مهندسين كيا مصر يبدعوا بصنع ريو 2400 سي سي !!!! مش عارف ازاي !!!!!

[2CODE]

معلش يا جماعة هو احنا كده لما نشوف المصريين يعملوا حاجة مميزه بنحاول نكدب الموضوع ولكن امبارح على الفيس بوك شوفت ان الريو 2400 سي سي برضه كسبت المركز الاول للمره التانية في سباقات الـTime attack

حقق فريق كيا للسباقات أمس فوزه بالمركز الأول بمجموعته بمنافسات Time Attack للمرة الثانية علي التوالي، وللمرة الثالثة علي التوالي خلال موسم سباقات 2013، وذلك مع السيارة كيا ريو 2400 سي سي الأولي في العالم بقيادة نجم السباقات معتز عاطف.

السيارة ريو 2400 سي سي دي الاولى في العالم بموتور 2400 سي سي بأيدي مصرية

صدقوني يا جماعة بس احنا نثق في بعض شويه اهو عربية نازله سباقات والمهندسين في كيا مصر هم اللي معدلينها ومغيرين نظام التعليق وقواعد الموتور وحاجات كتير جداً مغيرنها طبعاً علشان يسقطوا الموتور 2400 سي سي في الريو هاتش باك !!!!!!!!!

ياريت نشوف حاجات اكتر من كده تاني ونفسي بجد اشوف المهندسين بتوع كيا لو جمعوا عربيات كيا في مصر هتبقى الجودة بتاعتها شكلها ايه ؟؟؟؟؟؟ فريق مهندسين كيا في مصر كسبوا برضه افضل مهندسين على العالم فازوا بالمركز الاول يعني بجد نفسي اشوف تجميع كيا هنا في مصر هيبقى جودة ممتازه جداً

احنا يا جماعة تنقصنا حاجة واحده حاجة واحده بس !!!! الضمير في العمل !!! والله لو اشتغلنا بضمير هنبقى احسن ناس

عذراً على الاطاله !!!

[mohamed hussei]

اكيد دول فنانين لكن دة مش مقياس للمثال لو كيا اتقفلت في مصر علشان المجموعة دية كام واحد و خط الانتاج بيعوز كام واحد فا المهندسين دول مش هيبئوا مقياس جودة للتقفيل المصري ل الكيا

[Ralliart]

هي دي حاجة حلوة بس بعد إذن حضرتك يعني ايه

كسبوا برضه افضل مهندسين على العالم

ولو الموضوع بالتسقيط على كدة في ناس كتير في الحرفيين يشتغلو في ناسا لان الموضوع مش معجزة واتعمل في عربيات كتير جداً وبمواتير مش من نفس الشركة كمان
أنا فاكر عمي زمان كان مسقط موتور تويوتا هاي اس تربو ديزيل على بيجو 504 في جراج بيته مش عند ميكانيكي حتى

[eng.m7md.ali]

<p>ممكن تكون قواعد الموتور زي قواعد السيراتو 2400 او يكون موتور عربية تانية خالص .. محتاجين تفاصيل اكتر عشان الموضوع يبان</p>

[2CODE]

هي دي حاجة حلوة بس بعد إذن حضرتك يعني ايه
ولو الموضوع بالتسقيط على كدة في ناس كتير في الحرفيين يشتغلو في ناسا لان الموضوع مش معجزة واتعمل في عربيات كتير جداً وبمواتير مش من نفس الشركة كمان
أنا فاكر عمي زمان كان مسقط موتور تويوتا هاي اس تربو ديزيل على بيجو 504 في جراج بيته مش عند ميكانيكي حتى

ياباشا افضل مهندسين في الصيانات الميكانيكيا للعربيات مش افضل صناع !!!!!!!!!!!

شوف هنا بنفسك من صفحة الشركة في الفيس بوك

https://www.facebook.com/photo.php?fbid=585268938181696&set=a.171265752915352.32330.156037537771507&type=1&relevant_count=1

واحنا بنتكلم عن مهندسين على خبرة ودراية وطالعين من هندسة بجد مش بتوع الحرفيين هههههههههههههههههههه

ياراجل بس !!!!!!!!!!!!!

