استهلاك بنزين الريو الجديدة

[MoH.SaLaDiN]

انا حاطط زيت شل الترا اللى فى التوكيل والمفروض ان ده من الزيوت الكويسة بس مش فاهم اووى علاقة استهلاك البنزين بزيت المحرك ؟

[toty_305]

-التوكيل كان بيحط زيت لزوجته 5w40 ...دلوقتي في هيونداي بيحط 5w30

-اللزوجه الاقل بتقلل الجهد على المحرك بالتالي بيوفر في استهلاك البنزين بس الحكاية دي هتوفر بتاع 5-10 % فقط

-أنا شايف واضح أن ده استهلاكها الطبيعي خصوصا لو بتقيس في الزحمة العربيه 1400 و مع الزحمة و لو العربية
مخنوقة و تكييف أكيد بتحرق كتيير شوية قالاستهلاك بيكون أعلى

-انا لو منك أريح دماغي و مخليش حد يلعب في العربيه كتيير أعتبرها 1600 و كنت هتقرب من الاستهلاك ده عادي بس أهم حاجة بلاش تحسب الاستهلاك في الزحمة الخانقة

[MoH.SaLaDiN]

-التوكيل كان بيحط زيت لزوجته 5w40 ...دلوقتي في هيونداي بيحط 5w30

-اللزوجه الاقل بتقلل الجهد على المحرك بالتالي بيوفر في استهلاك البنزين بس الحكاية دي هتوفر بتاع 5-10 % فقط

-أنا شايف واضح أن ده استهلاكها الطبيعي خصوصا لو بتقيس في الزحمة العربيه 1400 و مع الزحمة و لو العربية
مخنوقة و تكييف أكيد بتحرق كتيير شوية قالاستهلاك بيكون أعلى

-انا لو منك أريح دماغي و مخليش حد يلعب في العربيه كتيير أعتبرها 1600 و كنت هتقرب من الاستهلاك ده عادي بس أهم حاجة بلاش تحسب الاستهلاك في الزحمة الخانقة

بس ده مش استهلاكها الطبيعى بدليل ان فيه ناس عندها استهلاك اقل ةن كده وصعب الاستهلاك العالى ده مع عربية 1400 تبقى مقلب بصراحة وخصوصا ان تنك البنزين صغير اصلا واكيد سحبها مش فى كفاءة 1600 لازم المشكلة يكون ليها حل

[toty_305]

-انت ممكن تحجز صيانة و تقول لهم على الموضوع ده و اختار بنزينه كويسه تحط بنزين منها


-و حاول تطلع طريق سريع و تفتح العربية شوية تحرق على نقلات و كيك داون و كده يمكن مخنوقة او فيه بنزين مش نظيف معلي الاستهلاك

-حكاية التانك الصغير دي مقرفة جدا انا عندي برده يبق فاضل بتاع ربع التانك يطلعوا 20 -25 لتر

[MoH.SaLaDiN]

-انت ممكن تحجز صيانة و تقول لهم على الموضوع ده و اختار بنزينه كويسه تحط بنزين منها


-و حاول تطلع طريق سريع و تفتح العربية شوية تحرق على نقلات و كيك داون و كده يمكن مخنوقة او فيه بنزين مش نظيف معلي الاستهلاك

-حكاية التانك الصغير دي مقرفة جدا انا عندي برده يبق فاضل بتاع ربع التانك يطلعوا 20 -25 لتر

غالبا حستنى لغاية صيانة ال 5000 كيلو وان شاء الله ان طالع القاهرة الاسبوع ده ححاول اجرى على سرعات عالية عشان افتح العربية شوية

[M I D O]

للاسف الريو بتبلع بنزين بس قالو في سوفت وير جديد بيظبها تقريبا

[MoH.SaLaDiN]

عايزين حد من اللى ظبطوا السوفت وير يقولى اخبار الاستهلاك ايه

[John.Mersal]

