اغير كاوتش ال 17 ولا اشتري جنوط سيراتوا ؟ نصيحه :)

[Deshahcoka]

رجاله

لقيت 4 فرد جنوط 16 في اسكندرية الشكل القديم فضي متظبطين يخلصوا على 2000

و في كاوتش صيني 205-55 بس انا مش بشجعه اول الكلام فيه 500 و طبعا الكويس ب 700 800

اتوكل على الله في الممضوع ده مع انوا ممكن التكلفه في حدود 200 جنوط و 2500 كاوتش ؟

ولا سألت على فرد 225-45-r17 تعمل ما بين 600 و 700 مش بطاله حجات مش متأكد من اسمها لسه و اجيب اربعه ب 2500 و يبقى موفر سعر الجنوط ؟

انا كدة او كدة يعني محافظ على ال 17 مش عاوز ابعهم و حخليهم عشان لما ابيع العربية ابيعها بيهم بتوعها الفبريكة ! و لكن مش عارف عندي احساس انوا ال 16 اريح بذات الواحد تعب من كتر الحفر و الكاوتش الناشف و انا اصلا لازم اغير كاوتش جاب اخره

[Lifz_Good]

أعتقد الفرق مش وااااااااااو يعني بين ال 16 وال 17
لو كدا ممكن تنزل ل 15 وتركب مداس كاوتش 205 عادي
والفرق في البروفايل لصالحك

[AhmedNaeem]

لو هتقدر تجيب كوتشات نظيفة للجنوط ال 16 يبقي اتوكل علي الله فيهم
لكن لو الميزانية مش هتسمح يبقي هات كوتش نظيف لل 17 اللي معاك وبلاش تغيرهم

[Deshahcoka]

أعتقد الفرق مش وااااااااااو يعني بين ال 16 وال 17
لو كدا ممكن تنزل ل 15 وتركب مداس كاوتش 205 عادي
والفرق في البروفايل لصالحك

ده الي فكرت فيه بدل ما ارمي 2000 على الارض ولا ايه رايك ؟

15 نادر جدا في السيراتوا و شكله مش لذيذ يعني الي مقبول ال 16 بس لا يقارن بحلاوه ال 17 بس اظني الناس مستريحه اكتر في ال 16 صح ؟

لو هتقدر تجيب كوتشات نظيفة للجنوط ال 16 يبقي اتوكل علي الله فيهم
لكن لو الميزانية مش هتسمح يبقي هات كوتش نظيف لل 17 اللي معاك وبلاش تغيرهم

مهوا هوا ده الي بتكلم فيه انا كنت حجيب كاوتشتات 225 45 متوسطه في رنج الكومهوا يعني امشي حالي بيهم يا اجيب طقم ال 16 و اجبله كاوتشات في نفس الرنج يعني الفرده لل 16 او 17 بنفس السعر حجبها الي حيفرق ال 2000 جنوط زياده !

و ممكن العربية تحتاج شغل عفشة يعني اغير المساعدين و كدة مع اني مش حاسس انهم فيها حاجة بس الناس بتقول على ال 100 الف لازم في حجات تتعمل و حاسس انها هجايص يعني ولا ايه رايكم

[ERROR]

خليك في ٢٢٥/٤٥

[devil_storm]

لو بتكلم علي الجنط ال ١٦ الاصلي بتاعها و سعرهم ٢٠٠٠ جنيه و حالتهم كويسه و مفهمش خدوش يبقي توكل علي الله و هاتهم و ريح بالك من نشوفيه العفشه و البلالين
بس الجنط الاصلي يا بلاش و فكك من الصيني خالص

[Deshahcoka]

لو بتكلم علي الجنط ال ١٦ الاصلي بتاعها و سعرهم ٢٠٠٠ جنيه و حالتهم كويسه و مفهمش خدوش يبقي توكل علي الله و هاتهم و ريح بالك من نشوفيه العفشه و البلالين
بس الجنط الاصلي يا بلاش و فكك من الصيني خالص

اه ده الاصلي بتاعها بس استعمال

انا حاسس سعرهم كتير عليهم يعني ده ال 17 الاصلي يعمل نفس الحدود اعتقد

وخد بالك انوا في ناس بتقول انوا مي حيفرق واو يعني

[devil_storm]

اه ده الاصلي بتاعها بس استعمال

انا حاسس سعرهم كتير عليهم يعني ده ال 17 الاصلي يعمل نفس الحدود اعتقد

وخد بالك انوا في ناس بتقول انوا مي حيفرق واو يعني

مانا عارف انهم استعمال ... سعرهم كويس جدا و مش غالين بس اتاكد ان حالتهم نظيفه و مفهمش خدوش ... علي فكره سعرهم جداد بيعدي ٨٠٠٠ جنيه

و فعلا مش حيفرقوا واو .... العفشه حتنعم حبه بسيطه لان العربيه كده كده ناشفه حتي بالجنط ١٥ و الثبات حيقل حاجة بسيطه جدا و البلالين حتقل كتير ...

