تحذير من بائع كاوتش محترم في الاسكندرية!!!

[Deshahcoka]

السلام عليكم

الموضوع من الاخر .... كنت عاوز اشتري كاوتش

فلقيت محل في سموحة جنب بنزينة موبل فوقفت اسأله ... عند كاوتش كذا يا عم الحج ( هوا راجل في سن ال 40 و بيدعي انوا مهندس ) قال امين يا باشا اقعد اشرب شاي و انا اخلص !

قلته مش عاوز شاي انتا عند ايه قالي فرده ب 550 كوهوا مقاس عربيتك ! قلتله حلو نقشة ايه ثالي اكستا ! ثلت نشوف ببص لقيتها نقشة سولس ! قلته عاوز الاكستا الي قلت عليها قالي معنديش المقاس ده

بعد ما فك ال 4 جنوط و الفرد ! انا قلقت الصراحة قلتله اتصرف شوف مقاس تاني اعرض بس عاوز النقشة ديه دخل يدور مع صبيه و قعدوا يوشوا بعض و قالي في اهوا بس قدام و في سولس بس تاريخهم مفتش عليه شهرين ! قلتله خلاص امري لله التانين فات عليهم سنتين ودول لسه طازا بس دول ب 700 قلتله يعم مش فارقة الفلوس انا عاوز الجوده !!!!!! مع انوا البردجستون كانت ب 900 المقاس ده

قالي تعشب شاي و اقعد قعد لقيت الولد مركب ال 4 فرد في منت بقله وريني التاريخ قالي ياباشا لما تيجي ترصص نبص ! و انا زي الاهبل صدقت !

ببص بعديها بيوم القيهم فرد قديمه فات عليها اكتر من سنه ! الشطان ولع في طامغي و مبقتش شايف قدامي ! رحتله قعد يحور و يقنعني انوا عادي ! رحت لتوكيل كاوتش قالي انوا نصاب ! رحت لكذا بايع كاوتش كبار قدام قالي نصاب

قالي هوا بتاع البيعة الواحد يلبس الزبون و هوا ياخد الفلوس في جيبه و طز ! و مدنيش فاتورة ولا ازي حاجة !!!!

انا بكتب الموضوع عشان احذر الناس منه بس ! مهما كنت واثق بص على حاجتك و متخليش حد يغفلك ! الحمدلله و حسبي الله و نعم الوكيل و حرق نار كل قرش اخده مني بدون وجه حق و بالخداع و الحرام و يارب يتحرق بالفلوس الحرامي الي اخدها مني ! امين

شكرا يا احلى رجالة

[saddam]

صديقي المواطن
بدون الدخول في تفاصيل قضيتك وأقف معك أو ضدك فهذا ليس موضوعي أنا فقط سأوصل لك معلومة
لا يوجد كاوتش فث عموم جمهورية مصر العربية في أرخص التوكيلات أو أغلاها قد مضى على إنتاجه شهرين يستثنى من ذلك حد يروح يشتري كاوتش مصري ماركة نسر من باب المصنع غير كده إشتغالات
إحسب فتح اﻹعتماد ثم الباخرة ثم الجمارك ثم الفحص والجودة والمطابقة ثم مخازن المستورد ثم تجار التوزيع ثم حضرتك تشتري الدورة العادية للموضوع ده 6 شهور إلى 10 شهور الدورة السريعة 4 أشهر ده طبعا لو المستورد واقف في باب المصنع وبيحمل أول ما الكاوتش طالع مطبوخ من الفرن ولسه منشفش
ده للتوضيح أما تعليقي على مشكلتك فلم أسمع من الطرف اﻵخر ولكني قلبا وقالبا متعاطف معك طالما تحس إنك قد ظلمت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[sonybony]

حسبنا الله ونعم الوكيل فيه وفي امثاله من التجار والصنايعيه الجشعين

[aw2100]

الكاوتش عمرة الأفتراضى 5 سنوات ماتقلقش انا مرة جبت كاوتش كان عاجبنى نقشتة وسعره مخفض عدى على انتاجة سنة ونصف مافيش مشكلة واشتغل 3 سنين حوالى 40000ك وعموما هو اللى خسر زبون ربنا حيعوضك خير
ومبروك على الكاوتش الجديد ومتزعلش !!!

[J A G U A R]

الضمير انعدم خلاص

[Deshahcoka]

صديقي المواطن
بدون الدخول في تفاصيل قضيتك وأقف معك أو ضدك فهذا ليس موضوعي أنا فقط سأوصل لك معلومة
لا يوجد كاوتش فث عموم جمهورية مصر العربية في أرخص التوكيلات أو أغلاها قد مضى على إنتاجه شهرين يستثنى من ذلك حد يروح يشتري كاوتش مصري ماركة نسر من باب المصنع غير كده إشتغالات
إحسب فتح اﻹعتماد ثم الباخرة ثم الجمارك ثم الفحص والجودة والمطابقة ثم مخازن المستورد ثم تجار التوزيع ثم حضرتك تشتري الدورة العادية للموضوع ده 6 شهور إلى 10 شهور الدورة السريعة 4 أشهر ده طبعا لو المستورد واقف في باب المصنع وبيحمل أول ما الكاوتش طالع مطبوخ من الفرن ولسه منشفش
ده للتوضيح أما تعليقي على مشكلتك فلم أسمع من الطرف اﻵخر ولكني قلبا وقالبا متعاطف معك طالما تحس إنك قد ظلمت
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

