كيا ريو الجديده هاتش باك

[gomgoma22]

السلام عليكم

باختصارر يا جماعه عشان مطولش عليكم محتاج مساعدتكم عشان بفكر اشتري كيا ريو هاتش باك ف ساعدوني ف الاتي ....

انا ان شاء الله هشتريها مستعمله ف ايه الفرق بين 2012 و 2013
ايه الفرق بين الوكيل و الخليجي عامة ف كل حاجه ؟
اخبار عزل الصوت ف العربيه ايه
و هل العربيه ظهرت لها اي عيوب ؟؟ و اخبار قطع غيارها ايه
و اخيرا يا ريت حد يفهمني لو اشتريت خليجي ايه موضوع اشتري تأمين ده ؟!
و اخيرا اخيرا بقي السعر المناسب كم

شكرا و طولت عليكم

[carfreak92]

بالنسبة ليا لما كانت معايا العيب القاتل ان العربية واطية جدا ولما كانت بتتخبط من تحت كنت بحس ان العربية بتتقسم منى السعر المناسب هاى لاين بدون ايرباج ولا abs هاتش باك خليجى موديل 2013 كسر زيرو تعملها مثلا 123000 ل 125000

[gomgoma22]

شكرا يا باشا علي مشاركتك و في انتظار باقي الاعضاء

[big big]

انا معايا عامله 7000ك 2013 بصراحه ممتازه جدا بس برده عيبها انها واطيه جدا وبتاكل بنزين حبتين بس انا شايف ان دول مشكلتين ممكن تتغاضي عنهم بالنسبه للعربيه عربيه كويسه ومتحسش انك سايئ 1400 انطلق ياباشا وبالتوفيق

[الجنرال]

بصراحة .. انا معايا هاتشباك 2013 مش حاسس بمشكلة فى انها واطية خالص (الا لو العمل فول لودد) لكن لو الطبيعي بتاعي مفيش مشكلة

اهم مشاكلها معايا البنزين والعفشة الناشفة جدا جدا

[gomgoma22]

اخبار عزل اصوت ايه يا جماعه ؟

[Fast_driver]

بصراحة .. انا معايا هاتشباك 2013 مش حاسس بمشكلة فى انها واطية خالص (الا لو العمل فول لودد) لكن لو الطبيعي بتاعي مفيش مشكلة

اهم مشاكلها معايا البنزين والعفشة الناشفة جدا جدا

هل حضرتك معاك الجنط 17 ولا 15؟؟

[yasserelsayad]

بصراحة موضوع عفشة ناشفة دى وان العربية واطية محسسنى انكم بتتكلموا على عربية تانية

العربية عمرها ما حكت معايا وبمشى فى كل انواع الطرق والعفشة مش نشفة خالص بالنسبالى دى اطرى عربية عندنا

[Fast_driver]

بصراحة موضوع عفشة ناشفة دى وان العربية واطية محسسنى انكم بتتكلموا على عربية تانية

العربية عمرها ما حكت معايا وبمشى فى كل انواع الطرق والعفشة مش نشفة خالص بالنسبالى دى اطرى عربية عندنا

طب انت يا ياسر الجنط معاك ١٥ وكيل ولا خليجي ١٧ لانها تفرق

[yasserelsayad]

طب انت يا ياسر الجنط معاك ١٥ وكيل ولا خليجي ١٧ لانها تفرق

انا بتكلم طبعا عن الوكيل الـ 15 بس على فكرة باردوا الـ 17 اتحسن كتير يعنى مش نشوفية السيراتو مثلا

[gomgoma22]

ايه يا جماعه هو انا شفاف ولا ايه :/

اخبار العزل ايييييييييييييه :(

[yasserelsayad]

ايه يا جماعه هو انا شفاف ولا ايه :/

اخبار العزل ايييييييييييييه :(

العزل يا باشا كويس جدا جوا العربية .. حرارة وصوت

[gomgoma22]

شكرا و ربنا يطمنكو ^_^

[الجنرال]

انا معايا وكيل جنط 15

بصراحة يا ياسر .. العربية ناشفة قوي كمان .. انا بحس بالترزيع جامد جدا فى العربية من اقل حاجة

بص ده احتمال يكون في عربيتي بس .. عيب فى العربية يعنى .. فانا عايزك تيجي تجربها وتقولي هل دي مشكلة عندي بس ولا ده طبيعي

[carfreak92]

بصراحة موضوع عفشة ناشفة دى وان العربية واطية محسسنى انكم بتتكلموا على عربية تانية

العربية عمرها ما حكت معايا وبمشى فى كل انواع الطرق والعفشة مش نشفة خالص بالنسبالى دى اطرى عربية عندنا

لا العربية كانت معايا جنط 17 كان والدى بيركب معايا قدام وزنه تقريبا 110 ومعانا واحد ورا كمان وزنه 90 العربية مقضياها حك ولو خدت مطب بسرعة شوية نص العربية من تحت فاضل شويه واحس انه لمس السقف مع انى كنت بحب العربية دى جدا بس بعتها للسبب دا وجبت النترا بردوا فيها نفس المشكلة بس بس بالافورة بتاعت الريو الصراحة :)