تجربتى مع كيا شوما

[sherbeni]

بسم الله الرحمن الرحيم
علشان خاطر عيون احلى منتدى اللى منور باعضائة المحترمين حبيت اعمل موضوع عن الكيا شوما مع العلم انى كان معايا قبل العربية دى بيجو 306 و قبليها bmw316وقبليهارينو كليو وقبليها لادا استاشن معايا دلوقتى الكيا شوما وعربية فيات 128 3b اللى عايز اى حاجة فى الموديلات السابقة بردو انا تحت امرة و مستنى استفسارتكوا بخصوص اللى عايز يعرف اماكن قطع الغيار المشاكل اللى واجهتكو فى الموديلات السابقة وانا بفضل الله اساعدكو فى حلها او فى الكيا شوما فى انتظاركم

[akmm]

انا مش معايا ايا من السيارتين ولكن دى مبادره طيبه من حضرتك وجي شكرك عليها وكل يوم المنتدى بيثبت ان مابه من اعضاء هم اخوه يبتغون مساعده بعضهم البعض .شكرا ....

[Amr Elshamy]

الكيا الشوما فى بورسعيد " منطقة حره " من سنتين كانت عامله 25 الف دلوقتي لو جيت اشتريها ب 35 و ب 40 كمان ..

[sonybony]

كويس اوي اكيد فيه كتير هيحتاجو المسلعده ده

[mohandelboshy]

ده انت جيت في وقتك الصراحة وموضوع في محله لان العربية دي محدش يعرف عنها حاجات كتيرة وعاملة حالة من الغموض مع انها شبه السيفيا
انا بصراحة عاوز اشتريها ومعرفش اي حاجة عنها
هل هي عربية كويسه ومتينة بستحمل ولا لأ ؟
هل قطع الغيار موجودة في كل مكان ( يعني في الدلتا مثلا ولا لازم اجيبها من القاهرة او بورسعيد ؟
هل سهل تتعلم صيانتها وهل اي واحد كويس يعرف يشتغل فيها ولا عاوزة صنايعي متخصص فيها ؟
هل هي عربية ثابته علي الطريق وفراملها كويسه ولا زي اغلب الكوري فرامل تعبانه ؟
هل هي عربية عائلية ولا بتاعه عيلة صغيرة ( لاني كنت بعاني من الحته دي في الابيزا 94 لانها ضيقة من ورا فعاوزة عيلة صغيرة ) ؟
اعادة البيع دلوقتي عاملة ايه ؟
واخيرا الحالة الكويسة منها تعمل كام دلوقتي ويا ريت الموضع بتاعك ده بعد اذنك يكون مرجع للشوما في كل حاجة حتي اللي عاوز يبيع او يشتري او يعمل صيانة او يشتري قطع غيار ويبقي موضوع متكامل عن الشوما بس

معلش انا طولت عليك في الاسئلة بس ما صدقت واحد عامل موضوع عن الشوما بس ففرصة نعرف كل حاجة عنها وخاصة ان مش كتير بيدولها حقها وان كان اغلب المواضيع عن السيفيا بس وتجاهل الشوما
اشكرك علي هذا الموضوع ...اكرمك الله ورفع شأنك

[saddam]

صديقي المواطن
شكرا لمشاطرة اﻷخوة اﻷعضاء خبرتك ووقتك وجهودك ﻹثراء منتدانا الجميل وبالتوفيق وإلى اﻷمام ومن نصر إلى نصر
ودمتم للنضال
ملحوظة البيجو 306 عربية وطنية ومحترمة لو كانت من موديلات 2003 فحرام بعتها

[أبو عاصم]

بارك الله فيك أخي الكريم، أنا عندي كيا شوما موديل 98 - 1500 cc - باور أوتوماتك ، والحمد لله العربية بحالة ممتازة، لكن ليس عندي المانيوال الخاص بها، لاحظت أنها في الطريق السريع ممكن تعمل حوالي 600 كيلو على التانك كاملا، أما في المناطق الداخلية، فتعمل 300 كيلو تقريبا على التانك كاملا، مع ملحوظة إن لمبة الأعطال عندما أفول بنزين أحيانا تنور، ثم بعد ذلك تطفئ اللمبة، فهل هذا عادي أم أن هناك مشكلة تحتاج إلى مراجعة؟

[mooonlight]

الى كل خبراء الكيا شوما وسيفيا انا بفكر اجيب واحدة منهم و ميزانية في حدود 45000 الى 50000

ياريت اعرف رايكم فيهم وانى احسن و موديل اني سنة يعتبر افضل موديل فيهم في حدود الميزانية دي

وعندي استفسار برضه عن الاوتوماتيك فيها كويس ولا ايه علشان انا لازم اجيب اوتو ان شاء الله

معلش طولت عليكم بس دي اول عربية ليا ومش عايزة يضحك عليا او اجيب حاجة مش كويسة واعطالها كتير

شكرا جدا ومنتظرة نصائحكم :)