السلام عليكم..
انا عملت update لل software و فعلاً الاستهلاك احسن بكتير و كان فيه عندي شكوي اني اول مابرعش النور ال RPM بيتحرك سنة بسيطة و كل الكلام دا اتحسن
عربيتي عاملة دلوقتي 12 الف و عملت الكلام دا في صيانة ال 10

دلوقتي التانك لما بفول 32 لتر ( من اول اللمبة منورة الي اول تكة في مسدس البنزين )
بيعمل معايا 300 كيلو تقريباً جوة البلد
من غير قرص و بتكيف مش طول الوقت

بس حط في اعتبارك برضو ان معاك عربية 1400 109 حصان. يعني موتور مش سهل و بياكل بنزين
و مع ذلك انا لما اشتريت العربية كان املي في استهلاك احسن من كدة . يعني ال ACCENT RB بتاكل يمكن بنزين اقل شوية كمان و هي 1600 سي سي .. فا برضو الريو فيها عيب البنزين

[S O P H O S]

بس حط في اعتبارك برضو ان معاك عربية 1400 109 حصان. يعني موتور مش سهل و بياكل بنزين
و مع ذلك انا لما اشتريت العربية كان املي في استهلاك احسن من كدة . يعني ال accent rb بتاكل يمكن بنزين اقل شوية كمان و هي 1600 سي سي .. فا برضو الريو فيها عيب البنزين

والله يا باشا كلام متوازن جدا
متفق معاك

[MoH.SaLaDiN]

صراحة انا حسبتها تانى برده بس حاولت المرة دى رجلى متكنش تقيلة على دواسة البنزين وخصوصا الطلعات المرة دى الاستهلاك حوالى 10.5 لتر لكل 100 كيلو ده سواقة جوه البلد بدون تكييف مع تشغيل نظام ايكو لتوفير البنزين يعنى استهلاك متوسط لعربية 1600 عموما لما اروح اعمل صيانة 5000 حاخليهم يعملوا تحديث للسوفت وير

[toty_305]

-يا بيه eco دي لمبة فقط لا غير و ملهاش أي تأثير

[MoH.SaLaDiN]

-يا بيه eco دي لمبة فقط لا غير و ملهاش أي تأثير

يعنى ايه لمبة بس هيا فيها on و off ولا طلعت اشتغالة

[elmkaneeki]

طب ايه الفايدة بقي انه موتور ١٤٠٠ ؟
الضريبة يعني ولا ايه

[toty_305]

يعنى ايه لمبة بس هيا فيها on و off ولا طلعت اشتغالة

-ليها on و Off ماشي لكن هي عبارة عن لمبة بتقول لك انك بتضغط على الدواسة بصورة اقتصادية

-النظام اللي بيوفر اسمه Active Eco وليه زرار كده جنب بتاع مستوى اضاءة التابلوه و ده في الدول الاجنبية و المتطورة فقط

[Mohab555]

فى شوية حقائق عن موضوع البنزين ده لازم نكون متفقين عليها
------------------------
1- الريو التنك صغير فبتحس انها بتاكل بنزين كتير
2- العربيه موتورها حامى و استهلاكها زى ال 1600
3- لمبه ال ECO دى مجرد دليل على مدى تقل رجليك على الدواسه مش اكتر .... الايكو التانى بينزل فى الموتور ال 1600 GDI
4- العربيه بالنسبه للاداء الى بيطلع منها مش خساره فيها انها تاكل شويه زياده عن العادى و تطلع لاستهلاك ال 1600 ... و الحكم على استهلاك البنزين فى الزحمه صفقة فاشله و غير منطقيه .... و ظالمه لاى عربيه

انا معايا هاتشباك خليجى 2013 و الحمد لله عملت السوفت وير و العربيه ممتازة معايا الصراحة و دى صور الاستهلاك على الدائرى من اكتوبر للتجمع بدون جرى و بالجرى ....