<p>ممكن تكون قواعد الموتور زي قواعد السيراتو 2400 او يكون موتور عربية تانية خالص .. محتاجين تفاصيل اكتر عشان الموضوع يبان</p>

ادخل شوف صفحتهم على الفيس بوك

https://www.facebook.com/kiaEgypt

[Ralliart]

طبعاً دي حاجة كويسة انهم يرتبو على مستوى مراكز كيا في العالم كله والشركات الكبيرة دايماً بتعمل منافسة لمصلحة العميل بس على فكرة الحرفيين فيها مهندسين برضو زي عادل وجدي ومسقط مواتير كتير جداً جداً مش كلهم بقالين
وخدها مني عن تجربة وأنا مهندس بس مدني ،في صنايعية مش متعلمين دماغهم بـ100 مهندس خريج هندسة وليا زمايل بيعملو كوارث ميقعش فيها صبي حداد مسلح والهندسة بتكتسب بالممارسة أكتر من الدراسة
ومازلت عند رأيي ان تسقيط موتور Theta/Theta-II Engine - 2.4L في كيا ريو مش معجزة ومش حاجة صعبة
واسأل قدورة بتاع الدوكو بتاع ورشة نايل موتورز أنا شفت عنده فيرنا مسقطة موتور سوناتا 2400 سي سي اللي هو نفس الموتور اللي اتحط في الريو بالمناسبة ومكانتش أول ولا آخر واحدة.

[i_Am_Legend]

مش فاهم ايه القصة!!! وايه الصعوبة يعني!! احنا بنسقط في الالفا روميو مكنة ٣٢٠٠ :-d واللانشيا بنسقطلها ٢٠٠٠ تربو.. دة ال١٢٨ بيسقطلوها لانشيا ٢٠٠٠ سي سي العربية بتفحرر اول وتاني وتالت :-d.

[amrelsaqqa]

العملية مش تسقيط وبس
الرجالة دى لو عملوا تعديل هندسى بالمعنى الكامل للكلمة يعنى الشاسيه والفتيس والعفشة والفرامل اتعدلوا بالشكل المطلوب لمناسبة الموتور الجديد ، والعربية حافظت على الهاندلينج بتاعها وقوة الفرامل وتحمل العفشة ، ممكن فعلا نعتبره انجاز ، ومحدش يقوللى ما هو اي حد ممكن يسقط اي موتور ! احنا بنتكلم في دراسات وحسابات هندسية

ماهو انا ممكن اركب موتور 1600 في توكتوك واخليه يمشى على 400 ، بس هيمشى ازاى ويقف ازاى دي الفكرة

[Ralliart]

العملية مش تسقيط وبس
الرجالة دى لو عملوا تعديل هندسى بالمعنى الكامل للكلمة يعنى الشاسيه والفتيس والعفشة والفرامل اتعدلوا بالشكل المطلوب لمناسبة الموتور الجديد ، والعربية حافظت على الهاندلينج بتاعها وقوة الفرامل وتحمل العفشة ، ممكن فعلا نعتبره انجاز ، ومحدش يقوللى ما هو اي حد ممكن يسقط اي موتور ! احنا بنتكلم في دراسات وحسابات هندسية

ماهو انا ممكن اركب موتور 1600 في توكتوك واخليه يمشى على 400 ، بس هيمشى ازاى ويقف ازاى دي الفكرة

ما هو يا باشا الموتور بينزل بسلطاته حتى العفشة بتتسقط بالجنب كامل بفراملها بمساعدينها بكل حاجة من غير ما يفكها من بعضها
والله الموضوع مش معجزة وطلبة ميكانيكا في هندسة القاهرة والمطرية صنعو شاسيه كامل بقواعده وركبو فيه موتور موتسيكل هوندا 600 وبيعملو عربية زي الفل في أجازة كل سنة!!

[2CODE]

ما هو يا باشا الموتور بينزل بسلطاته حتى العفشة بتتسقط بالجنب كامل بفراملها بمساعدينها بكل حاجة من غير ما يفكها من بعضها
والله الموضوع مش معجزة وطلبة ميكانيكا في هندسة القاهرة والمطرية صنعو شاسيه كامل بقواعده وركبو فيه موتور موتسيكل هوندا 600 وبيعملو عربية زي الفل في أجازة كل سنة!!

الله الله الله

وفين الكلام ده على االطبيعة يا باشا ؟؟؟؟؟؟؟؟؟؟؟؟؟

اننا حتى ماعارفين نعمل مسدس ميا - بلاش كلام زي كده والله !!!!!!!!!!

كفاية الاغاني الشعبي اللي جيلنا بيسمعها !!!!!!!!!! ياراجل مستني ايه من الجيل ده حد يطلع منه نافع

ولو عملوا كده يبقى عربية اخرها تمشي 200 كيلو بس !!!!!! صدقني لو كان مشاريعهم ناجحه كنا شوفنا على الاقل موتوسيكل مصري او حتى توك توك مصري !!!!!