هو ميزته حيمنع البلالين بنسبه كبيره ... فلو كانت سواقتك هاديا و بتاخد بالك كويس وانت سايق و الجنط ال ١٧ معملش معاك بلالين قبل كده يبقي متغيرش و خليك ١٧ و خلاص

[Deshahcoka]

مانا عارف انهم استعمال ... سعرهم كويس جدا و مش غالين بس اتاكد ان حالتهم نظيفه و مفهمش خدوش ... علي فكره سعرهم جداد بيعدي ٨٠٠٠ جنيه

و فعلا مش حيفرقوا واو .... العفشه حتنعم حبه بسيطه لان العربيه كده كده ناشفه حتي بالجنط ١٥ و الثبات حيقل حاجة بسيطه جدا و البلالين حتقل كتير ...

هو ميزته حيمنع البلالين بنسبه كبيره ... فلو كانت سواقتك هاديا و بتاخد بالك كويس وانت سايق و الجنط ال ١٧ معملش معاك بلالين قبل كده يبقي متغيرش و خليك ١٧ و خلاص

اه ! فعلا انا حصلتلي كام بلونه بص بقيت ماشي باصص في الارض بفادي المطبات و الحفر و ربنا بيستر اوقات كتير

بس العربية بديت احسن انها ناشفه جدا ! فقلت بدل ما اغير كاوتش ال 17 و انا كدة او كدة محتاج اغيره اجيب ال 16 و اجبله كاوتش عشان ابقى ريحت العفشة شوية و انا راكب

[Deshahcoka]

اجيب الكوتشتين الي ب 600 الاندونيسي دول ال 225-45 و اشتري دماغي و اوفر ال 2000 جنوط في حاجة تانية ؟

[Ahmed_Adham]

تجيب 4 فرد 17 محترمين أحسن من تغيير الجنوط طالما الميزانيه متسمحش بالاتنين مع بعض لأنك ضامن الجنوط بتاعتك لكن متضمنش اللي هتشتريهم مستعملين حتى لو شكلهم كويس.

[Deshahcoka]

و ال 16 مرشوشين و ده الي مقلقني عشان بيقلي ده وش نضافة :) انا بتوعي متحطش فيهم قلم بويه و استعدلتهم بمكبس كلفني الفدره 180 جنيه من غير دق ولا تسخين و طالعين زيروا على الترصيصي !

مهوا فرده نضيفة في بردجستون ال my02 ب 918 هههههه و الاندونيسي نفس تصينع ابردجستون ب 600 :9 و انا محتاج 2 ضروري و 2 مشي نفسك :) لو حغير 4 تفرق بتاع 1200 جنيه ! رايكم استرخص ولا اتوكل على الله !

اكلواتش كله بيبوظ اصله فعشان كدة مسترخس :(

[Ahmed_Adham]

و ال 16 مرشوشين و ده الي مقلقني عشان بيقلي ده وش نضافة :) انا بتوعي متحطش فيهم قلم بويه و استعدلتهم بمكبس كلفني الفدره 180 جنيه من غير دق ولا تسخين و طالعين زيروا على الترصيصي !

مهوا فرده نضيفة في بردجستون ال my02 ب 918 هههههه و الاندونيسي نفس تصينع ابردجستون ب 600 :9 و انا محتاج 2 ضروري و 2 مشي نفسك :) لو حغير 4 تفرق بتاع 1200 جنيه ! رايكم استرخص ولا اتوكل على الله !

اكلواتش كله بيبوظ اصله فعشان كدة مسترخس :(

حتى لو كله بيبوظ الكاوتش يفرق معاك في الفرمله والهاندلينج كتير. لو ركبت كاوتش محترم هتحس انك جبت عربيه جديده. استثمر في الكاوتش للمتعه والأمان والأفضل لو تغير الاربعه مره واحده وتعمل روتيشن كل 10 تلاف وترصص (افتكرها مع كل تغيير زيت) والعجل كله هيبقى زي بعضه.

[Deshahcoka]

حتى لو كله بيبوظ الكاوتش يفرق معاك في الفرمله والهاندلينج كتير. لو ركبت كاوتش محترم هتحس انك جبت عربيه جديده. استثمر في الكاوتش للمتعه والأمان والأفضل لو تغير الاربعه مره واحده وتعمل روتيشن كل 10 تلاف وترصص (افتكرها مع كل تغيير زيت) والعجل كله هيبقى زي بعضه.

مهوا فعلا الغالي تمنه فيه :) بس انتا فاهم قصة ال 17 ممكن يقعد 50 الف و ممكن ميكملش 10 مع نقره ولا حفره و يبقى ده او ده راح :(

انا محتار جامد فعلا مش عارف :( مع اني غيرت سبعين نوع قبل كدة جبت montana w kumho w firestone w

[AhmedNaeem]

انا جيب النوع ده marangoni mythos 215/45 ZR 17 XL 91Y
ماشي بيهم حوالي 15000 كم الحمد لله مفيش مشكلة
هو ايطالي والفرده ب 700 جنيه

قولي انت ظبت الجنوط بتوعك فين ؟؟ واخدت قد ايه وقت وبكام؟