ريو 2013 سيدان

[Al-Sherbeeny]

السلام عليكم ورحمة الله وبركاته
ياجماعة انا عايز اراء خبراء الريو
عندي صديق عايز يبيع الريو بتاعتو وهي 2013 سيدان ماشية 12000 كاملة ماعدا فتحة السقف وخليجي
وطبعا عرض عليا الفكرة وانا عايز اعرف المميزات والعيوب للعربية
لاني مش عايز اندم
وشكرا

[amrelsaqqa]

صاحبك هيبيع ليه ؟

[2CODE]

صحيح انا اوافق عمرو برضه هيبيع ليه ؟؟؟؟ ميقوليش تجديد يعني هيجيب ايه تاني هههههههههههههههه

لو هتاخدها راجع عليها جامد لو هتاخدها بس هي عربية ممتازه ما شاء الله هتعجبك .... لو كاملة وكل حاجة وعامله 13 الف كيلو وفبريكه برا وجوه وصياناتها في مواعيدها وهو محافظ عليها يبقى 127 حلو وده سعر السوق دلوقتي ولا تبقى ظلمته ولا ظلمك

[amr011111]

بص يا باشا عربيه شيك جداً من جوه ومن بره
بس الكنبه الخلفيه ضيقه سنه بسيطه
يعنى مش فى وسع الاوبترا ولا الصنى
بس كخامات داخليه احسن من الصنى

بس اهم حاجه تشوف زميلك بيبع ليه علشان هوه هيخسر فيها مش اقل من 15 ل 20 الف

[Silent~Dream]

هى عربيه كويسه بس زى ما الاخوه قالوا لازم تشوف صياناتها و تكشف كويس جدا عليها و توكل على الله

[J A G U A R]

اوافقكم الرأى ..........

[Al-Sherbeeny]

شكرا يا جماعه على الردود دي كلها والنصائح...
اولا : هو هايبيع عشان هو مندوب في شركة ادوية عالمية والشركة تشترط علية ان لازم تكون عربيتو فوق 140 الف جنيه وكمان ماتبقاش كوري ((ماشاء الله عليه)).
ثانيا : هو عامل صيانة الالف في التوكيل ، وصيانة ال 10 الاف في الوكيل بردو ، ومامن عليها تامين شامل.
وانا ضامن الراجل بصراحة

[Al-Sherbeeny]

بس عايز اعرف حاجتين
1- هي الشاشة اللي في الطابلوه بتاعها هي المربعة ولا المدورة
2- ايه عيوب السيارة؟؟؟

[2CODE]

شكرا يا جماعه على الردود دي كلها والنصائح...
اولا : هو هايبيع عشان هو مندوب في شركة ادوية عالمية والشركة تشترط علية ان لازم تكون عربيتو فوق 140 الف جنيه وكمان ماتبقاش كوري ((ماشاء الله عليه)).
ثانيا : هو عامل صيانة الالف في التوكيل ، وصيانة ال 10 الاف في الوكيل بردو ، ومامن عليها تامين شامل.
وانا ضامن الراجل بصراحة

يااااااااااااااه على الشروط ههههههههههههههههه

لأ بقى بجد انصحك تروح تكشف على العربية قبل ما تشتريها بعد الرد اللي انا شوفته ده بتاع صاحبك

[الجنرال]

بصراحة .. بعد رد صاحبك (بغض النظر انت ضامنه ولا لأ) لكن الرد ده مينفعش يتقال في حد بيبيع عربية جديدة - لان مفيش حاجة اسمها الشرطة مشترطة الشروط دي نهائي .. ده ابل نفسها مش بتطلب الشروط دي ههههههه

انا مثلا كنت عايز ابيع الريو بتاعتي علشان العفشة ناشفة جدا ودي حاجة بتضايقني جدا وانا سايق (خصوصا اني كنت بسوق ياباني واوروبي بتاعت بابا قبل ما اجيب الريو بتاعتي)

ده انت مش تكشف على العربية بس .. ده انت تفككها وترجع تجمعها تاني من اول وجديد