ولا انا غلطان ؟؟؟؟؟؟؟؟؟

[2CODE]

طبعاً دي حاجة كويسة انهم يرتبو على مستوى مراكز كيا في العالم كله والشركات الكبيرة دايماً بتعمل منافسة لمصلحة العميل بس على فكرة الحرفيين فيها مهندسين برضو زي عادل وجدي ومسقط مواتير كتير جداً جداً مش كلهم بقالين
وخدها مني عن تجربة وأنا مهندس بس مدني ،في صنايعية مش متعلمين دماغهم بـ100 مهندس خريج هندسة وليا زمايل بيعملو كوارث ميقعش فيها صبي حداد مسلح والهندسة بتكتسب بالممارسة أكتر من الدراسة
ومازلت عند رأيي ان تسقيط موتور Theta/Theta-II Engine - 2.4L في كيا ريو مش معجزة ومش حاجة صعبة
واسأل قدورة بتاع الدوكو بتاع ورشة نايل موتورز أنا شفت عنده فيرنا مسقطة موتور سوناتا 2400 سي سي اللي هو نفس الموتور اللي اتحط في الريو بالمناسبة ومكانتش أول ولا آخر واحدة.

ههههههههههه فيرنا مسقطة موتور كام !!!!!!!!!!!!

وايه اخبار الشاسية ؟؟؟؟؟؟؟؟

هو اي هري وكلام في الهوا نعمله ؟؟؟؟؟؟؟؟ ايه جهل الشعب المصري ده !!!!!!!!!!!

فيرنا بنقول عليها كتير الـ1600 كفاية يا اخي وزنها والـAerodynamics السيئة جداً بتاعتها !!!!!!!!!!

هو انا اسقط اي موتور من غير ما اعرف العربية اللي هسقطها عليها ؟؟؟؟؟؟

لو تعرف الراجل ده قول له خاف على عمرك يا اخي !!! لو مش خايف على عمرك خاف على اللي هيركب معاك !!!!!!!!

متقوليش فرامل وغيره انا بتكلم على اساس العربية الشاسية نفسه يعني العربية نفسها في الضياع !!!!!!!!!!!!!

[Ralliart]

ههههههههههه فيرنا مسقطة موتور كام !!!!!!!!!!!!

وايه اخبار الشاسية ؟؟؟؟؟؟؟؟

هو اي هري وكلام في الهوا نعمله ؟؟؟؟؟؟؟؟ ايه جهل الشعب المصري ده !!!!!!!!!!!

فيرنا بنقول عليها كتير الـ1600 كفاية يا اخي وزنها والـaerodynamics السيئة جداً بتاعتها !!!!!!!!!!

هو انا اسقط اي موتور من غير ما اعرف العربية اللي هسقطها عليها ؟؟؟؟؟؟

لو تعرف الراجل ده قول له خاف على عمرك يا اخي !!! لو مش خايف على عمرك خاف على اللي هيركب معاك !!!!!!!!

متقوليش فرامل وغيره انا بتكلم على اساس العربية الشاسية نفسه يعني العربية نفسها في الضياع !!!!!!!!!!!!!

ده كان نفس رد فعلي بالظبط
بس بغض النظر عن العربية الموتور اتسقط بحاجته من غير اي مشاكل وسواء عايز تصدق أو لأ مصر مليانة عربيات مسقطة مواتير من غير مشاكل وفي أكتر من لانسر ايفو في مصر متجمعة على شاسيه لانسر عادية ودي فيها شغل كتير لأنه الايفو دفع رباعي والعربيات بتنزل تحفر الاسفلت في الاوتوكروس وزي الفل من غير مشاكل زيها زي الايفو الاصلية والموضوع مش أسطورة تخلينا نصنع عربيات

حضرتك مكبر الموضوع على موتور 2400 كأنهم حطو v8 مثلاً مع ان سعته أقل من ازازتين مية! وحجمه مش فارق عن ال1600 نهائياً

[S O P H O S]

كتير بس ينجح لو صدق
والموضوع اتحقق

[FAR!D]

انا شايف مهما كان ان ده مجهود و بترفعله القبعه...عايزين تشجيع و تحميس

[moryomar]

مع احترامى الشدسد للجميع
العربية الريو اللى كسبت السباق واللى كان راكبها معتز عاطفهى كيا ريو عادية جدا
والموتور اللى فيها
هو متور بتاع سيراتو 1600 القديم اللى اليوابة بتاعتو مش كهربا
العربية اللى اشرف على تسقيط موتورها هو المهندس سامح فى فرع ابو رواش
والعربية موجودة فى الجراج بتاع ابو رواش
انا شفتها وركبتها
لانى كنت بفكر اسقط موتور لعربيتى زيه