كيا بيكانتو 2014 اوتوماتيك هاي لاين

[Eng.Nanees]

بليز انا محتاجة مساعدتكو واراكو في كيا بيكانتو 2014 هاي لاين .. هل هي عربية كويسة ولا لا وهي افضل ولا الافيو ؟ وانا اسرتي صغيرة من 3 افراد .. وكمان هل فيها فتحة سقف ولا لا وكمان انا مش حقدر ادفع اكتر من 100 الف خالص فياريت تساعدوني

[M I D O]

100 الف في بيكانتو !!! والله حرام
نصيحة لوجة الله لو تقدري توصلي المبلغ ل 109 هاتي بيجو 301 عربية ممتازة من كل حاجة ولو اخرك 100 الف يبقي في رايي الشخصي هاتي نيسان صني الشكل القديم هتكون افضل بكتير

[Eng.Nanees]

100 الف في بيكانتو !!! والله حرام
نصيحة لوجة الله لو تقدري توصلي المبلغ ل 109 هاتي بيجو 301 عربية ممتازة من كل حاجة ولو اخرك 100 الف يبقي في رايي الشخصي هاتي نيسان صني الشكل القديم هتكون افضل بكتير

اعتقد ان البيجو اوتوماتيك اعلى من من 109 وبيقولو ان النيسان بتاخد بنزين كتير وكمان شكلها مش عجبني حساها قديمة

[el yabany]

ممكن حضرتك تجيبى هيونداى i10 اوتوماتيك وهى فى حدود 90000الف للعادية و 95000 الف للفول اوبشن

ممكن جيلى اميجراند 7 f/o a/t 1.5 تقريبا فى حدود 81000 الف

بريليانس FRV F/o a/t 1.5 قى حدود 97000 الف

بريليانس FSV f/o a/t 1.5 فى حدود 101000 الف

[Mohyeldin1974]

والله حرام كل الفلوس دى حتى لو البيكانتو عربيه ممتازه
لو لازم عربيه هاتش شوفى السانديرو او ممكن اللوجان بس حرام ١٠٠ الف فى عربيه صغيره كده كبيرها ٦٠ او ٧٠ الف.
انا معايا نيو سبارك بس عربيه تانيه فى البيت وجايبها كسر زيرو عشان مدفعش فيها ٧٥ الف حرام
والله فى عربيه جميله صينى اسمها f0 اسالى عليها وشكلها حلو وسعرها معقول

[jojojojo]

البيكانتو طبعا ممتازه بس ليه الهاي لاين هاتي اتوماتيك اول فئه وواعي تجيبي صيني عشان هيبقي حظك زي البطيخه كده البيكانتو محدش اشتكي منها وعربيه بالرغم من صغر حجمها بس امكانيتها ممتازه وجودتها عاليه والف مبرووووووك مقدما

[mahmoud_ali]

حررام 100 الف فى بيكانتو طبعا الهيونداى الجيتز احلى منها بكتير من وجهة نظرى طبعا

[hugan]

الافيو مقبوله شكلا وموضوعا عن البكانتو اللي ب100 الف
عربيه متر في متر ونص ب100 الف ليه
او لوجان اوتو

[M I D O]

اعتقد ان البيجو اوتوماتيك اعلى من من 109 وبيقولو ان النيسان بتاخد بنزين كتير وكمان شكلها مش عجبني حساها قديمة

البيجو الاوتوماتيك ب 123 للاسف و اللوجان الاوتوماتيك حلوة بس شكلها للاسف تعبان و الصني حضرتك بتقولي مش حباها وهية فعلا بتاكل بنزين يتبقالنا اية ؟؟؟ السانديرو شوفيها كدة وهتعجبك ان شاء الله

[sonybony]

انسب حاجه ليكي البيكانتو بصي اولا انتي مختاره اعلي حاجه فيها ولو بصيتي علي الامكانيات ده او الرفاهيه ده الافيو الاختيار الثاني مش هتلاقيها زي فتحه السقف وطي المرايات كهرباء والجنوط والايرباج والتحكم من عجله القياده في الكاسيت والتليفون والبلوتوث وغيره وعلي فكره العربيه من الداخل غير ضيقه بالمره علي العكس مناسبه جداااا ولكن ده علي حساب مثلا شنطه العربيه مش كبيره لكن الاڤيو مثلا ليها شنطه كبيره لكن بدون الرفاهيات السابقه مفيش حاجه مش ععلي قد تمنها دلوقتي لكن الفكره ان كل العربيات غليت وغليت اوي ففكري كويس ونتمنالك كل توفيق

[elmkaneeki]

البيكانتو حلوة جدا

[J A G U A R]

حرام والله 100 الف فى بيكانتو .. فكرى حضرتك فى اوبترا كسر زيرو

[S O P H O S]

البيكانتو كويسة طبعا
بس سعرها اغلي من قيمتها

[M.Radwan]

أنسب حاجة، رينو سانديرو أوتوماتيك أو نيسان صني الشكل القديم.

[assaf]

بصي علي السانديرو