية

لأن العربية دي عمرك اللي فيها لو هتهتم بعمرك ؟؟؟؟ اكيد هتهتم طبعاً

والحمد لله ان العربية عدلت نفسها وانت عرفت تتصرف في الموقف كويس وساعدت العربية في انها تعدل نفسها

انا عامل موضوع عن لما العربية تعوم ابقى شوفه انت ليك تجارب برضه زيي وزي الكل هنا هههههههههههههههههه

[khaabas]

الحمد لله انك بخير وغير المساعدين بقى

[A.Saad]

الحمد لله انك بخير

[Dr.M_baz]

أولا حمدا لله على سلامتك..... لازم تطلع صدقه لله.
ثانيا 120 و 140 في ملفات حتى وان كانت السياره ممتازه و السائق خبير تعتبر مجازفه غير معلوم نتائجها .... كل ملف وله ظروفه و حال العربيات بيتغير من يوم للتاني.
لي ملاحظه العربيه ديه بدأ يرتبط اسمها بمراجيح مولد النبي كتير..... انا و الله خايف المصريين يسموها كيا مراجيح.

[adelghanem]

ﺍﻟﺤﻤﺪ ﻟﻠﻪ ﻋﻠﻰ ﺳﻠﺎﻣﺘﻚ ﺍﻟﻒ ﺣﻤﺪ
ﺷﻜﺮا ﻟﻨﻘﻞ ﺍﻟﺘﺠﺮﺑﻪ ﻟﻠﺎﺳﺘﻔﺎﺩﻩ ﻭﺍﻟﻌﺒﺮﻩ

[profimh]

حمدلله على السلامة و الحمدلله اللى جت على قد كده فضل و نعمة

[profimh]

أولا حمدا لله على سلامتك..... لازم تطلع صدقه لله.
ثانيا 120 و 140 في ملفات حتى وان كانت السياره ممتازه و السائق خبير تعتبر مجازفه غير معلوم نتائجها .... كل ملف وله ظروفه و حال العربيات بيتغير من يوم للتاني.
لي ملاحظه العربيه ديه بدأ يرتبط اسمها بمراجيح مولد النبي كتير..... انا و الله خايف المصريين يسموها كيا مراجيح.

لا مش للدرجة دى اومال لو النترا hd كنت اتفرج على المراجيح بجد و مكنش الموضوع انتهى إطلاقا بالشكل ده الحمدلله على كده

[saddam]

صديقي المواطن
متعاطف معك وأحس بك قلبا وقالبا فقد تعرضت لمواقف شبيهة مرات عدة منها بسرع بسيطة ك 140 وسرع معقولة ك 180 وسرع عالية ك 250 و280 كمان ولكن تريد الحقيقة بعد أن تتعرض للوصول قبل الموت بشوية أوي تحس بقيمة الحياة وكمان تبتدي تراجع نفسك في أمور كثيرة وأهم من كده حتعرف مدى تأثير الحوادث عليك وعلى العربية وحىغير طريقة قيادتك بعدها
وقدر الله وما شاء فعل
وبالتوفيق وإلى اﻷمام ومن نصر إلى نصر
ودمتم للنضال

[sewefy]

حمدلله على السلامه وربنا كريم وعدت ولازم تاخد بالك بعد كده وعلى ما اعتقد ان عربيتك فيها اى بى اس ولاه من غير