عزيزي المواطن :) انا اوافق حضرتك تماما بس انا نقطتي كلها في نوا يبيعلك حاجة بقالي ال 11 شهر ولا السنة او مهما كان مدتها على انها فات عليها شهر ولا شهرين و يقلك ده لسه طازا جيلي و تاريخه مفتش عليه شهرين و يركبه من غير مايوريك حاجة

يعني كان ممكن يقلي اتفضل اوريك تاريخ الفردة قبل ما يركبهم لو هوا عنده ضمر و نيه سليمة

و حضرتك تشكر

حسبنا الله ونعم الوكيل فيه وفي امثاله من التجار والصنايعيه الجشعين

محدش بيبص لقدام كله بتاع البيعه و شكرا

الكاوتش عمرة الأفتراضى 5 سنوات ماتقلقش انا مرة جبت كاوتش كان عاجبنى نقشتة وسعره مخفض عدى على انتاجة سنة ونصف مافيش مشكلة واشتغل 3 سنين حوالى 40000ك وعموما هو اللى خسر زبون ربنا حيعوضك خير
ومبروك على الكاوتش الجديد ومتزعلش !!!

مش قلقان انا بس حاسس انوا اضحك عليا في اكتر من سنة في عمر الكاوتش على الفاضي من غير موافق يعني كان ممكن يقلي كنت اخدت ناقشة تانية ولا ماركة تانية احدث او افضل في نفس عمر الفرده !

حسبي الله و نعم الوكيل !

[khaabas]

اتعلمت درس وده مكسبك الحقيقى ومتزعلش نفسك
:)

[Deshahcoka]

اتعلمت درس وده مكسبك الحقيقى ومتزعلش نفسك
:)

ياباشا الموضوع مش تعلم درس ! ده انا مغير كذا مره قبل كدة .... بس الواحد متوقعش كدة و اخدني على غفله بطريقة واطية يعني ! زي ما بيقلي البس !

[K_E]

حتى لما تدقق اوي برضه مايمنعش انه يتنصب عليك لان في وسائل نصب ما بعد البيع

يعني مثلاً انا اشتريت فردة ب 740 جنيه من مكان مشهور جداً وانتاجها جديد وطلع فيها بلونه بعد ايام ولما روحتله قالي عيب استخدام

[elmkaneeki]

الكدب الي كدبه يحرق الدم بس مش لدرجة تدعي عليه يعني بالدرجة دي

[Deshahcoka]

حتى لما تدقق اوي برضه مايمنعش انه يتنصب عليك لان في وسائل نصب ما بعد البيع

يعني مثلاً انا اشتريت فردة ب 740 جنيه من مكان مشهور جداً وانتاجها جديد وطلع فيها بلونه بعد ايام ولما روحتله قالي عيب استخدام

مهوا انا مش فاهم بيستحلوا مالنا ازاي

الكدب الي كدبه يحرق الدم بس مش لدرجة تدعي عليه يعني بالدرجة دي

ياباشا انا بقالي يوم دمي محروق و متعارك مع طوب الارض بسببه ده المدام هبيت فيها و مخصامني هيا مش زنبها بس يعني حاسس اني اخدت قفى مغري !

يعني انا اصلا اكتر واحد حريص و دقيق في كل حاجة ده لو كفر متخربش مبجبوش لو اقلك ايه يعني لو بجيب الاكل من اوفر و احسن حته يعني من الاخر زي ما بيقولوا ميقعش الا الشاطر !

الي مزعل الواحد انوا اخد القفى مع اني مش غشيم يعني !

و التاني قمة في البرود و فاكرني هندي و مصمم اني هندي جي من اثيوبيا و عاوز يقنعني اني حمار و هوا مش نصاب و انوا الكاوتش جديد ! اقله يعم مكتوب عليه يقلي ما انا لسه شاريه من التوكيل ! اقله يعم ارحمني مفيش مصمم

سبته و مشيت و حفضل ادعي عليه لاغاية ما ربنا يرزقه بزون حياخد بحقي و بحق ناس كتير نصب عليها كيد عشان سمعته مش كويسه في اسكندرية معروف عنه انوا كدة بتاع البيعه الواحد و البس

يا اخي الحرقه يعني الواحد لسه دافع فلوس 4 فرد بشوكهم يجيبهم مش النوع الي كنت عاوزه و بسعر غالي و قدام ! افترى اقسم بالله ! الواحد تعبان بالفلوس مش مال حرام هوا ! و ده كاوتش يعني عشان السلامة و العيال منتقلبش بالعربية ! انا مرحتش اجيب موبايل و اتصب عليا فيه :(

حسبي الله و نعم الوكيل ! ده انا توكيل العربية مش بثق فيهم معرفش ربنا عماني عنه ازاي كدة و قع القدر ...

[dreslam]

معلش محدش بيتعلم ببلاش وكويس انك نبهت وقلت كدا انتا كسبت ثواب ومواساه مننا بس هي نقطه مهمه المحلات اللي على شوارع رئيسيه ومناطق بيعتبروها هاي كلاس ميهمهاش غالبا غير البيعه الواحده على اساس كده كده حييجي غيره ولا يهمه يربي زبون ولا حاجه

[john55]

انا واحد من الناس اضحك عليا في حاجات كتير بزعل شويه لكن بعد كدا عادي المشكله ان الانسان بتعامل مع الناس بحسن نيه ومش مدي خوانه لاي حد فمتزعلش هي الدنيا كدا فيها الحلو و فيها الوحش وبلتوفيق

[elmkaneeki]

قول حسبي الله ونعم والوكيل وانت تاخد حقك

[S O P H O S]

للاسف بقي كتير بالطريقة دي
ولسه انهاردة بردوا علي طريق سفر
مواقف اصعب من كده واستغلال للمواقف !