الحمد لله ،، الفانوس الخلفي يمين اتخرم ،، هل في حل ?

[aminibrahim]

كنت في المهندسين ومزنوق في شارع ورايح الصيدليه وبرجع بضهري واذا بعربيه بطاطا في الضلمه الايد بتاعتها راحت راشقه في الجزء الابيض في الفانوس راحت كاسره نصه فهل هناك حل لان الفانوس بالكامل سليم والا لازم كل الفانوس يتغير والا امشي بيه عادي والا ايه
الحمد لله علي كل حال

اشكركم جزيلا

[elmkaneeki]

لو ينفع فيه لزق عريض الزقه

[aminibrahim]

لو ينفع فيه لزق عريض الزقه

قصدك السلوتيب العريض?

[elmkaneeki]

قصدك السلوتيب العريض?

Yes

[john55]

ممكن تنزل التوفيقيه في واحد هناك بيصب الوش البلاستيكي الخارجي باين محل اسمه الاهرام وشكرا

[abofandy]

ااهم حاجة دلوقتى حالا لازم تعملها انك لازم لازم تغطى الفانوس متسبوش للهواء كدة
سولتب عريض تقفل الفتحة الى فية دة تمام وممنوع تستخدم المية او اى مية تدخل جوة الفانوس
يعنى الزقة لزقة محترمه شريط واتنين وتلاته بحيث لا يدخل هواء ولا مية على قدر الامكان لحد ما تشوف هتعمل اية سواء تغيره او تركب واحد مكانه

لية بقولك يتغطى حالا
لان العواكس الى جوة في حين انك مش هتغير الفانوس كاملا او هتركبه له وشه العواكس دة لو جه علية ميه استحالة ترجع لاصلها تانى ابدا لان بيبقى فيها زى مواد لو اتاكسدت كل سنه وانت طيب والفانوس يباه بعد كدة انه مضبب وبقى لونه اصفر لو مهما عملت فيه

تقبل تحياتى
وسلمية ان شاء الله والحمد لله انها جت ع قد كدة

[J A G U A R]

اوافق رأى الاعضاء الكرام

[aminibrahim]

yes

طب بص حضرتك هل الاستيراد بيبقي كويس اصلي لقيته وهل بيبقي اصلي

[elmkaneeki]

طب بص حضرتك هل الاستيراد بيبقي كويس اصلي لقيته وهل بيبقي اصلي

اه ان شاء الله اصلي
وحضرتك قارن بينه وبين الي راكب في الكلام الصغير الي بارز تحت او من الخلف عشان تطمن
وحضرتك لاقيته فين عشان محتاج كشاف اتوس ٢٠١٠ استيراد

[aminibrahim]

اه ان شاء الله اصلي
وحضرتك قارن بينه وبين الي راكب في الكلام الصغير الي بارز تحت او من الخلف عشان تطمن
وحضرتك لاقيته فين عشان محتاج كشاف اتوس ٢٠١٠ استيراد

انا بعتللك ع الخاص مش عارف شفته والا لأ

[elmkaneeki]

انا بعتللك ع الخاص مش عارف شفته والا لأ

وصل يا باشا شكرا جزيلا بس حضرتك قافل ان حد يبعتلك

[moha4tec]

فيمه وشين و خلاص
او هات واحد صينى من التوفيقيه ب 200 جنيه الخارجى و الداخلى ب 100 و شويه